‏زحمة أفكاري ضروري تستثير إحساسي
‏وتقطع حبال الهدوء، وسجّة المتعايش

‏والله ان العالم اللي عايشٍ في راسي
‏ازحم من العالم اللي فيه راسي عايش

‏"الخوف يجتاحني.. وجه الطريق أسمر
‏راح اكثر العمر، يا خوفي على الباقي

‏يا صوت لا تلتحف صمتي ولا تصبر
‏قل ما تبي واترك الهقوة على الهاقي

‏والخطوة اللي عن آخر سكتي تقصر
‏ماهيب من طبع رجليني ولا ساقي

‏مانيب من عاش لا يربح ولا يخسر
‏ولا هو ضروري تكون افعالي: أخلاقي"

‏ان شفتك بخير والضيقه تهول وتروع
‏طاري انك بخير وحده ياخذ بيدّها

‏يمه لك اني لو أظمى في حياتي وأجوع
‏ما اقصر عن الهقوه اللي قلتِ لي عدّها

‏اهون لي تروح روحي لا التقن الجموع
‏ولا تنظري لي بـ نظره ماني بـ قدّها

صدفه غريبه والحقيقه ما على الدنيا غريب
يازينها صدفه بلا سابق وعد يازينها

الله صرفها لي مثل صرف العلاج من الطبيب
أثر الجروح تطيب لا من عولجت في حينها

لا طاب جرحي منه من غيره لعلّه ما يطيب
يطعن وطعناته على شان الغلا راضينها

أحلى شوي من العسل وألذ من طعم الحليب
وأحر من همسة شفايفها وغمزة عينها

ومجدل يوم أنتثر كله ماغير يفوح طيب
يطيح لو ما تفهقه بيسارها ويمينها

لا ينزعج ترى الجمل ما طاح لو أنه صويب
لا يا بعد ناس تحد لطيحته سكينها

ولا يفرح الحاسد تراها طعنة من يد حبيب
وشلون أبا انساها وهو بين الفؤاد وبينها

القلب واحد و المحبة لواحد
مارضى شريك لي لو فيك قلبين

حبه بصدري سالفة سر في بير
حبه يوردك الجنون ولا يوصف له غلاه حكاك له

احبه ولا ابغضته على شي يسويه
والله ان حبك مع الوقت ما ينقص

وطبع حبك بقلبي ولايام ما تمحيه
لا غبت عن عيني رح انشد غرامك

تلقاك في قلبي مقلط ومحشوم
مكرم حبك وله في الحشا سمن وسمين

يقدع من الحال واصب له بن الوريد
في غيابك لك محبة ولك شوق و ونين

ليتك تشوف الغلا وأبراجه وعاجه
اقوى رياح العذل ما تقدر تهده

‏"يا ربي وانت ربي لا تخليني لفضل الناس
‏إذا عيّوا كسف وجهي حيا، وليا عطوا منّوا

‏أعوذ بوجهك النور الكريم اني اعيش إحساس
‏يظنون البشر بي خير واطلع غير ما ظنّوا

‏وألوذ بقدرتك عقب الرفاعة من طمان الرأس
‏ومن اللي لا تردّيت أعلنوا وان طبت ما أمتنّوا"

للنصر موعد يِشفي صدور الابرار
‏فالمسجد اللي يرتفع صوت آذانه

‏الشام .. ( آموية ) وقولوا لـ بشار
‏عصرٍ ما بعد عجافه ، الا سمانه

‏ماهوب طايل عمر من بين الاعمار
‏ولا آطول من ( رقبته ) الا لسانه

‏ان ما رماه الوقت فـ يدين الاحرار
‏الخوف يقدر يذبحه .. في مكانه

- عبدالله السراهيد

‏سقط عصر الظلام وذل ظالم وانتصر مظلوم
‏عسى الفجر الجديد يعّم خيره في بلاد الشام

‏ هنا كانت فتوحات وهنا كانت تِدّك الروم
‏هنا يالأندلس منها عرفتي راية الإسلام

‏يوفّى الصابرين أجورهم واللي طغى له يوم
‏ عيون الظالمين اليوم ماظنّي تعرف تنام

- سعود مهدي

لا تشوف اللي تحبه بنظرةٍ مالوفه
أنت عاشق والنظر جهر الشعور وسرّه

لا قدرت تشوف وجه اللي تحبه شوفه
كنّه أول مرّه تشوفه او آخر مرّه

‏"لو أمشي على الماء لا ذكرتك نبت ماطاي
‏خزامى و ورد .. وكل وادي درج سيله"
❤️