Kuchlidek ko’rinadilar

Bilagi ishgan, yelkasi keng, bo’yni beldek ammo bir ishga yaramas kishilarni, ichi somonga to’la qopga qiyoslash mumkin, chunki qum solingan qop bilan hajmi bir xil bo’lsa ham, massadagi farqi anchagina.

Gapga usta kishilar, ishga yo’q bo’lishadi, ular kabi aqllisi (gap) da bo’lmasa ham, ishga kelganda bog’cha bolasi.

Gapirish oson, yengil yo’l bilan kuchli bo’lish ham, ammo natijasi davomli emas.

Birinchi ko’rinish aldamchi, davomlisi esa asli. Kuch sinalganda bilinadi, ko’ringanida emas. Kim yuzaga chiqishga intilsa, kimdirga halovat muhim.

@Ilhom_Rahmatullayev

Ayolga nima kerak?

Hashamatli uy, qimmatbaho taqinchoqlar, brendi baland kiyimlar - baxt tushunchasiga zarracha ham elta olmaydi, bular bir vosita xalos.

E'tibor va mehr asli bebaho sanaladi, baxt har kimning nazlida... Boy ammo keksa erkaklar bilan turmush qurish, erta ajrimga olib kelmoqda. Bir-birini tushunish, qayg'urish degan narsa yo'q. Soxta tuyg'ularga qurilgan hayot, chin bo'lishini kutish, meva solmaydigan daraxtning, mevasini kutishdek gap.

Har bir inson uchun bir kunda 24 soat bor. Boylik mukofot kambag'allik jazo emas. To'q yashashning o'ziga yarasha ammalari ham bor. Boylik sho'r suvga o'xshaydi, qancha ko'p ichsang shuncha chanqayverasan.

Turmush bu - ikki qalbning birligi demak.

Har kim berganiga yarasha oladi, mehr bermay, mehr kutmang.

@Ilhom_Rahmatullayev

Qisqa va tushunarli

Rivojlanishdan to’xtagan inson, tirik hisoblanmaydi. Hayotda na maqsadi bo’lmasa, na qiziqishi, demak u o’lgan, faqatgina dafn marosimi kechikmoqda…

Har sohada yetakchi bo’lish qiyin, ammo bir sohada yetakchi bo’lishning o’zi yetarli. Chunki faqat yetakchilar ko’rinadi, qolganlar esa sahna ortida qolishadi, yuzaga chiqishga yo'l yo'q.

Ish < xobbi bo’lishi lozim, chunki butun umr ishlab bo’lmaydi, ammo xobbi bilan butunlay yashasa bo’ladi.

Hozir mag’lub bo’lganlardan ko’ra, taslim bo’lganlar ko’proq. Inson biror ishga qodirman deyayotgan bo’lsa haq. Qodir emasman desa, unda ham haq.

Bizga mayda ko’ringan xarajatlar, asli bizni yeb bitiruvchilar.
Faqat oz-ozdan yeb bitiradi.

Sir bir insonda bo’ladi, boshqasiga o’tishi bilan u o’z tusini o’zgartiradi.

Daromadingiz qancha oshmasin, xarajatlar qisqarmas ekan, boshlang’ich zinada qolaverasiz.

@Ilhom_Rahmatullayev

Ko'ngilda ko'p edi orzu-yu havas.
Imorat bitdiyu, yetmadi nafas!

@Ilhom_Rahmatullayev

Tanlov

Telegramdagi ko'plab kanallarni tozalab tashladim, (guruhlarni ham). Keraksiz ma'lumotlarga to'la bu - internet tarmog'i. Bir ish bilan kirsang o'ntasi chalg'itadi. E'tiborni jamlash va keraklisini tanlashni ma'qul deb bildim. Tanlov - hayotning eng muhim omili deb hisoblayman.

Minglab balkim millionlab kanal, guruh, bloger, shaxsiy kanal, sportchilar akkauntlari mavjud. Deyarli hammasi reklamadan pul ishlaydi. U, sizga keraklimi yo'qmi farqi yo'q ular foyda olishaveradi.

YouTube ham millionta ko'rish uchun bitta yaxshi mashinani pulini berarkan. O'rtacha besh daqiqalik videoni millionta odam ko'rishi bu - besh million daqiqa demak, bundan tushadigan mablag'ni hisoblamasa ham bo'ladi.

Teran fikrlasak, tanlashga arziydiganlari juda ham kam. Tanlovda adashmang, keraklilik darajasini hisoblang, arzisa ko'ring, kiring. Arzimasa tark eting!

@Ilhom_Rahmatullayev

Hisoblar o'zi o'zgaradi

Bank hisobida qancha puli borligi bilmaydiganlarning hisobi sekundiga o'zgaradi. Ular natijalarga ko'proq e'tibor berishadi, hisob raqamlariga emas, chunki ular bilishadi natijalar pasayishi hisobraqamlariga ta'sir qilishini.

Shunday ekan, hamma muvaffaqiyatli shaxslar intizom bilan harakat qilib, kerakli natijalarga erishishgan, bu imkoniyat har birimizda mavjud.

Intizom
Maqsad
Reja~Tizim
Harakat

Keyin esa kerakli natija, sohaning ahamiyati yo'q. Buning uchun faqat biznesmen bo'lish kerak degan joy yo'q. Dunyodagi eng qimmat oylik oladigan kasblarning 5 tasi ham shifokorlar ekan.

Inson umrining birinchi yarmida sog'ligini pul topishga sarflasa, ikkinchi yarmida uni tiklash uchun topgan pullarini sarflaydi.

@Ilhom_Rahmatullayev

Kechagi o'zimga maslahat

Yoshlik ajib ne'mat ekan, g'am-tashvishsiz, quvonchga boy, yangiliklarga to'la, kunlar.

Voyaga yetib, ishlab, oila boqib, uylanib, xuddi tepadagi baridan kechgandekman. O'zim uchun biror xarajat qilishdan oldin o'ylaydigan bo'lib qoldim. O'zimga va ko'zimga yoqqan narsalarni o'ylamay olardim, hozir o'ylayman kerakmi? keyinroq olarman !

Yaqinda InshaAllah ota bo'laman. O'zim haligacha ishona olmayapman, kecha o'zim bola edim bugun bolam bo'ladi. Umr shunchalik qisqa va tez o'tishini sezayotgan men, o'zimga maslahatlarim:

1. Hech qachon kech emas, nafas olayotgan tana hali o'lmagan. Tirik ekansan, hali imkon bor.

2. Mashina tanlashda adashsang mayli, do'st tanlashda adashma.

3. Kechagi dushmaning, ertaga do'st bo'lishi amrimahol.

4. Seni tark etganlar, qaytsalar yuzlariga ham qarama.

5. Ishlatayotganing yaxshillika ketsa, aslo achinma.

@Ilhom_Rahmatullayev

Natijalar bu - odatlarning qay darajada yaxshi ekanini ko'rsatuvchi kechikkan mezondir.

"Atom odatlar" kitobidan.

Shoshish shaytondan

Iymoni yetuk mo’min shoshmaydi, yozilgan bo’sa qayerga qochay, yozilmagan bo’lsa nimadan qo’rqay?

Yo’l tirband. Biron bir haydovchi sal to’xtasa yo xato qilsa - signal tovushiga chidab bo’lmaydi. Shu darajada shaytonga do’st bo’ldikmi?

Signalim anchadan beri ishlamayapti. Xursandman.
Kimgadir ozor berishdan tiyilganimdan, umuman tuzalmasa ham mayli.

Shoshmang - qayergacha yetib borasiz?

@Ilhom_Rahmatullayev