Хаттар: Ассаламу Ӏалайкум.
«Дела а, устаз а реза хуьйла хьуна» олу, цунах лаьцна хӀун эр дара ахь?

Жоп: ВаӀалайкумуссаламу варахьматуллахӀи ва баракатухӀ!
Мегар дац иштта дешнаш ала, АллахӀаца накъост варна юкъагӀур ду, АллахӀана а, хьуна а лаахь аьлла, цхьана асхьабо шега аьлча, Пайхамара (саллаллахӀу ӀалайхӀи ва саллам) элира: «Со АллахӀаца накъост веш ву хьо?», - аьлла.

Хаттар: Ассаламу Ӏалайкум.
Иштта цхьа къаьркъа духкуш йолу, билггал боьха лелаш болуш йолу меттигех цӀе таса мегаш олуш хезнера суна, цунах лаьцна ала.

Жоп: ВаӀалайкумуссаламу варахьматуллахӀи ва баракатухӀ!
Мега паччахьна, куьйгалхошна, амма вай санна болчарна ца мега, цара дахь, иза церан болх бу, ца дахь, цунах жоп дала дезаш а уьш бу вай дац, вайна тӀехь дерг царна хьехар дар ду, кхето хьажар ду.

Хаттар: Ассаламу Ӏалайкум.
ДоӀа дечу хенахь АллахӀе хьо цамгарх ларве аьлла деха мегий? Масала: цӀе ца йоккху лазарх, иштта меттахь вуьсур воцуш, цхьаммо лело везар воцуш аьлла деха мегий?

Жоп: ВаӀалайкумуссаламу варахьматуллахӀи ва баракатухӀ!
Мегар дера.

Хаттар: Ассаламу Ӏалайкум.
Котаман хӀоах дилаза долуш куьг Ӏоьттича ламаз керара долу бохург бакъ дуй?

Жоп: ВаӀалайкумуссаламу варахьматуллахӀи ва баракатухӀ!
Бакъ дац.

Хаттар: Ассаламу Ӏалайкум.
Дас-нанас шайн доьзална боьллина сардам боьду бохург бух болуш дуй?

Жоп: ВаӀалайкумуссаламу варахьматуллахӀи ва баракатухӀ!
Бух болуш ду.

Хаттар: Ассаламу Ӏалайкум.
Сийна бӀаьргаш долчарех Дала ларвойла бохург бакъ дуй?

Жоп: ВаӀалайкумуссаламу варахьматуллахӀи ва баракатухӀ!
Вайнаха олуш дешнаш ду-кх уьш, кхин бух болуш хӀума-м дац.

Оставайся живым после смерти..
И не будь мертвым, будучи живым..

т.е. оставь после себе что-то, что будет приносить тебе пользу, даже после смерти. И не будь мертвым; оставив благое, будучи в состоянии совершать его.

Имам Ибнуль Джавзийс (Аллахl реза хуьлда цунна) аьлла:

Шуна хоийла, шух цхьа а вац , Мухьаммадан ﷺ дуккха салаваташ дохкуш, АллахӀа цуьнан дог нуьре дийра долуш бен..

Хаттар: Ассаламу Ӏалайкум.
Велла волу стаг ялсамане я жоьжахате воьдий, тӀекхаьчна къемат-де а доцуш?

Жоп: ВаӀалайкумуссаламу варахьматуллахӀи ва баракатухӀ!
Ца воьду, амма дакъаза ваьлларг кашчохь воллушехь Ӏазапехь воллу, хӀора дийнахь жоьжахатера шен меттиг гойтуш, иштта декъала хилларг шен ниӀматехь хуьлу, хӀора дийнахь ялсаманера шен меттиг гойтуш.

Хаттар: Ассаламу Ӏалайкум.
Зударшна вовше салам дала ца мега бохург бакъ дуй?

Жоп: ВаӀалайкумуссаламу варахьматуллахӀи ва баракатухӀ!
Бакъ дац.