لقراءة أذكار المساء

وَلَا تُخْزِنِي يَوْمَ يُبْعَثُونَ.

إذا تأملت قول الله تعالى (يدبر الأمر) أوجب لك ذلك الرضا والطمأنينة
فتعلم أن رزقك من مال وزواج وولد ووظيفة بيد المدبّر جل في علاه

وإذا أدركت أن المدبر لطيف حليم امتلأ قلبك راحة وسعادة واستقراراً !
ولا تمل الانتظار فقريباً ترى آثار ذلك التدبير !

د/ مشعل الفلاحي.

اغتنموا الصيام في هذه الأيام ففيه ثواب بلا مشقة؛ الليل طويل، والنهار قصير، وشهر حرام؛ الأجر فيه مضاعف، فاغتنم.

لا تنسَ صيام الإثنين.

عايز اخطط زي الناس إللي هناك دي ?

أنت عارف الناس إللي هناك دي بتخطط إزاي ؟

قبل ما أقولك بتخطط إزاي وقبل ما أنت تخطط زيهم لازم تعرف أي هي أهدافك إللي عايز تحققها.

والأهداف عندنا نوعين أهداف محدد من الأول خالص لأنك مسلم زي مثلا دراسة العلم الشرعي على الأقل ما لا يسع المسلم جهله، المحافظة مثلًا على الصحة النفسية والبدنية، وأهداف تانية بتحددها أنت بعد كده على حسب ميولك واحتياجك زي تخصصك الأكاديمي مثلًا.

مهم جدا يبقى عندك وعي ذاتي وتفهم نفسك تعرف نقاط ضعفك وقوتك تعرف أنت إجتماعي ولا شجاع شخص ذكي ولا لا، هل أنت قوي بدنيًّا ولا، هل أنت بتحب المذاكرة والكتب والقراءة ولا بتحب الحركة أكتر، دي كلها حاجات مهم تعرفها عن نفسك.

علشان تحدد أهدافك لازم تعرف نفسك ولو متعرفش ممكن تسأل الناس إللي حواليك عن عيوبك ومميزاتك، بس مش هتروح تسأل أي حد كده وخلاص، هتسأل حد يحبلك الخير ويكون عارفك من فترة كافية علشان يقدر يفيدك ويقولك عيوبك ومميزاتك "المؤمن مرآة أخيه"

أنت بتفهم نفسك علشان تختار المناسب لها، مهم جدا تحترم اختلافك، في ناس عندها مستويات ذكاء أعلى من بعض، لو نسبة ذكائك مش كبيرة مثلاً ده أكيد مش عيب فيك، في ناس اجتماعية أكتر من ناس، لازم تبقى عارف إن الناس درجات وطبقات وقدرات مختلفة عن بعض وكلنا بنكمل بعض في النهاية.

محتاج تفهم فقه الواقع وتعرف إيه إللي محتاجينه كمسلمين من تخصصات مثلًا في قريتك أو المدينة بتاعتك إيه التخصص إللي مش موجود ووجودة حاجة ضرورية، وتعرف إيه هي فروض الكفاية إللي ممكن تتقرب بها إلى الله.

خطوة مهمة جدا في التخطيط بنغفل عنها وهي اللجوء الدائم إلى الله، إنك تطلب من الله العون والتوفيق في خطواتك إللي ناويها.

أهدافك البعيدة هي رضا الله ودخول الجنة والبعد عن النار وهو ده الهدف الرئيسي إللي كل الأهداف التانية جزء منه.

ولما تعرف نفسك وهدفك، لازم تحدد (نقطة الوصول) أنت فين وعايز توصل لإيه، النقطة إللي عايز توصلها إللي هي النتيجة، تبدأ تخطط بقى علشان توصلها.

ومهم قبل ما تخطط يبقى عندك تصور واضح للموارد بتاعتك ( وقت وجهد ومال) بناءً عليهم تختار المناسب لك وتبدأ تنفذه، أعرف الموارد بتاعتك كويس علشان تخطط صح.

لا تنسَ قبل نومك قراءة سورة الملك وآخر آيتين من سورة البقرة وأذكار النوم وتصلي القيام وتنام على وضوء
ومتنساش تصحى تصلي الفجر ?️?