~ЯХШИЛАР БОР ЯХШИЯМ~

Бу бешафқат дунëда.
Яхшилар бор яхшиям.
Меҳр қаҳат дунëда.
Яхшилар бор яхшиям.

Оëқ ости диëнат.
Яқинмиë қиëмат.
Гўдакларга ҳимоят.
Яхшилар бор яхшиям.

Тўкилсаям ерга қон.
Узилиб тушмас осмон.
Балога балогардон.
Яхшилар бор яхшиям.

Балки хон замонида.
Тоби йўқ виждонида.
Бу жаҳон айвонида.
Яхшилар бор яхшиям.

Мард ишонар ахтига.
Гадо ризо нахтига.
Баҳодирнинг бахтига.
Яхшилар бор яхшиям.

Баҳодир Исо

@Bahodir_Iso_ijodi

БЎЛГАНИМ ШУ...

Мени яхши кўрганлар кўп, тўғри, бироқ,
Жини суймай юрганлар ҳам ундан кўпроқ.

Демак, ёмон одамман деб куюнмай ҳам,
Жуда яхши одамман деб суюнмай ҳам.

Тарозига қўйилганда фақат амал,
Яхшилигим оғир келса бўлди сал-пал...

Агар эрта тушмаганда бошга каллик,
Даъво қилсам бўлар эди мукаммаллик...

Ҳай, майли-да, яхшиманми ё ёмонман,
Мен ҳам сиздек Ҳақ яратган бир инсонман.

Абадийлик тиламайман бу фанодан,
Хафамасман ҳаким Луқмон ё Синодан.

Тушгач умр китобимга сўнгги нуқта,
Ҳаммангизни тарк этаман худди йўқдай...

Ҳа, шунақа,
Мендан сира ҳадик олманг...
Гап – шу.
Боринг,
Энди сиз ҳам,
Йўлдан қолманг!

Баҳодир Исо

2011-йил.
~ЯХШИЛАР БОР ЯХШИЯМ~

Бу бешафқат дунëда.
Яхшилар бор яхшиям.
Меҳр қаҳат дунëда.
Яхшилар бор яхшиям.

Оëқ ости диëнат.
Яқинмиë қиëмат.
Гўдакларга ҳимоят.
Яхшилар бор яхшиям.

Тўкилсаям ерга қон.
Узилиб тушмас осмон.
Балога балогардон.
Яхшилар бор яхшиям.

Балки хон замонида.
Тоби йўқ виждонида.
Бу жаҳон айвонида.
Яхшилар бор яхшиям.

Мард ишонар ахтига.
Гадо ризо нахтига.
Баҳодирнинг бахтига.
Яхшилар бор яхшиям.

Баҳодир Исо

@Bahodir_Iso_ijodi

Sog'inib kelasan yonimga,
Ketasan, yana ham sog'inib...
Yo'lingga termulib yashayman,
Men g'arib, men g'arib, men g'arib.

Sog'inib yozasan maktublar,
O'qiysan, javobim sog'inib...
Yo'lingga ko'z tikib yashayman,
Ranglarim sarg'arib, sarg'arib.

Sog'inib, tiz cho'kib poyimga,
Termulib ko'zimga – sog'inib...
Shu yo'sin armonga bo'y bermay,
Yashaymiz sen g'olib, men g'olib –
SOG'INIB...

©️ ??????? ???

@Bahodir_Iso_ijodi

ҚОРАБАЙИР

Қорабайир кирди пойгага,
Туёғидан сачратиб учқун.
Қорабайир кирди пойгага
Чавандознинг орзуси учун.
Ҳей, тулпорлар!
Тан олингиз,
У –
Ҳаммангиздан учқур ва тезрок!
Чунки унинг кўксида орзу,
Сағринида қамчи зарби бор!

Баҳодир Исо

1975-йил.

https://t.me/joinchat/AAAAAE2BSv3YRuYE4VMs3g

А Д А Б И Ё Т Д А Р Г О Ҳ И

Из қолдириш қийин адабиётда,
Замбардай туёқлар ўчиб кетади.
Бир кун бақо сари кўчса ҳаётдан,
Шуҳратиям бирга кўчиб кетади.

Бу хиллар канадай ёпишқоқ ва сур,
Уриб, ҳайдасанг ҳам қайтмайди ортга.
Навоийга лойиқ ворисдай мағрур
Суқилиб киради адабиётга...

Улар ўйлашмайди маънавиятни,
Бугун шон-шуҳратга етишса, бўлди.
Айниган бузоқдай четлаб уятни,
Чаманзорни булғаб кетишса бўлди...

Ҳа, улар кетади...
Аммо аҳли без
Ўзидан сассиқ ҳид қолдирса,
ёмон...
Сўлим адабиёт гулзоридан
тез
Уларни қувгани
бўрон шарт,
бўрон!

Аммо
Адабиёт барибир гўзал
Бағрини тўлдирган
дарёлар билан.
Кўкда юлдузлардай
порлаб галма-гал ,
Дунёни ёритган
даҳолар билан.

Во ажаб,
қисматми, билмадим, бироқ
Ё дуо кетганми азалдан ,
ё Раб!
Улуғ даҳоларга
тирик чоғ
мутлоқ
Меҳр кўзи билан
қўймаймиз қараб...

Ногаҳон йўқотгач,
Дод деб ўкириб,
Учраган деворга
Урамиз калла -
Тобути чиққанда,
келгандай кириб
Фирдавсий уйига
Бир карвон тилла...

Худонинг эркаси –
Машраб осилди,
Сиртмоқда силтанди
Ул илоҳий шоҳ...
Томошо аҳлига
ўйиб ёзилди
Амал китобининг
тўридан гуноҳ...

Бўзлагани келган экан ҳаётга,
Гарчи ҳар битиги
илоҳий,
диний,
Сарак сараловчи адабиётга
Битта ғазал билан
кирган Ҳазиний...

Чўлпонни отдилар
деворга тираб,
Қодирий кул бўлди
ғишт хумдонида...
Кимдир
“беломор”ни қоғозга ўраб,
Кимдир
қарта ўйнаб
турди ёнида...

Ғаламис кимсалар
пашшадай қайнаб,
Ҳатто
ёмонликни
чайқов қилишди.
Пўлат асабини
эговлаб ўйнаб,
Мавлоно Ойбекни
соқов қилишди...

Гарчи катта эди
юртга ҳиссаси,
Қўндирмаган эди
насрга ғубор,
Юртига сиғмади
кичик жуссаси,
Московда жон берди
Абдулла Қаҳҳор...

Бу зотлар
Оллоҳдан
топмади озор,
Не қилса,
ердаги
бандалар қилди.
Ўша ичи тўла
фасод ва ғубор,
Қилиғи ҳамиша
гандалар қилди...

Азият бобида
гапирсам, гап кўп,
Ғаламислар ҳануз
пистирмада жим...
Яна
қайси кўзга
суқмоқчилар чўп,
Мана шуни ўйлаб,
ёнади ичим...

На чора,
Ёмонлик битмади ҳамон,
Чунки касалликка
касал тегмайди.
Сен қўрқма,
эй тоза юракли ўғлон,
Чумчуқдан қўрққанлар
тариқ экмайди...

Худо берибдими сенга истеъдод,
Шукр деб,
олмадай қўйнингга солгин.
Боболар асраган
Нур Сўзни
азот
Бошингдан баландга
Кўтара олгин!

Из қолдириш қийин адабиётда.
Чунки адабиёт – нурли бир олам\
Унда изим қолсин десанг, албатта,
Нурга айланмоғинг керак ўзинг ҳам!

Баҳодир Исо
2009-йил
https://t.me/joinchat/AAAAAE2BSv3YRuYE4VMs3g

☆ ☆ ☆

Ustozim Bahodir Isoga

Menga aytilmadi yolg‘on ertaklar,
Biri ― bor,
Biri ― yo‘q,
Oxiri dushvor...
Qashqirdek uvlagan tunlar rostida
Ichimga bir daryo ko‘chdi ―
Ulug‘vor!

Kaftimga yo‘rgaklab berdi sukutni
Unlar so‘z maqomin tutgan chog‘ida.
Tilimga suyakdek qadaldi sog‘inch
Sog‘ina-sog‘ina...

Quturdi jonimda simillagan kuy,
Sahrolar uyg‘ondi
Og‘ir mudrabon.
Ko‘zlarim tubidan ohanglar ichgin,
Mutrabo!

Axir, bir daryoga aylangan menman!
Bir daryo ichimga lim to‘ldi.
Ko‘ksimda irg‘ishlab ketsa qarg‘ishlar,
Xudoyim «Jim!» dedi,
Jim bo‘ldim.

Jim bo‘ldim...
Bu jimlik bardavomimdir,
Bu jimlik ― Yerdan to Samoga tartib.
Quyoshni quchoqlab o‘lmog‘im uchun
Kimgadir qasamlar bermog‘im shartmi?!

O, endi kerakmas ishqqa shamoyil,
Bir kaftga yo‘rgaklab berolsang sukut,
Ming yil bosh qo‘ymog‘ing uchun yaralsa
Bir bag‘ir ―
Quyoshi botmaydigan yurt!

Umidabonu Xasanxo‘jayeva

✍Bahodir Iso
?Bahodir Iso

DARYO
Bahodir ISOga
__________________________________
Daryo qo‘ygan edim bolam ismini,
U daryoga cho‘kib ketdi bir kuni...
Ajdar bo‘lib suvlar yutdi jismini,
Endi menga o‘g‘il bo‘ling, baliqlar.
__________________________________
Bilganimda qo‘ymasdim hech yelkamdan,
Tovonchasi endi yerga tekkanda —
Soyning toshi bolish bo‘ldi erkamga,
Endi menga o‘g‘il bo‘ling, baliqlar.
__________________________________
Qo‘lchalarin silkitib u bemajol,
Yig‘lab-yig‘lab oqib ketdi ehtimol,
Qirg‘oqqa zor boqib ketdi ehtimol,
Endi menga o‘g‘il bo‘ling, baliqlar.
__________________________________
Qonxo‘r daryo qaro qildi kunduzim,
Ko‘zim nuri o‘sha edi, yolg‘izim,
Bu dunyoda qolmadi endi izim,
Endi menga o‘g‘il bo‘ling, baliqlar.
__________________________________
Ot qo‘yganda nechun ko‘nglim sezmadi:
Ismi bilan ekan inson qismati!..
O‘z bolam-ku o‘z bag‘rimda o‘smadi,
Endi menga o‘g‘il bo‘ling, baliqlar.
__________________________________
O‘g‘lim desam o‘rtanadi vujudim,
Suvni ko‘rsam seskanadi vujudim!..
Qum ustida qoldi mening umidim,
Endi menga o‘g‘il bo‘ling, baliqlar.
Daryo qo‘ygan edim bolam ismini.
__________________________________
✍ Muhammad Yusuf Sheʼri?

@Bahodir_Iso_ijodi