https://t.me/+A9RUIo9ww7MxN2Jk

جمعة مباركة ونسأل الله لكم التوفيق وعيد سعيد عليكم

ان شاء الله موفقين

بس الي توجع رآه ياما عيطت فالمعمل

ونصيحه رآه الفكرة مش نجاح وخلاص ..يعني توا جاي قبل الفاينل وتقول أنا مش فاهم وهذا شنو وهذا شنو.... انت بعدين تبي تكون طبيب لازم تكون فاهم الحاجات هذينا... انا عارف ان في بعض منكم عندا ظروف وهكي... بس مش من المنطق يقعدو الأغلب مش فاهمين شي فالمعامل.... سامحوني مش قصدي بس هذي والله نصيحه حتي للسنوات القادمه... ماتهزوش عالمعامل .. احظر واسال وافهم.... وخلي عندك ثقه في نفسك... اليوم ماشالله في ناس تبارك الله الحل متاعهم مجرد مانبحت فيه تحسه فعلا عندا مستقبل أن يكون طبيب ناجح

وفي الي قسم بالله ولا كأنه يقرأ في طب

بالله عليكم بكرة ركزو ...وان شاء الله موفقين واعذرونا عن أي تقصير... لان نحن بشر واكيد حيكون في تقصير مهما نقدمو...بس برضو لازم يكون عندك رغبه وطموح وتتعب كيف ادور عالمعلومه وتفهم

مازلت نقول لو عندك رغبه....معناها انت حتقدر تعدي كل هالسنين وبعدين حتكون فخور بنفسك وترفع راس هلك الي أملهم فيك تكون شي حلو في اعيونهم واعيون الناس

لو جابوها حيجيبوها واضحه مش موضوع اله حاسبه يعني مثلا 300قسمه 3
او 300 قسمه 2 هكي يعني

قصتي

زمان كنت نقرا سنة اولى ابتدائي وخويا صلاح اكبر مني بسنه...يقرا سنه ثانيه

المهم ماشيه الحياه حلوة ننجحو وحياه باتي يديرلنا في حفله النجاح وجو اتقول ايش

وتدرجنا فالسنوات سنة بسنة نين الاخ صلاح جا في سنة خامسة ومسك افرينوات وعاود السنة ... وانا نجحت وقعدت معاه في نفس السنة ... ومن هنا بدأت مأساتي مع السيد صلاح
الي تميت معاه في نفس السنه

حيث اني كنت ننجح في كل سنة ومانقدرش ندير حفله نجاح نين السيد صلاح يبلط من الدور الثاني...(سعادة مؤجلة)
واستمرت هذه السعادة المؤجله من الابتدائي الي ثالثه ثانوي يعني حوالي 8 سنوات ...

وجأت ثالثه ثانوي السنه الي قريت فيها وتعبت وجبتها من الاوائل وهيا الفرحة الكبرى (الشهادة) لكن نفس الوقت كنت ماسك بطني ..شي غريب تقعد ناجح من الاوائل بس ماسك بطنك ?

وهنا كان للسيد صلاح راي ثاني فالدقائق الاخيرة فا سقط في 3 مواد ..حياه باتي كان مش قاعد فالعمل فالبريقه ... فا تجمعنا امام قوراج حوشنا وجنبنا اعيال الجيران تجمعنا لنجد حل لهذه الكارثة التي حلت بنا وكيف نقولولها لباتي...... فا اتفقنا ان يمشي للمدرسه يراجع بالك غالطين فالنتيجة

وفعلا كانو غالطين فالنتيجة ...بعد مشا يراجع فالمدرسة .... قالوله يا اصلوحه نحن اسفين رانا غالطين في طباعه النتيجه انت راك ساقط في 6 مواد مش 3 مواد

#شكرا_لانكم_في_حياتنا