ستا په عشق کي صادق نه یم دزړه سره
ستا نشتون کي چي ژوندی یمه دلبره

کاش مي سترګي ستا په مینه کي ړندي وای
چي مي نه لیدای دنیا کي بل بشره

ته خو ما باندي باران ده وصال وکړه
چي شم بُخت ستا په دیدار شام او سحره

ستا ده حسن ده دیدار په مقابل کي
څه به وي حوري غلمان شمس اوقمره

ستا وښار ته هزاران خلګ روان دي
زه بي وسه مرغه پاته بي وزره

مدینه کي چي دژوند مي انتها شي
حنظله خوار به شم هلته بختوره

حنظله درمل

چي زه یمه جانان وي اوبل اوږد وصال
ربه درنه داسي یوه شپه غواړم
ح ن ظ ل ه

داعمالو په بدله ربه ناکام یم
دمحبوب دي امتي یم بخښه وکړه
ح ن ظ ل ه

مزه کوي په وینو لمبیدل رخصتیدل
تر یار پوري په مینه مینه تلل رخصتیدل

جانان چي کله کله درته راشي په خوبو کي
بل کیف لري آخر کي خندیدیل رخصتیدل

په شپه کي دمعراج دجانان صِدق ښه ښکاره شو
یوه شپه کي زمین آسمان کتل رخصتیدل

داڅه سخته صحنه به وه مکه او مدینه کي
دیار چي دیدنونه بندیدل رخصتیدل

سوالونه قبلیدل درنه څه غواړي مسلمانه
الله ته دي په نیمه شپه ژړل رخصتیدل

حنظله درمل غواړم درنه ربه زنکدن کي
دلا اله الا الله ویل رخصتیدل

ده ادبیت په انتها غو ښتنه
کړم له الله نه دیو چا غوښتنه

دتورو څڼو تورو سترګو صاحب
دښکلاګانو ده پادشاه غوښتنه

وو دعمر دتوري شرنګ پري ولاړ
دصدیق زړه ته وو دوا غوښتنه

شپه دمعراج چي اسمانو ته لاړو
ترینه وه کړي پاک الله غوښتنه

لاړشه نسیمه هغه یار ته وایه
یو عجمي دی کوي ستا غوښتنه

دحنظله په نام ناچار بنده دی
کړي درنه خوب کي دلِقا غوښتنه

یو مو معبود یو مو محمود یو الله
په دي ایمان او په همدي عقیده سپینه لرو

اوچت اوچت ګرځو وهیڅ چاته سر نه ټیټوو
موږ ایماني جزبه اوهم رګو کي وینه لرو

نړی زموږ مقصد دایو افغانستان نه ولو
عظم مو کلک دی اراده تر فلسطینه لرو

ددنیا ښکلو باندي حوري غلمان نه ورکوو
ځکه حیاء لرو د ژوند لاره حسینه لرو

ښکلې نازونه مکړه تا باندي راحصره نه ده
موږدالله له هر بنده سره دا مینه لرو

حنظله ځکه پرمختګ کوو پرمخ یو روان
زړو کي محفوظ دجانان مینه نازنینه لرو

چاته ده میني ژوندبهار مبارک
چاته دعشق لاره کي دارمبارک

دچا جوړه سترګي بیلتون خوړلي
چاته وصال دخوږ نګار مبارک

چاچي ځواني کړه صدقه له اسلام
ورته جنت او هم دیدار مبارک

چي دشهید ویني یي خرڅي کړلي
ورته دوزخ کي شدید نار مبارک

چاچي خپل زړه دخدای په ذکر موړ کړو
ورته تمام ژوندون قرار مبارک

حنظله چاچي وي وصال نوش کړی
ورته جنون کي ژوند خمار مبارک

دي خوشالې خو مي دزړه آسیا ودانه کړله
چي اسرائیل هم شپي او ورځي په ژړا تیروي

ها مظلومان ماشومان ته وای هیڅ ازار نه لري
چي ستړی ژوند بیله ادي اوله بابا تیروي

او مبارک شه ده سلګونو شهیدانو پلاره
هنیه نور به دي بچي وخت په خندا تیروي

که خدای کول ډیر هیوادونه به جوړه شي سره
او اسرائیل به هم ډاریک تر امریکا تیروي

او ده غرور نتیجه دغسي ارذله ښکاري
دعزازیل غوندي به ژوند ددي دنیا تیروي

حنظله رب نه اسلام تل داسي سرلوړی غواړم
چي له ځان تیر وي ژوند دلوی رب په رضا تیروي

دا ستا په عشق کي پرهرونه په بار بار مرحبا
حبیبه ستا مینه کي درد لا څه چي دار مرحبا

دجمعي ښپه کي سلامونه ستا وروح ته ډالي
دخدای نازل سي رحمتونه صد هزار مرحبا

حنظله ستا دعشق کیفیت چي تصور کړم ګله
ددنیا ټولي میني ستا له عشق کړم ځار مرحبا

حنظله درمل ارماني

قبره غیږه دي پراخه کړه هرچاته
ته خو هم یو دمخلوق دپاک الله یي

تاته هر څوک ارماني دی درغلی
ته د هر چا وژوندون ته انتها یي

زوریدلی دی هرڅوک بهر له تانه
ته یي مه زوروه ته یي ارامګا یي
حنظله درمل