انه زارعلك ضحك ملگه وحنين
وأنت زارعلي خناجر للصلح

لا تحچيلي
ما ظل للمعاتب باب
اشو حتى المطر ما جابني براسك

وين أنت ملينا النشد
والناس گامت ماترد
- جبار رشيد

انته العلمتني شلون افك ذرعان
للملگه ! الموادع ما تعلمته

علي رشم

وخاف اموت وما اشوفك
دير بالك على عيونك
لا يذبلها الغياب
وخاف اروح وما ابوسك
تدري بیه شگد احبك
حطلي خدك عالتراب
ومن تخلص الفاتحه بس كول احبك
حتى توصلني الاحبك بالثواب

دنيا ؟
لو حمّام نسوان و حچي طوس
و زغير وتبچي وحدك
آآآخ . . آخ من العمر.

- مظفّر النوّاب

بسَديه أنشلت من حرب
وماخذني جان النَزف
وموت وصريخ وكتل
والدنيا تتعارك
من السَديه راسًا كمت
باوعت لايدي وطبت
وماهمني كل النزف
جي سالم سوارك

وين ماروح التفت والكاج يمي
بالوجوه الما تعرفج عفتي ذكرى

وهج من ذكرياتك وين ؟
كالشارع الك بي صوت
زحمه العشره تگضي
بزعل كون نموت