- “апке, өскенде сен сияқты болам” деген приколды естігенсіз ба апай?
- жоқ, естімегем
- мен өскенде сіз сияқты боламын
-🥹🥹🥹

үлкен қадамдар ер азаматқа байланғандықтан, кейбір махаббат жолдары қадамсыз аяқталатыны өкінішті. жігіттің жігері арудың жігерін жығып беретіні сөзсіз ғой бірақ))

кеткім келеді.. ұмыт боп шер мен шеменім,
гүл өсер сосын мен жүрген соқпақта мұңлы.
..қайырсыз болса тірлігім
Тәңірім бәрін,
қалаймын тоқтатқаныңды.

әлдекім жоғары білімін 21 жасында алып, жақсы жұмысқа қабылдануын 5 жыл күтті. әлдекім жоғары білімсіз 21 жасында миллионер атанды. әлдекім 20 жасында үйленіп, 5 жылдан соң ажырасты. ал әлдекім 40 жасында үйленіп, мәңгілік махаббатын тапты. сен ештеңеге кешікпейсің. ерте де ешқандай есікті ашпайсың. әрнәрсе өз уақытын күтеді. әрнәрсе өз кезегімен. сен асыққан екен деп, Алла әмірін өзгертпес. өзгеге қарап тіленбей, өзіңмен ғана айналыс.

махаббат қарым-қатынастары әдемі билеуге ұқсайды. кейде бір-бірімізге тартыламыз, кейде алыстаймыз. бірде біртұтас болып бірігеміз, бірде қайтадан қашықтаймыз.

нағыз махаббатта әрқашан ішкі бостандыққа орын бар. нағыз махаббатта үнемі қозғалыс пен даму болады. нағыз махаббат «олар ұзақ әрі бақытты өмір сүрді» деген сөзбен бітпейді. себебі ең қызық нәрселер содан кейін басталады. махаббат деген – бостандық, ал бостандық деген – махаббат.

жақын адамыңа оның жаман және ұсқынсыз екенін айтып, жүрегін белгілі бір уақытқа дейін жаралауың мүмкін. бірақ күн туады, ол бәріне келісетін.. адам өзін сыртқы сөздерден қорғауды доғарып, күресуді тоқтатқанда конфликт аяқталады. осы конфликтпен бірге сезім де, махаббат та өледі. ешкімді мәңгілік кінәләй алмайсың: күйеуді де, әйелді де, баланы да.. өлген махаббат қайта ешқашан оянбайды..

мақтаса есіріп, даттаса жер сүзетін, көңілге күдік ұялататын, жүрекке ауыр мұң сыйлайтын, көңілдегі кірбіңді сөзден де ұға алмайтын, мұңайған жүзден де сезе алмайтын, жабырқағанда жаныңа жұбаныш емес, жаныңды жейтін, көрінгенге табалап, сөз ететін, жақыныңдай көргенде жатқа айналатын, өз мүддесін сенен биік қойып, шынайы жүрекпен сүйе алмайтын адамдар қаптаған бұл заманда, біреумен бас қосып, сенім арта алмау да пенделіктің басына келген тағы бір сынағы шығар..

кішкентайымнан жұрттың алды болуға, бәрінен мықты болуға ұмтылдым. мектепте үздік, достарымның алды болдым. менің о бастағы тәрбием сол еді, “сен мықтысың ғой”, “сен бірінші болуың керек” дейтін. өмір жолымда бірнәрсеге қолжеткізу кезінде бұл тәрбием көмектесті. бірақ мен есейе келе мықты болғым келмейтінін түсіндім.

негізі біз сондай әлсіз, дәрменсіз жаратылыспыз ғой. қас-қағым сәтте жан тапсыру оп-оңай. өзімді мықты санаған әр күні қателесіппін. қазір рахат. ешкіммен жарыспаймын. ешкімнің, ешнәрсенің алды болғым келмейді. бәрі жүрегімнің қалауымен жасалады. ақшаны да көп табуға, өте қымбат дүниелерге қолжеткізуге де ұмтылмаймын. бәрі оңай, бәрі жүрегіммен. бәрі жан тыныштығым үшін. дүниелік заттар жүректі қатты қарайтады екен. қызығы “мен мықтымын” деп ұмтылған дүниелерге, жан тыныштығым арқылы оп-оңай қол жеткізеді екенмін.

“Тұтас өмірің саған берілген аманат. Сондықтан өмірінің әрбір сәтін тек “Аманат иесін (Алланы) “разы ететін іске ғана жұмса.”

Шейх Әли Тантауи
(Алла оны рақымына бөлесін)

"Кім тәубе етіп, иман келтірсе және ізгі іс істесе, Алла олардың жамандықтарын жақсылыққа ауыстырады. Алла өте кешірімді, ерекше мейірімді" (Құран 25:70).