بمناسبة يوم المبعث
ـــــــــــــــــ
بالمبعث احنه نهنّي هادينه
وتحله الزياره العلي والينه
——
يا مبعث المختار هالليله
فوّح عطرنه وفاح كل هيله
بهل ليله ربنه الباري ندعيله
مهدينه والله يفرّجه اعلينه
—---
كل سنه بهذا اليوم نتحظّر
نزور الامام المرتضى حيدر
الماحب علينه بالحشر يخسر
بحيدر علينه وصّى بارينه
—----
يامبعث الهادي فخر النه
بيه الاله الباري اكرمنه
بالجائزه ريت الله يشملنه
بدفتر علينه نلگه اسامينه
—---
هذا الفرح والشيعه فرحانه
وهل يوم لبست عيد دنيانه
كل الملائك هسه ويّانه
وبكل مكان اتعلّگ الزينه
—---
نادينه يل مختار يالهادي
انت وعترتك فرحة اعيادي
رغم النواصب بسمك انّادي
يلّي بمحبّتكم تعلّينه
—---
الشاعر محمد حسن ضيغم

نعي بحق الامام الكاظم ((ع))

عاده عد الناس لو مات العزيز

تسرع احبابه وهله ايحظرونه

هذا الينوح ويهل دمعه عليّ

وذاك بالحسره اليغمظ عيونه

ونعش ينهاب وتشيله الچفوف

ويا حلات الي هله ايشيعونه

عاده ماصارت لبن جعفر يحيف

ريت هاشم عنده ويشوفونه

بالغرب خلصت حياته وبالعذاب

والاشد نعشه العده ايحملونه

هايه ماصارت گبلهه ولا تصير

الميت بگيده العده ايخلونه

لو بچينه ادموم للكاظم قليل

شنهي ذنبه بغربته ايسمونه

وين راحت شيعته واين العمام

ليش ماحظرو اله ايندبونه

يومه مثل حسين عطاي المراد

ميت وساگه العده ايرضرونه

ابو ذياة
يمن بابك گضه الحاجه.. مردهه
مصابك بالحزن روحي ..مردهه
دنيا بدون خدمتكم ..مردهه
بخدامتكم صبح عنوان اليه
÷÷÷÷÷÷÷÷÷÷÷÷÷÷÷÷÷÷÷÷
الحسره اعليك ارتلهه.. وجرهه
ونيران الحزن فگدك.. وجرهه
الدموع الغاليه رخصة ..وجرهه
اريده بساعة المحشر هديه
÷÷÷÷÷÷÷÷÷÷÷÷÷÷÷÷÷÷÷÷
الشاعر رعد الجريخي

الاداء ملا علي

نعي للكاظم والرضا (ع)

ايــعيــنــك الله يــامــولاي مـن شــفــتــه
مــيــت والــســلاســل باقيــه ابجــثــتــه

بــس الله الــعــليــم اشلــون غسلــتــه
وتــدري الــگوم هــاي ابــسمـها كــاتـلتــه

جـبــد موسى ابن جــعــفــر مرد مـاردتــه
وابنــه بــماي عيــنــه يــغسله بــســكتــه

صليــت اعلى ابــوك وبــيــدك ادفــنــتــه
ورشــيــت اعلى گــبــره المــاي بــلــلــتــه

بس حسيــن ظــل الــخــيــل طــاحنــتــه
اوراحــت عــالــهــزل للــشــام عائــلــتــه

راســه اعلى الــرمــح ويصد متن بــنــتــه
ازرگ صــار وتـشــاگـف بــديــهــه اخــتــه

#الشكرلله خادم الزهراء ع ملا علي
#نسالكم_الدعاء