لا تنشِد علينّا منين
مِن ضلع الحزن
والتعب والحرمان
نِلتم والأغاني تگوم تِچفينه
عِشنه هوآي
وغِبنه هوآي
لا رَنت سراگينّه
ولا مرسال يچوينّه
هذوله إحنّه
تِتِن سِحگتّه شفاف الناس

ملچوم ..؟
صَرّخ ياهو اليصدگ بيك؟
لو تنتحر لو ما تبيّن ملچوم..

كُلشي يلچمني
مِن أريدك
الرسايل
والشوارع والغنة
وعيون غيرَك
حَتى بيبان المَدينة
الضالة بحَسرة بريدك .

سهلة أبيعك ..
لا تساومني برحيلك حتى اطيعك
گلبي ما ميت عليك
ولا خفت فد يوم اضيعك !
خاف عبالك خسرتك؟
وافتر بليلك محطة وانتظر سچه التردني؟
والله كلش ما تهمني
حيل متغير شجاني؟ حتى روحي استغربتني
لا خضارك بيه يغوي ولا عيونك تستفزني
گبل چانت ايد توجعني وابترتها
هسه مآ تگدر تكضني ...

صاير ما تحِن كلش هالأيام
وحيل تغَيرت بيك المَودة ..

گُلي يا حوت شدعيت
والله سَد جوعَك نَبي !

حزني لازملي الشوارع والدرابين القديمة
حزني من تبدي الشمس تاخُذ ضواها
حزني من أغفى وأذكرك وأنتَ ماكو
حزني الچان من خوفة خسرتك
هسه صار وصّرت حزني
انتَ حزني
الدُنيا حزني
الناس حزني
حزني آنه
كُلشي حزني
وهسه خايف من وداعي
خاف اغمُض وأنسى روحي
وماتذكر غير وجهك
صوتك ورمشة عيونك
خايف أتذكر ضحكتك وأنسى حزني.