الحياة بيها المُر وبيها الحلو
بيها أوقات نتمنى أنو متخلص
بيها أوقات نتمنى بس أنو السنوات تمشي حتى ننسىٰ
كُل واحد حياتة تختلف جذريًا عن الثاني
كُل واحد يمر بظروف مَثل ظروفك وأكثر
كُل واحد عندة مشاكل
كُل واحد هَمة شكل
بس إنت تشوف أنو هَمك أكبر كُل الهموم
لدرجة أنو دائماً تذمر
وتگول ليش حياتي هيچ؟
ليش الله كاتبلي هيچ عيشة؟
هذا لان إنت دائمًا تباوع ليفوگ
وتشوف إلي يسافر ويطلع ويروح مطاعم واللي يشتري أغلى الماركات وغيرها، بس بعمرك مافكرت باللي وي مستوى عينك، الحياة مثل متأذيك وتضرك وتتعبك بالظروف
فَ اكو غيرك ظروفهم أصعب
بس بعمرك مافكرت بيهم
وماخليتهم گِدام عينك
شوف الأقل منك وأشكر ربك هواية
إذا چان هَمك فقدان شخص
مو نهاية العالم
أدعيلة بالرحمة وأهديلة قرآن
مو تدعي ؏‏ نفسك أنو الله ياخذك يمه وترتاح
إذا چنت مخنوك او ضايج أسمع قرآن
فكر باللي خلقك وخلق كُلشِي الك
عندك خلاف وي أحد؟؟!
مو نهاية العالم
تگدر تراضي إذا إنت غلطان
عندك أعداء ويشمتون بيك ؏‏ أقل شي يصير وياك
سلمهم بيد الله لتتذمر أبد
وبالنهاية گولوا الحمد لله ؏‏ كُلشِي
يا ربَّ يكتب إلكم السعادة الأبدية ?.

اللهم صلّ على محمد وآل محمد
استغفر الله العظيم واتوب إليه ?.

❤️❤️❤️❤️❤️❤️❤️❤️✨

???????✨.