**YOLG‘ONCHILAR

Suluvlardan suluv bir qiz sochim silar,
Mening esa ko‘zlarimdan yosh tomchilar.
Sevaman deb aldar meni yolg‘onchilar,
Yuragimni yo‘lbarslarga yediraman.
________
Bag‘ri-dilim kuydiradi yolg‘onlari,
Yonlariga chorlar mohi tobonlari.
Bo‘lsam agar men bitta qurbonlari,
Yuragimni yo‘lbarslarga yediraman.
________
Ko‘hna dunyo, bu qizlaring buncha go‘zal,
Qarab tursam, ko‘klarda oy-kuncha go‘zal.
Qancha go‘zal bo‘lsa, aldar shuncha go‘zal!..
Yuragimni yo‘lbarslarga yediraman.
________
Hozir ko‘zim yumamanu yerga yotib,
Yuragimni sug‘uraman qon yig‘latib.
Yo‘lbarschalar yesin uni kasirlatib —
Yuragimni yo‘lbarslarga yediraman.
________
Kimni suysam suyganimdan kuygan dilim,
Ko‘z o‘ngimda bo‘laqolsin tilim-tilim.
Harom bo‘lsin muhabbatsiz ko‘rgan kunim,
Yuragimni yo‘lbarslarga yediraman!..
________
✍ Muhammad Yusuf Sheʼri📚**

@Mehriddin_Baqoyev1

**YONDIMMAN

Yuragimni armonlarga yedirdimman,
Nega buncha g'am - anduhga berildimman.
Ketsa mayli, bitta go'zal kechib ketsin,
Sevgi deya hijronlarda ko'p yondimman.
- - - - - - - - - - - - - - - - - - - - - - - - - - - - - - - - - - - - -
Kuydirdiku meni yomon ozorlari,
Savdosi hech pishmas ekan bozorlari.
Lov - lov yonanar yuragimda olovlari,
Sevgi deya hijronlarda ko'p yondimman.
- - - - - - - - - - - - - - - - - - - - - - - - - - - - - - - - - - - - -
Sevgimi bu yoxud jazo bilolmadim,
Sevgisi yo'q dunyolarga ketolmadim.
Kechdim deya axt qildimu kecholmadim.
Sevgi deya hijronlarda ko'p yondimman.
- - - - - - - - - - - - - - - - - - - - - - - - - - - - - - - - - - - - -
Nozik nihol atirgulsan ishq bog'ida,
Qovurildim o'zim netay yor dog'ida.
Men ko'milay muhabbatning mozorida,
Sevgi deya hijronlarda ko'p yondimman.
- - - - - - - - - - - - - - - - - - - - - - - - - - - - - - - - - - - - -
Muhabbatning mozorida tinch yotarman,
Qabr uzra qimirlamay tosh qotarman.
Bevafolar sevgisidan men tonarman,
Sevgi deya hijronlarda ko'p yondimman.
- - - - - - - - - - - - - - - - - - - - - - - - - - - - - - - - - - - - -
Qadrim bilmas, bilolmaydi ming qilsa ham,
Muhabbatim kechirmaydi kechirsam ham.
Yuz bor o'lib, hatto yuz bor tirilsam ham,
Sevgi deya hijronlarda ko'p yondimman.
- - - - - - - - - - - - - - - - - - - - - - - - - - - - - - - - - - - - -

✍ Mehriddin Baqoyev.... Mualliif
04. 11. 2022. .....⏱ 20 : 30

Mualliflik huquqi himoyalangan !**

@Mehriddin_Baqoyev1

@Mehriddin_Baqoyev1

@Mehriddin_Baqoyev1

**Ketgim keliyapdi onajon !

Ichdagi g'am siqib bormoqda,
Yonar yurak, o'zi xasta jon.
Hatto ruhim tandan tonmoqda,
Ketgim keliyapdi onajon!

Insonlarga nima jin urdi,
Hasad, yolg'on, ermagi bo'hton.
Tuxmatlardan sillam quridi,
Ketgim keliyapdi onajon!

Dushman do'stlik niqobin taqqan,
Do'sting poylar olmoqlikka jon.
Bu g'iromlar jonimga tekkan,
Ketgim keliyapdi onajon!

Puling bo'lsa so'roqlaydilar,
Yo'qchilikda bo'lasan sarson.
Shum kazzoblar jon ovlaydilar,
Ketgim keliyapdi onajon!

Neki bo'lsa taqdirdan ko'rib,
Goho lolman, gohida hayron.
Ko'rganimga shukrlar qilib,
Ketgim keliyapdi onajon!

Sog'inaman yoshlik damlarni,
Bag'ringizda o'sdim onajon.
Ko'rgim keldi juda, otamni...
Ketgim keliyapdi onajon!.

✍ Mehriddin Baqoyev.
17. 08. 2024.**

@Mehriddin_Baqoyev1

**JONINGIZ QAYDA?

Ishqning osmonida oyga qo’shilib,
Aylangan boshingga bulutlar qaytar.
Mening quchog’imda kuyday eshilib,
Asta shivirlaysan:
- Joningiz qayda?

O’g’irlaysan barcha kalitlarimni,
Sandiqlar ochilar – senga sir aytar.
Izlaysan Qo’ng’irot, Yovmudlarimni,
Horib shivirlaysan:
- Joningiz qayda?

- Shumi? – Qilichimni ko’lga tashlaysan.
- Balki bu? – qo’lingni cho’zasan yoyga.
So’ngra yig’lab-yig’lab so’roq boshlaysan:
- Bir marta ayting-chi,
Joningiz qayda?

O‘zingni qadringni suvga otasan,
Mening izzatimni qotasan loyga.
Bolang o’lgan kabi fig’on tortasan:
- Hamon tirikmisiz –
Joningiz qayda?

Og’ular qo’shasan hamma oshimga,
Har qanday qasoslar tuyilar mayda.
Yalinib turasan yana qoshimda:
- Nega o’lmayapsiz?
Joningiz qayda?

Jonim senda deyman – aylanmas tilim,
Jonim sensan deyman – yuragim tonar...
Mening omonatim...
Jonim!
Sevgilim!
Endi seni qanday asrasam bo’lar?...

Usmon Azim**

@Mehriddin_Baqoyev1

**KUTARMAN

Men seni kutarman hamon intizor,
Yo'lingni poylarman bo'lib umidvor,
Sensiz mayuzlikda dil g'amga to'ldi
Naxotki bilmaysan senda ko'nglim bor.

Xasratlar tutdilar dard sharobini,
Qayg'uga ulashib har bir onini,
Bevaqt o'lmasimdan ajal hayqirib
Qiynoqlaring to'kdi yurak qonini.

Sevdim deb aldagan shirin so'zlaring,
Qalbim sehrlagan jodu ko'zlaring,
Aqlimdan ayirib jarlikka otgan
O'shal emasmidi jonim nozlaring.

Senga bo'lgan sevgim tanim istmalar,
Ichda gulxan yoqib chunon o't qalar,
O'zimga qaytalab beraman savol
Naxotki sen qizni sevdim shunchalar.

Guldirsan, bulbulman shoxda sayragan,
Senga oshiq qilib Tangrim saylagan,
Jismingni xumori bunchalar yoqdi
Meni sargardonu, sarxush aylagan.

Yor seni kutarman, yo'lingni poylab,
Kutarman shubhasiz, kutgancha ohlab,
Nechun kelishingdan bir bor darak yo'q
Qanday tinch yashaysan dilimni dog'lab.

Sevgini yurakdan chiqarib bo'lmas,
Sevib sevilmagan hatto tinch o'lmas,
Ismini chaqirsam jon der go'zallar
Ularga sen kabi yuragim to'lmas.

✍ Mehriddin Baqoyev
09. 08. 2024.**

@Mehriddin_Baqoyev1

*?*?**

@Mehriddin_Baqoyev1

Sho'rlik yurakka

Mensiz ham kunlaring o'tmoqda, erkam,
Qayga qo'l uzatsang yetmoqda, erkam,
Yurishlaring qaysi malikadan kam,
Faqat qiyin bo'ldi sho'rlik yurakka...

Mening ham hajringda yonganim yolg'on,
Yasharman o'zimcha, saroyda sulton.
Go'yoki yo'q mendan baxtli bir inson,
Zo'rlik bo'lsa bo'ldi zo'rlik yurakka.

Endi ko'rishib ham ko'rishmasmiz biz,
Go'yo men yot yigit, sen begona qiz,
Na qo'llar titramas, na qizarmas yuz,
Evoh, bu qandayin xo'rlik yurakka!..

Qoshing o'sma o'psin, ko'zingni surma,
Buni taqdir derlar, yor, labni burma,
Eslama, eslatib tushimga kirma,
Jonimni rishtalab ming bir bo'lakka.

Garchi bo'lmasam ham u kun to'yingda,
Yoningda yor-u men bo'ldim o'yingda,
Alpomish o'g'illar o'stir uyingda,
Muhammading qurbon shu bir tilakka!

Muhammad Yusuf.

**Nomardlarga boshim egdirma !

Yo ALLOHIM sendan o'tinchim,
Aro yo'lda yolg'iz qoldirma.
Egilganda o'zing tayanchim,
Nomardlarga boshim egdirma !

Lavzi halol ahdga sodiqdir,
Ko'ksi qalqon, orim baland qil,
Muhtojlikda o'rtanmasin dil,
Nomardlarga boshim egdirma !

Dushmanlaring do'stdek ko'rinar,
Gar qoqilsang ular suyinar,
G'am kelganda do'stlar sinalar,
Nomardlarga boshim egdirma.

Bazan o'ksik yuraging to'lmas,
Ota - onang o'rnin bosolmas,
Og'a - ining ulardek bo'lmas,
Nomardlarga boshim egdirma !

It qutursa egasin qopar,
Ishing tushsa ulfating qochar,
Do'sti nodon siringni ochar,
Nomardlarga boshim egdirma !

Qo'rmasdan haq tomonga yuray,
Iymonimga mustahkam turay,
Nomusi yo'q inson bo'lmagay,
Nomardlarga boshim egdirma !

Ko'rmaganni ko'rgani qursin,
Nafsiga o't, alangga tushsin,
Bundaylarga kunim qolmasin,
Nomardlarga boshim egdirma !.

✍️ Mehriddin Baqoyev.
03. 08. 2024.**

@Mehriddin_Baqoyev1