? «Islom dini kiyimda ham meʼyorni, haddini oʻrgatadi» - muftiy Nuriddin domla Xoliqnazarov

Oʻzbekiston musulmonlari idorasi raisi, muftiy Nuriddin domla Xoliqnazarov kiyinish madaniyati haqida gapirdi.

«Islom dinida maʼlum bir forma qabul qilinmagan. Allohdan qoʻrqishlik, taqvo - kiyim bilan oʻlchanmaydi.

Islom kiyimda ham meʼyorni, haddini oʻrgatadi. Haddingni bil, behayo boʻlib butun dunyoga sharmanda boʻladigan kiyimni ham kiyma, yoki qop-qora boʻlib arabcha boʻlib olma.

Bizning mazhabimiz ayollarning yuzini berkitishiga buyurmagan, ayollar maʼlum bir kiyimni kiyishiga ham buyurmagan, qora kiysin, yuzini berkitsin, qop-qora qilib olsin, hatto qoʻliga qoʻlqop taqib olsin, degan narsa bizning mazhab koʻrsatmasida yoʻq», — dedi muftiy.