#جديد
#احساس_مشترك
القصيدة//العليلة ع مربعة
#فاطمة_هاشم_الحسيني
#شهد_طيف

عمت عيني العليله اليوم دفنوها
ويلي والاهل نيام مااجوها

❋・────━【313】━────・❋

ماتت لا ابوها ولا اخو اليمها
وحيده ياخلكَ من ماتت بهمها
زغيرة والمرض كل حيله المها
وحيدة للگبر محد مشه وياها

❋・────━【313】━────・❋

ماتت والكَبر يبجي لبواجيها
ماهنه الحبايب يبجن اعليها
ماتت مو مرض بفراكَ واليها
راح الچان بلسم ليها و ادواها

❋・────━【313】━────・❋

زغيره اعله الحزن ما تحمل الفرگة
عاشت چن غصن ما بي ولا ورگة
شكَد احلام وسط الروح محتركَه
تعد ساعات تحسب لسه ماجاها

❋・────━【313】━────・❋

يعين الله گلبها شمكثر جروحه
اكَبال اعيونها الامال مذبوحه
ضلت عينها اعله ادروبه مشبوحه
بحال الضيم مامرتاحه خلاها

❋・────━【313】━────・❋

تقرا الفاتحة وي سورة الكوثر
تنادي يا علي لهل شده ما تحضر
لفركَه حسين كَلبي ازغير مايكَدر
احس روحي بفركَته ارماد سواها

#تنوية//غير مبري الذمة من يتلاعب بالقصيدة او ينسب الكلام له

https://t.me/FG_0E

راح احذف ادخلوووووووو