သင့်ခေါင်းထဲကထုတ်ပစ်သင့်တဲ့အရာ(၆)ခု

၁။ ဂရုမစိုက်နဲ့။

သင့်ကို ဂရုမစိုက်တဲ့သူတွေကို သင်ဂရုစိုက်စရာ မလိုပါဘူး။ တချို့လူတွေက သူတို့ကို ဂရုစိုက်လေလေ၊
သင့်ကို တန်ဖိုးမထားလေလေပါပဲ။ ဒီတော့ သူတို့ကို လိုက်ဂရုစိုက်နေမှာထက်  ကိုယ့်ကိုယ်ကို ပိုဂရုစိုက်လိုက်ပါ။

၂။ လူ့ခွစာတွေကို ဝေးဝေးက ရှောင်ပါ။

တချို့လူတွေက အခြားသူ ဘာလုပ်လုပ် အမြဲအပြစ်ပြောတတ်ကြတယ်။ ဘုကလန့် တိုက်တတ်တယ်။ ဂျစ်ကန်ကန်နဲ့ စိတ်ထဲရှိရင် ရှိသလို မဆင်မခြင်စကားတွေ ပြောတတ်ကြတယ်။ ဒီလို အဆိုးမြင်ဝါဒီရှိသူတွေကို ရှောင်ရှားပါ။ အဆိုးမြင်စိတ်ဓာတ်က သင့်ကိုပါ ကူးစက်လာစေနိုင်လို့ပါ။

၃။ တစ်ခုခုကို အမြဲသင်ယူလေ့လာနေပါ။

ပညာလို အိုသည်မရှိ ဆိုသလိုပဲ ဘယ်အတတ်ပညာမဆို သင်ယူဖို့ ဝန်မလေးပါနဲ့။ ငါ့ အသက်အရွယ်ကြီးနဲ့
မသင့်တော်ပါဘူးလေ၊ ငါငယ်သေးလို့ မလိုသေးပါဘူးဆိုပြီး မတွေးပါနဲ့။

၄။ အရမ်းမတွေးပါနဲ့။

အတိတ်က အဖြစ်အပျက်တွေ အတိတ်က အကြောင်းအရာတွေကို အရမ်းမတွေးပါနဲ့။
အတိတ်မှာ အမှတ်ရစရာ အများကြီး ရှိကောင်းရှိခဲ့မှာပါ။ ဒါပေမဲ့ အတိတ်ဆိုတာ အချိန်တစ်ခုမှာ ပြီးသွားခဲ့ပြီးသား အဖြစ်အပျက်တွေပါ။ နောက်ထပ်ဖြစ်လာမယ့် အနာဂါတ်တွေကို လှပနေစေဖို့သာ ကြိုးစားပါ။

၅။ ကိုယ့်ကိုယ်ကို တန်ဖိုးထားပါ။

ကိုယ်ကျင့်တရားကောင်းတဲ့့သူက
လောကမှာ တန်ဖိုးအရှိဆုံးပါ။ ကိုယ့်ကိုယ်ကို အမြဲတမ်းတိုးတက်အောင် ကြိုးစားပါ။ ကိုယ်စိတ်နှလုံး ဖြူစင်လာအောင် အမြဲကြိုးစားပါ။ စိတ်ကောင်းကောင်းထားပါ။

၆။ ထင်ချင်သလို ထင်ကြပါစေ။

လူအမျိုးမျိုး၊ စိတ်အထွေထွေရှိတယ်ဆိုသလိုပဲ
လူတစ်ယောက်နဲ့တစ်ယောက် တန်ဖိုးထားတာတွေ၊ ခံယူချက်တွေနဲ့ အမြင်တွေ မတူညီကြပါဘူး။ ကိုယ့်အကြောင်းနဲ့ကိုယ် ရှိကြတာမို့ ကိုယ်မှန်တယ်လို့ ယုံကြည်တဲ့အရာကို ရဲရဲသာလုပ်ပါ။

#Lin
#crd_to_owner_with_respect

**ကောင်းကင်မှာ ပျံသန်းနေတဲ့
ငှက်အချို့ကို ကြည့်ပြီး အားကျနေတယ်
ငါ ဘာလို့များ သူတို့လို
မပျံသန်းနိုင်ရတာလဲ ငါက ညံ့လိုက်တာလို့ တွေးနေတဲ့သူတွေရှိလား

တစ်ခါလောက်ဖြစ်ဖြစ်
ရေထဲ ဆင်းကြည့်လိုက်ပါ
မင်းဟာ သိပ်ကို ရေကူးကျွမ်းကျင်တဲ့
ငါးတစ်ကောင်လည်း ဖြစ်နေနိုင်တာပဲလေ**

⋆˚ఎ  React Need 🍓🍷  ໒˚⋆ 

゜ઇ @Nyo_paradise295 ˖ ! ˚

꒰ ა @PTNyo_bot ໒ ꒱

·‌ ‹ ｡꒱ #Nyo
·‌ ‹ ｡꒱ #PhooThitsarNyo
·‌ ‹ ｡꒱ #𝓟𝑇𝓝๑ꕤ
·‌ ‹ ｡꒱ #For_Life
·‌ ‹ ｡꒱ #Crd_to_original_writer

ဖိနပ်ပြတ်ရင်
ဆက်လျှောက်လို့ရတယ်...။

စိတ်ပျက်ရင်တော့
အောင်မြင်မှုခရီး ဆက်သွားလို့
မရတော့ဘူး...။

·‌ ‹ ｡꒱ #Nyo
·‌ ‹ ｡꒱ #PhooThitsarNyo
·‌ ‹ ｡꒱ #???๑ꕤ
·‌ ‹ ｡꒱ #Sarto
·‌ ‹ ｡꒱ #Crd_to_original_writer

ကိုယ့်ရဲ့အချိန်တွေကို ဆင်ခြင်ပေး၊
မနာလိုမှုအပေါ်မှာပဲ
ဒီလောက် သုံးဖြုန်းနေမှတော့
လုပ်ချင်တဲ့အလုပ်ကို လုပ်ဖို့
ကိုယ့်မှာ ခွန်အား ဘယ်ကျန်တော့မလဲ။

တခြားသူတွေ ပေါ့ပေါ့ပါးပါးနဲ့
အောင်မြင်သွားကြတယ်လို့
ကိုယ်ထင်တယ်...။

ကိုယ့်မှာတော့ ကိုယ်လိုချင်တဲ့အရာအတွက် ဘာစွန့်စား အားထုတ်မှုမှ မရှိခဲ့ဘဲ ဒါကို "စိတ်ကူးအိပ်မက်"လို့
ဘာကြောင့် ပြောရဲသေးသလဲ။

·‌ ‹ ｡꒱ #Nyo
·‌ ‹ ｡꒱ #PhooThitsarNyo
·‌ ‹ ｡꒱ #???๑ꕤ
·‌ ‹ ｡꒱ #personal_growth
·‌ ‹ ｡꒱ #Crd_to_original_writer

လူတစ်ယောက်ကို မုန်းတယ်ဆိုရင်
အဲ့ဒီလူတစ်ယောက်ထက်
သာအောင် ကြိုးစားပါ...။

လူတစ်ယောက်ကို ချစ်တယ်ဆိုရင်
အဲ့ဒီလူတစ်ယောက် ကိုယ့်လို
တော်လာအောင် သင်ပေးပါ...။

·‌ ‹ ｡꒱ #Nyo
·‌ ‹ ｡꒱ #PhooThitsarNyo
·‌ ‹ ｡꒱ #???๑ꕤ
·‌ ‹ ｡꒱ #Sarto
·‌ ‹ ｡꒱ #Crd_to_original_writer

ပညာတတ်သူနှင့် စာတတ်သူ

✍️ လောက၌ ပညာတတ်သူနှင့် စာတတ်သူ နှစ်မျိုးရှိ၏။ ဤနှစ်မျိုးသည် အတတ်ပညာရပ်များဖြစ်သော်လည်း အရည်အချင်း သဘောတရားချင်း ကွဲပြားခြားနား၏။ ပညာတတ်ဟူသည်ကား ဘွဲ့၊ ဒီဂရီ၊ ကျမ်းဂန်ဝိဇ္ဇာသိပ္ပံအတတ်ပညာများ သင်ယူတတ်မြောက် ခြင်းပင်ဖြစ်၏။ စာတတ်သည်ဟူသည်ကား ထိုသို့မဟုတ်ပေ။ အနည်းငယ်ကွဲပြားခြားနား၏။ စာတတ်ခြင်းဆိုသည်မှာ စာပေ ဗဟုသုတအရာ၌ ကျွမ်းကျင်နှံ့စပ်ခြင်းပင်ဖြစ်၏။ ''အလိမ္မာ စာမှာရှိ'' ဆိုသည့်စကားအတိုင်း စာပေမှအသိပညာရ၍ အလိမ္မာ လည်း တိုးပွားစေနိုင်၏။

✍️ အကြောင်းအရာတစ်ခုအပေါ် စဉ်းစားဆုံးဖြတ်လုပ်ကိုင်ရာတွင် အသိပညာ အလိမ္မာသည် အရေးကြီး၏။ အလိမ္မာသုံး၍ စဉ်းစားဆုံးဖြတ်လုပ်ကိုင်မှသာ အခက်အခဲများကို ကျော်လွှား နိုင်စွမ်းရှိ၏။ သို့သော် လောက၌ ပညာတတ်သူသာများ၏။ စာတတ်သူကား နည်း၏။ အကြောင်းသည်ကား စာပေမှရသော အသိပညာဗဟုသုတ အလိမ္မာပညာတို့ကို လေ့လာလိုက်စားမှု နည်းခြင်းကြောင့်ပင်ဖြစ်၏။ ပညာတတ်ခြင်းသည် စာတတ်ခြင်း မဟုတ်ပေ။ အတတ်ပညာတစ်ခုကို သင်ယူတတ်မြောက်ခြင်းမျှ သာဖြစ်၏။ ထို့ကြောင့် အချို့သော ပညာတတ်တို့မှာ ပညာတတ် သည်ဆိုသော်ငြားလည်း အချို့အမှုကိစ္စတို့၌ မှားယွင်းစွာ လုပ်ကိုင် ဆောင်ရွက်တတ်ကြ၏။ အလိမ္မာဆင်ခြင်တုံတရား ကင်းမဲ့စွာ ပြုမူတတ်ကြ၏။ ပညာတတ်ခြင်း၏နောက်တွင် ပညာဂုဏ်မာန် တက်တတ်ကြ၏။ ဤသို့ ပြုမူဆောင်ရွက်ခြင်းမှာ ပညာတတ်သော် လည်း စာတတ်ခြင်းမရှိသည်ကို ဖော်ပြနေခြင်းပင်။

✍️ မှန်ပေ၏။ ပညာတတ်ခြင်းသည် စာတတ်ခြင်းမဟုတ်ပါ။ အတန်းပညာဘွဲ့ဒီဂရီတည်းဟူသော ပညာတတ်မြောက်ခြင်း သာဖြစ်ပါသည်။ စာတတ်ဖြစ်အောင် လေ့လာကြိုးစားအားထုတ် မှုပြုလုပ်ရန် လိုအပ်မည်ဖြစ်ပါသည်။ ပညာတတ်ပြီးဖြစ်လျှင် စာတတ်ဖြစ်ဖို့လည်းလိုပါသည်။ ပညာတတ်ရုံနှင့်မပြီးပါ။ စာတတ် ဖို့လိုပါသည်။ အသိပညာ ဆင်ခြင်တုံတရားတို့ တိုးပွားစေရန် စာတတ်မှဖြစ်ပါမည်။ ပညာတတ်သည်ဖြစ်စေ မတတ်သည်ဖြစ်စေ၊ ဘွဲ့ဒီဂရီရသည်ဖြစ်စေ မရသည်ဖြစ်စေ စာတတ်သူဖြစ်နိုင်ပါသည်။ စာတိုငညိုသည် ဘွဲ့ရသူမဟုတ်ပါ။ လယ်သမားလေးတစ်ဦး မျှသာဖြစ်ပါသည်။ သို့သော် စာပေဗဟုသုတအရာ၌ ကျွမ်းကျင် နှံ့စပ်သူဖြစ်၍ နောင်သောအခါ အမတ်ကြီးဘိုးရာဇာ ဖြစ်လာရ ပေသည်။

✍️ ပညာတတ်ရန် အချိန်အရွယ်တည်းဟူသော ကန့်သတ်ချက် ဘောင်အတွင်းမှ ဖြစ်နိုင်သော်လည်း စာတတ်ဖြစ်ရေးမှာ ကန့်သတ် ချက်မရှိပါ။ မိမိလေ့လာကြိုးစားအားထုတ်နိုင်လျှင် အားထုတ်သရွေ့ စာတတ်ပေတတ်ဖြစ်နိုင်ပါသည်။ အချိန်အရွယ်မရွေး စာတတ် ပေတတ်ဖြစ်နိုင်ပါသည်။ ပညာတတ်မဖြစ်သော်လည်း စာဖတ် တတ်သူတိုင်းသည် စာတတ်ပေတတ်ဖြစ်နိုင်ပါသည်။ စာပေကို လေ့လာလိုက်စားခြင်းဖြင့် စာတတ်ပညာရှိ ဖြစ်လာနိုင်ပါသည်။

✍️ သို့ဖြစ်၍ ပညာတတ်ပြီးသူတိုင်းက စာတတ်ဖြစ်အောင် ကြိုးစားအားထုတ်သင့်သလို အတန်းပညာဘွဲ့ဒီဂရီမရသော်လည်း စာပေကိုလေ့လာလိုက်စားခြင်းဖြင့် စာတတ်ပေတတ်ဖြစ်အောင် ကြိုးစားအားထုတ်သင့်ပေသည်။ သို့မှသာ ပညာတတ်စာတတ်ဖြစ် လာပါမည်။ ပညာလည်းတတ် စာလည်းတတ်ဖြစ်ပါမှ အရာရာ စဉ်းစားဆုံးဖြတ် အလိမ္မာဉာဏ်ဖြင့် လုပ်ကိုင်နိုင်မည်ဖြစ်ပါသည်။

Credit- Myanmar News Agency
#နန်းနှောင်းယိန်း

စွန့်ခွါခြင်းနဲ့ထွက်ခွါခြင်းမတူဘူး…
ပြန်လာတာနဲ့မလာတာ ကွဲပြားတယ်

အမျိုးသမီးတယောက်အတွက် အထုပ်ပြင်တယ်ဆိုတာ အပျော်နဲ့ နာကျင်မှုနဲ့ ထည့်ရတဲ့ ခံစားချက် ၂ မျိုးရှိတယ်

အပျော်နဲ့ထည့်ရတဲ့အခါ ဟိုဟာလေးဝတ်မှ ဒီဟာလေးဝတ်မှနဲ့ …မြူးထူးတက်ကြွတယ်ဆိုတာ လူတိုင်းသိတယ်..

လူတိုင်းမသိတာကတော့
တားသူကူသူမရှိတဲ့ …အထုပ်ပြင်ခြင်းတွေမှာတော့ ခံစားချက်တွေပဲ
အင်မတန် နာကြည်းစရာကောင်းမယ် ထင်ပါတယ်..
တချို့ဆို ဝမ်းနည်းတာတောင်ဖြစ်နိုင်တယ်..

ထွက်ခွါခြင်းနဲ့စွန့်ခွါခြင်းမှာ ထွက်သွားသူတွေကိုအပြစ်ပြောနေတတ်ကြတယ်..
ဘာလို့ထွက်သွားတာလဲလို့ မေးမယ့်သူမရှိဘူး…အကြောင်းတရားကို
မသိချင်ယောင်ဆောင်ပြီးထွက်သွားတာကိုပဲထင်ထင်ရှားရှားပြောကြတယ်…

သူမနေနိုင်အောင်ဘယ်သူက ဘာလုပ်လိုက်လဲအိမ်ထောင်သည်ဆိုသူ့အိမ်ထောင်ဖက် ..အပျိုဆိုမိဘ ပေါ့..

တခုခုဆို ကျန်ခဲ့သူကိုပဲ သနားတတ်တာသဘာဝမို့ တချို့က တမင်ချန်ရစ်ခဲ့တာ
နင်တယောက်တည်း လုပ်ပေါ့ဆိုတဲ့ စိတ်ကြမ်းတွေကိုကြောက်လို့ စွန့်ခွါရသူကိုကျ
သနားသူရှားတယ်…

ဒီလိုအကဲ့ရဲ့တွေကြောင့် ပင်ကိုယ်သတ္တိနည်းတာရောစိတ်နုတာရောပေါင်းပြီးတချို့
စိတ်ဒွိဟဖြစ်ပြီး ကြိတ်မှိတ်သည်းခံ နေကြတယ်..
စိတ်ထဲလည်း
ငါ့ကိုဘာလို့ ဒီလိုလုပ်ရတာလဲ တမင်လုပ်တာမဟုတ်ပါဘူး သူစိတ်ဆိုးလို့ဆိုပြီးတွေးပြီး ကောင်းကွက်ပြန်ရှာပေးနေသေးတာ..အထုပ်ပြင်ရင်တောင် စွန့်ခွါဖို့မဟုတ်ဘဲ ပြန်ခေါ်ရင်ပြန်သွားတဲ့ ခဏထွက်ခွါခြင်းပဲလုပ်ကြတယ်…

ဂရုစိုက်စရာမလိုလို့လုပ်တာ..မရှိလည်းရလို့လုပ်တာ..လုပ်လို့ရလို့ လုပ်တာ….လုပ်ချင်လို့ကို ဒီလိုလုပ်တာမို့..ရဲရဲစွန့်ခွါပါအရွယ်ရောက်ပြီးတဲ့မိန်းကလေးတိုင်း…ကိုယ့်ခြေထောက်ပေါ်ကိုယ်ရပ်နိုင်အောင်ကြိုးစားပါ…..

ကိုယ်မရှိလည်းရတဲ့နေရာဟာ..ကိုယ့်နေရာမဟုတ်ဘူး…

Pan Koe
မေတင်

Photo credit to original photo

ညို ခွင့်တစ်ပတ်ယူပါတယ်

ခရီးသွားစရာရှိလို့ပါ...

#Nyo
#PhooThitsarNyo