لا الجار للجار ولا الرفيق وقت الضيق ولا لقربون اولا بلمعروف كلهم اتيوس .

كل م تحس روحك غمتلك اذكر انه اليوم هو بكره الي كانت خايف منه امس .

خوذها نصيحه خليك واضح او صريح مع الناس كلها عشان تخسرهم كلهم مره وحده .

ثـلاث حاجات يخلنك ناجح الثقه والعزيمه والإصرار او كان عندك واسطه فوتـهن هن الثـلاثه .

ماتبحتش في رزق غيرك عشان رزقك حا يخطم من يلاك او مش حتشوفه .

متلومش حد فاتح نت او فاضي و ما يحكيش معاك لانه مش كل من فاضي فاضيلك .

م تحكيش معاي بجوك لانه نا عندي خدمة حظر بس خدمة بجوك في شركة ليبيانا .

م فيش حد ياخذ حد من حد بس الرخيص يمشي مع اي حد .

مش ضروري نجامل بيش نتجامل عشان نكسب محبة الناس نا هك متريح .

‏راضيين باللي كاتبه مولانا
وباللي عطانا الله مقتنعين
قولت الحمد لله ما تخطانا
عايشين في الدنيا ومستورين
لانطعنوا في الظهر و لا فتّانة
ربي خلقنا بوجه موش اثنين
اللي يصونا انعلوا الفوق مكانه
واللي نسانا ليه نسايين
عليها الشجاعة والدي ربانا
كان غلطنا انجوك معتذرين '