ابيات ابوذيه لمولدابوالفضل العباس
عليه السلام

دوه اسمك احسه يصير. . للماي
وشوكي طشراني كوم.   للماي
ابوكت العطش ماهميت. للماي
كل همك تحافض عل خويه

هله بل طشر الحومه     وخلهه
ابوالغيره وصدك اسكت  وخلهه
الناس الاكته انسحكت  وخلهه
بلا خياله تترادم سويه

اذادنيتك بهتت    يمه حلهه
احس الروح يمه.   يمه حلهه
كل شده تلاكي     يمه حلهه
اخوزينب دوه اسمه وهويه

جبيره الفرحه مانوصف.  وصفها
وعوف احزانك ابكترك.   وصفها
اذادنياي مخبوطه.    وصفها
انخه الكافل يصفيهه اليه

سلام    البهادلي

الك يل مهدي شعلنه اشموعنه
وصحنه الك مشتاگين بدموعنه
جفن الحبك سهر
يل مهدي المنتضر
اليله الكون ابتشر
ياهيبت الساده

الكون ابحضرتك
وبخت اعمامتك
كلنا احنه ابعازتك

ياقائد القاده

انته الابوو انته المحب
اسمك حرزمن ينكتب
حته القلم بي ينعجب
يابسمت الوادم

حبك نده يفرح الشجر
منجي الارض من الخطر
نرسم الك اية وصور
بيك الگلب هايم

الناده باسمك وكت اتهون وما يتحير
انته السرالمامطروق المثلك مايتفسر

،//////////////////////////////////////

ياحسين نورت دنيانه
ياحسين ارض وسمه فرحانه

يبن الزهره وعلي
بيك الهم ينجلي
صرخت حب تعتلي
يا محله ايامك

اليمشي ابدربك نجح
بل جنه اشگد فرح
نورك فاض وصدح
خلينه خدامك
عشگك فرق عن كل عشگ
حگه الگلب من يحترگ
انته النسيم التنشهگ

يمحلي دنيانه

كلشي انخلق لجلك تره
خبر الدره والمادره
املاك السمع وگفت سره
بل فرحه ويانه

انته ابحضن امك قرأن الزهره ابنورك تقره
شمس الله الوگفت عل باب ادور منك نضره
////////////////////////////////////////

مولد العباس بي نتباهه
راية احسين ابفخرشالاهه

الكافل منه ونعم
منه اتخاف الزلم
شايل غيره وعلم

رايته علاهه

خط اسمه عله السمه
فرحت بي فاطمه
يامحله الخاتمه
ويحسين گضاهه

منه الزلم وتكف بعد
هيه الزلم موبل عدد
شايل اسم راعي الشدد

يستاهل الهيبه

نركض اله ابوكت العسر
يجبر خواطر تنكسر
اسمه صبح سراعله سر

من الله تنصيبه

ياهنيال احسينك بيك انته الوفيت الخوه
شاهد چفك ويه الجود وياهو المثلك سوه

سلام البهادلي

نعي للأمام الكاظم عليه السلام

نعش الغريب اعله الجسر ضال
ودم مو دمع عل من طرح سال
بسلسله مگيد فوگ الحبال
وحيده الجنازه اشلون تنشال

وين اليفزعوله ويشيعون
تريد الجنازه حلو المتون
يچوي الدمع لو ضل بلعيون
وين ال هاشم خل يحضرون

بل سجن عمره والضلم راح
اليشبه علي ماسعه يرتاح
الكاضم صبر بس شابع جراح
عل من ذبح وبراسه الرماح

ينوح اعله زينب كل حياته
الكاضم حنينه كل صفاته
ينهضم من كلمت شماته
وعل خيم يبچي الحد مماته

سلام البهادلي

كل ما اطب للحظره _ تسمحلي اكلك اقره
هذا انته كبرك مولاي _ جاوين كبر الزهره
//////////////////

مجروح گلبي ياعلي وروحي البعد ياذيهه
امنيتي ازورن فاطمه بحضرتهه دمعه ابچيهه
الخاطرهه ارض الله اندحت ومرقدعجب مابيهه
متوجه ومن حظرتك طگ گلبي شوگ اعليهه

متيقن انه ودمعي. تنطي البصحنك يدعي
وبگلبي ضلت حسره. چاوبن گبر الزهره
------------------
كاتب اسمهه اعله الجفن وبدمعي تعرف لازم
يمته ازورنهه وجي يسموني زاير فاطم
الخلص حياته ابخدمتچ يم الحسن مانادم
ابمجلسهه صارت راحتي مالي شغل بل وادم

اتقربني الهه منيتي ابكل دمعه هاي وصيتي
هايم ودور نظره. چاوين گبر الزهره
--------------
مقصر بكل ماقدمت لجلچ نذرت اسنيني
تنساني كل هاي البشر بس انتي ماتنسيني
ياماصرت ماي العطش والوادم اتچفيني
ياواهسي الماينكسر بس نظرتچ تحييني

نعمتچ ماتتوصف. خادم الچ وتشرف
اجروحچ ابگلبي امجمره. چاوين گبرالزهره
------------
دمعي المصابچ مانشف وضلاعچ المهشومه
منكثر ماشفتي ظلم صاراسمچ المظلومه
فگدچ كسرحيدرجرح متغيره حيل ارسومه
محني الظهر يمشي صفه المامنكسر من يومه

الله اليعينه اعله الصار. ايجرحه طاري البسمار
من يمشي لازم ظهره. چاوين گبر الزهره
-----------
الباب وجذوعه انهدم فوگ الضلع ويكسره
وبسمار اجه ابنص الگلب والعصره فوگ العصره
وفوگ الثگل نار وجمر محسنهه بي متحيره
ياعلي ماتت فاطمه الفاتحه اعليهه انته اقره

متكسره ماتت ياناس. من الجدم حد الراس
وبخدهه ظلت سطره. چاوين گبر الزهره
---------------
سلام البهادلي

ليش المدينه مو مثل الاول
عافتهه فاطم يل عنهه تسأل
شمسويه ابجوهه الاحزان
متغيره ارسوم الجدران.
مومثل الاول. مومثل الاول

فرق من السمه للگاع اشصاير بيهه ماادري
شفت كسرت چبير الگوم بچتني وحنت ضهري

يعني ماتت كل اهلنه. علي شيحچي لوسئلنه
روحه راحت وي نعشها. راحت الكلهه محنه

وداع الحبايب بچه المگابر
ويعينه الله وحيدرهه صابر
مندفنچ رد بس ذبلان
متغيره ارسوم الجدران
مومثل الاول مو مثل الاول

المصيبه اشما تصورنه تطلع اكبر اهوايه
طيحت فاطمه اثگيله اشد من طيحت الرايه

هاچ روحي بساع اگعدي من اضيعچ منهو عندي
شحمل افراگچ يفاطم. حلمي اروح اوياچ وحدي

يوجعني گلبي من اذكر دمعتچ
وكسر ضلوعي الخاطر كسرتچ
ساعدني اوگف ياسلمان
متغيره ارسوم الجدران
مومثل الاول مو مثل الاول

وي طيحت جفنهه النور غرب عن مدينتنه
الحسن وحسين بچوني اگعدي ياعزيزتنه

جاوبيني يل حبيبه. يوم الموادع مصيبه
بعدچ اباول حياتچ اثمنطعش هاي العجيبه

متهشمه متي ويلي اعله ضلعچ
الاخر حياتچ ماكفه دمعچ
جفنچ ما غمض سهران
متغيره ارسوم الجدران
مو مثل الاول. مو مثل الاول

الصبح مو هذا الانشوفه وجه فاطم صباح الله
من توگف اتصلي اليل وراهه الكون يتصله

الدنيه شنهي ابلا ظواهه. كلهه متيتمه وراهه
نحنه من ظيعهه حيدر. بليل جرحه ودعاهه

ماتت حزينه من الضلمهه
يعرفهه رحمه بس مارحمهه
كاسرظلعچ موانسان
متغيره ارسوم الجدران
مو مثل الاول. مو مثل الاول

وراچ الدنيه موش ابخير يوجه الله وتفاسيره
الماله غيرچ ابهل كون صارت حيرته حيره

وين نلگه مثل عطفچ بيا جبل ينقاس صبرچ
ماقبلتي انعيش ذله. وعاش دين الله اعله عمرچ

اول شهيده من بعد ابوهه
غضبانه ماتت اشگد عذبوهه
ياثار الله وثارك حان
متغيره ارسوم الجدران
مو مثل الاول مو مثل الاول

سلام البهادلي

كلما باوع لچفوفي اذكر خيمه اطيح وركض ازغار
من الطف ضلت بس ذكره دخان بريتي امن النار
ليش اتسلب ليش اتعذب خيمه اطيح وركض ازغار
_جمعّت كل ذكرياتي ادري خلصانه حياتي
ارسم اعله اجفوني ذكره بلكي ترجعلي امنياتي
امفارگ اعزازي الاحبهم اشتاگ الهم من صفاتي

الماشايفه احبال السبي تاكل گلبهه الحسره
و اعله المدللهه تضل كل الملامح تقره

فارگته الماضن يتفارگ واحد بس حنيته اهواي
كلما اعثر الزم گلبي اشعر طول انفاسه وياي
مااتعجب ليش اتعذب خيمه اطيح وركض ازغار
____

الرمح ماخذ كلشي مني مايهم الصغر سني
الشايله مابي محنه امد چفي يبعده عني
صوطه ينزل عله متوني الدرب كله مارحمني

الفرحه بعيوني انتهت وبزغري عشت الچمه
لون الطفوله بلا ابو ليل ويفارگ نجمه

اليمشي ويه الغربه اشمايمشي اول خطوه يحس تعبان
يخلص دربه بهضمه ودمعه وبعيونه اتعيش الاحزان
ابچي وانحب ليش اتعذب خيمه اطيح وركض ازغار
_الحبل مايعرف ابجرحي ينشد اشمانزل دمعي
والجوارح تبچي حسره الشتم مافارگلي سمعي
صارت امنيتي الوحيده الملگه ابويه ابموتي ادعي

الدنيه والبيهه تره امعلگه ابرمش اعيونه
من يفتح اعيونه الصبح يخليني فوگ امتونه

متعلقه ابروحه وحنيته شتسوه الدنيه ابدون احسين
ضيعته وضاعت امالي المثلك يحصل بويه منين
گلبي اتشيب ليش اتعذب خيمه اطيح وركض ازغار
_النوم مامر اعله عيني الحادي بصياطه يجيني
بل الرمح متعلقه روحي والشمر ماييخليني
تيقنت راس الاحبه عله الرمح من يحاچيني

ما حاسبه بيوم الرمح ياخذك مني ويمشي

مقهوره اباوع والتعب ماخله حيل ابرمشي

حيل اعله اشفافك مقهوره مامرتهن گطرت ماي
وجسمك ضل عل گاع مطشر بالهيمه ومافوگه افياي
امن اعثر انسب ليش اتعذب خيمه اطيح وركض ازغار

سلام البهادلي

ابتعب خلصت عمري   راحه متني
ومن كثرالمشاگف    راح متني
الحوافر لو بسحگك    راحمتني
چاما ضيعن جثتك عليه

ثوب الفرح زينب    ماردلهه
گلب ومتون بل طف   ماردلهه
المشه الصوب الشريعه ماردلهه
اسهام ابعينه وچفوفه رميه

اذان اجروح صاير   عمه اذاني
الشمر وبصوطه بالطف عمه اذاني
اخذ ويه التراچي   عمه اذني
الوجع والدم صبغ وجهي و اديه

سلام البهادلي

فزاعيات ليلة العاشر

چبير الساده طايح حيل شدوهه
ولطمتكم تطيب اجروحه خلوهه
لخو زينب الگاع اليوم هزوهه
يستاهل حسين اشما نسويله
يستاهل احسين اشما نسويله

اليوم احسين رايح ينطحن بالخيل
ومن العطش طايح وسفه مابي حيل
وچم حافر يسحگه من الضهر لليل
مذبوح الحسين وعل رمح راسه
مذبوح الحسين وعل رمح راسه

يازينب اتلگي الزهره اجت لحسين
يلچمها ضلعها وتلطم اعله العين
ييمه هل مصايب هاي اجتنه امنين
بس تسعه الاصابع خنصره مسلب
بس تسعه الصابع خنصره مسلب

كلهه اتصيح وين ام عون طلعوها
وكلما تحچي كلمه حيل اشتموها
وبحبال السبي الخشنات گيدوها
وخلو الصوط يترك چم اثربيها
وخلو الصوط يترك چم اثربيهه

مشت زينب ادور عالجثث بليل
مهضومه وچبيره وراح منهه الحيل
سمعوهه حچي من عنده ضاگت ويل
و ياوسفه الشمر بالصوط يسبيها
ويا وسفه الشمر بالصوط يسبيها

الصار ابزينب ابدن ماجره ولاصار
مناكه حرگ منانه سحگ ازغار
اول مره زينب ياخلگ تحتار
تره الشمات ضحكو زينب اوحيده
تره الشمات ضحكو زينب اوحيده

سلام البهادلي

فزاعيات للعباس عليه السلام

لبس جربته ورايح گال اجيب الماي
من شافته الوادم ضلت ابلا راي
ابوفاضل الچفه اعله الخيام افياي
والخاطرخواته شمراچفوفه
والخاطر خواته شمر اچفوفه

انه العباس صاح وخورس العدوان
انه ابن الگاطع الكم بلحروب السان
ربح عنده الحرب مامره ردخسران
اذكركم ابحيدر وانه فقاره
اذكركم ابحيدر وانه فقاره

احمدو الله اعله سيفي بس يطيرارگاب
لو موجود باب اصلبكم اعله الباب
المنكم وطشكم مثل صم اتراب
لحسين وخيامه ناذراعيوني
لحسين وخيامه ناذر اعيوني

ابطيحت چفي ماهم والسهم بل عين
كلشي انطي وأحسن ماوفيت الدين
حلوه اخر انفاسي ابحضن اخوي احسين
من اگماطي وأنه امتاني هل ساعه
من اگماطي وأنه امتاني هل ساعه

////////////////////////////////////

اگعديابوفاضل طبو الشمات
وعله ام عون الچبيره ثگلت الچلمات
ماضلالي واحد كلشي بلطف مات
مثل طيحت اچفوفك طاحت الخيمه
مثل طيحت اچفوفك طاحت الخيمه

حرت وين انطي وجهي كله نار وخيل
نهار الطف ابعاشر صار چنه اليل
عثرتي اگبال شامت هدمتلي الحيل
كلما اميل اصيحن وين ابوالغيره
كلما اميل اصيحن وين ابوالغيره

محترگه الخيم ومذبحه اخواني
گضو كل اخوتي واحد وره الثاني
وبليل الخرايب صاير امجاني
وبليل الخرايب صاير امجاني

احشم ياهواحشمه وكلهم اعله الكاع
ابلمحت بصر راحو من عيوني ابساع
حسره ابگلبي راحو ماشبعت اوداع
روس اعله الرماح اخواني منحوره
روس اعله الرماح اخواني منحوره

سلام البهادلي

https://t.me/amerehu