Хотын 2-дугаар поликлиникэ
Зурагуудые буулгаһан хаяг: Улаан-Үдэ хото, Хотын Саанахинай гудамжа, 56 байшан.

Буулгаһан он, һара: 2024 оной 12-р һара.

Буулгаһан хүн: Посходиев Радна.

Түрэл: #гүрэнэй_эмхи_зургаанай_албан_ёһоной_нэрэтэ_хаяг

Иимэхэн жэжэхэн шара хаягууд ехэнхидээ ганса ород хэлэтэй байдаг ха юм, тиихэдээ энэл хаягай хоёр хэлэтэйнь ехэ һайшаалтай. Гэбэшье, заһахашье, хэлсэхэшье юумэнүүд байна:

ℹ️ Поликлиникэ гээшыемнай буряадаар юун гэдэг бэ? Ниигэм ба улас түрын нэрэ томьёоной толи соо харахадам, поликлиникэ гэжэ үгэ олдоогүй, ганса эмнэлгын газар (больница) гэжэ байна. Яажа оршуулхаар бэ?

ℹ️ Дугаарые «№2» гэжэ тэмдэглэһэниинь буруушье бэшэ, зүбшье бэшэ гэжэ һанахаар. Минии һанахада, Монгол Уласай Х-р, үгы һаа, Х-дугаар (Х-дүгээр) тэмдэглэһэниинь үлүү һайн юм. Иихэдээ 2-дугаар поликлиникэ гэжэ болгоо һаа, дээрэ байха байгаа гэжэ һананаб.

ℹ️ Ажалай хубааринииньшье, байшангай хаягыньшье ганса ородоор бэшээтэй байна. Тэрээниие буряадшалха болоо һаа, иигэжэ оршуулхаар:

понедельник-пятница — дабаа-бабаасан
суббота — бимба
воскресенье — нима
выходной — амаралтын үдэр
г. Улан-Удэ, Загородная, 56 — Улаан-Үдэ хото, Хотын Саанахинай гудамжа, 56
тел. — утаһан**

Олимпиин халаанай тамирай 7-дохи һургуули

Зурагуудые буулгаһан хаяг: Улаан-Үдэ хото, Кировай гудамжа, 1 байшан, Улаан-Үдын түб стадион.

Буулгаһан он, һара: 2024 оной 10-р һара.

Буулгаһан хүн: Посходиев Радна.

Түрэл: #гүрэнэй_эмхи_зургаанай_албан_ёһоной_нэрэтэ_хаяг.

Энэ хаягай дутууень харана гүт? Хараа һаатнай, юугээ заһахада болохоб гэжэ энэ бэшэлгэ доро бэшэгты.

Шэнэ жэлэй баяр дүтэлжэ байна ?✨

Гаража байха 2025 ондо бултадаа элүүр энхэ, зол жаргалтай, ажалтнай амжалтатай, хэһэн хэрэгтнай бүтэсэтэй байха болтогой!

Энэ жэлдэ хабарай һэбшээ һалхинда, зунай ааяма халуунда, намарай хүйтэн бороондо, үбэлэй шанга жабарта хаягуудые буулгадаг байһан дахагшадтаа доро дохижо, ехэ талархалаа мэдүүлнэб. Та бултанай оролсолгоор энэ түһэлөө ябуулнаб!

Мүн баһа Буряад Уласаймнай хэлэнэй оршон тойрондо буряадшье, ородшье хэлэнүүд булта адли тэгшэ харуулаатай байхые үреэнэб!

Энэ үреэлни бүтэхын тулада бултаараа хаягуудта анхаралаа хандуулжа, тэдээниие шүүмжэлжэ, һанаһанаа хубаалсажа, хотынгоо, нютагайнгаа захиргаантай харилсажа, буряад хэлэн хотын гудамжадашье, элдэб үндэһэнэй эмхи зургаандашье хэрэгтэй гэжэ бултадаа хэлэжэл, харуулжал байя!

Амаралтын үдэрнүүдтэ нютагайнгаа гудамжаар ябахадаа, энэ бэшэлгын сэдьхэгдэл соо шэнэ жэлтэй холбоотой элдэбын хэлэтэй хаягуудаар хубаалсаха марафон ябуулая!

Та бүгэдэндэ Шэнэ жэлэй мэндэ дэбшүүлнэб! ?

Гарагай долоондо болоһон семинарта ерэжэ шадаагүй һаатнай, презентацииень эндэ олоод, харахыетнай уринаб

Соносхол хэхэеэ мартааб:
үглөөдэр «Гагауз хэлэнэй саг» гэһэн семинарта хэлэнэй оршон тойрондо дутуу харуулагдаһан хэлэнүүдэй харуулсые яажа ехэдхэхэ аргатайбибди гэһэн һэдэбээр хөөрэхэб.

2018 ондо магистрта һуража байхадаа хэлэнэй оршон тойрондо Баранова Влада багшаар һонирхуулааб. Мүнөө дээрэ энэ һэдэбээр хэдэн үгүүлэл ниитэлжэ, кандидадай диссертацияа хамгаалхаа байнаб.

Тиихэдэл ганса эрдэмэй талаһаа бэшэ, хэлэнэй эдэбхиин талаһаа энэл шэглэлээр ажалаа хэнэб. 2018 онһоо хойшоо энэ түһэлөө ябуулжа, Улаан-Үдын гудамжа дээрэхи хаягуудые шүүмжэлжэ, дутууень яажа заһахаар бэ гэжэ хүн зон олондо хөөрэнэб.

Һонирхолтой һаатнай, үглөөдэрэй семинарта оролсохыетнай уринаб!

Хурамхаанай хүүгэдэй искусствын һургуули

Зурагуудые буулгаһан хаяг: Хурамхаанай аймаг, Хурамхаан тосхон, Балдаковай гудамжа, 45.

Буулгаһан он, һара: 2024 оной 10-р һара.

Буулгаһан хүн: П. Радна.

Түрэл: #албан_ёһоной_хаяг

Манай дахагшад маанадта зурагуудые ганса ниислэл Улаан-Үдэһөө бэшэ, Буряадай аймагуудһаа эльгээжэ эхилээ! Та баһал аймаг руу гараа һаатнай, һонирхолтой зурагуудые буулгаад эльгээгты!

Искусство гээшэмнай буряадаар юун бэ? Оршуулгаяа дорохи сэдьхэгдэлэй таһаг руу бэшэгты.

Нягталан бодолгын түб газар

Зурагуудые буулгаһан хаяг: Улаан-Үдэ хото, Гагааринай гудамжа, 28 байшан, 2 барилга.

Буулгаһан он, һара: 2024 оной 10-р һара.

Буулгаһан хүн: П. Радна.

Түрэл: #албан_ёһоной_хаяг

Харахадамни хуу зүбөөр бэшээтэй байна бэзэ. Юун гэжэ һананабта?

Хальмаг Уласай ниислэл Элһэтэ хотодо "Түлк" (бур. түлхи), "Тат" (бур. тата) гэһэн бэшэлгэтэй няалта саарһан байгуулгануудай үүдэн дээрэ бии болобо??