Хурамхаанай хүүгэдэй искусствын һургуули

Зурагуудые буулгаһан хаяг: Хурамхаанай аймаг, Хурамхаан тосхон, Балдаковай гудамжа, 45.

Буулгаһан он, һара: 2024 оной 10-р һара.

Буулгаһан хүн: П. Радна.

Түрэл: #албан_ёһоной_хаяг

Манай дахагшад маанадта зурагуудые ганса ниислэл Улаан-Үдэһөө бэшэ, Буряадай аймагуудһаа эльгээжэ эхилээ! Та баһал аймаг руу гараа һаатнай, һонирхолтой зурагуудые буулгаад эльгээгты!

Искусство гээшэмнай буряадаар юун бэ? Оршуулгаяа дорохи сэдьхэгдэлэй таһаг руу бэшэгты.

Нягталан бодолгын түб газар

Зурагуудые буулгаһан хаяг: Улаан-Үдэ хото, Гагааринай гудамжа, 28 байшан, 2 барилга.

Буулгаһан он, һара: 2024 оной 10-р һара.

Буулгаһан хүн: П. Радна.

Түрэл: #албан_ёһоной_хаяг

Харахадамни хуу зүбөөр бэшээтэй байна бэзэ. Юун гэжэ һананабта?

Хальмаг Уласай ниислэл Элһэтэ хотодо "Түлк" (бур. түлхи), "Тат" (бур. тата) гэһэн бэшэлгэтэй няалта саарһан байгуулгануудай үүдэн дээрэ бии болобо👇🏼

Хэлэнэй оршон тойроной аша туһа
Тугаар гар утаһанайнгаа тэмдэглэлые харахадаа, Улаан-Үдэдэ үнгэрһэн һүүлшын үдэр (2-р һарын 15-да) хэһэн тэмдэглэлые хараад уншааб. Тэрэ үдэр трамвайгаар ябахадамни, залуу ород һамган 7-оод наһатай хүбүүнтэйгээ ороод, хажуудамни зогсоо. Хүбүүниинь һая уншажа һураа бэзэ даа, трамвай соохи бүхы бэшэһые эжыдээ үеэр уншажа байгаа:
— За-пас-ной вы-ход, ү-лүү үү-дэн. Эжы, "запасной выход" гэжэ буряадаар юун бэ мэдэнэгтүү?
— Мэдэнэгүйб. Юун бэ?
— Үлүү үүдэн!

Би энэ хөөрэлдөөе гэнтэ дуулаад, сэдьхэлдээ ехээр һэгшээб. Энэ хадаа хэлэнэй оршон тойрон хэлэнэй ямар нэгэн зүйлдэ һургаха боломжые батална. Тиимэ ушарһаа үлүү олон мэдээсэл хоёр хэлэтэй байгаа һаа, үлүү олон хүнүүд буряад хэлэтэйень үргэлжэ хаража, уншажа, һанаандаа хадуужа магадгүй. Энэ талаар үнөөхи 7-оод наһатай хүбүүхэнэй үльгэр жэшээниинь ехэ урмашалтай гэжэ һананаб.