❌ #القفاصـــــــــــــــــــــــــة :*?*بعد قرار الوزارة بالحذوفات والجدول
فهنا الطلبة راح تبدي تلكه حلول والمعتاد كدامها حلين :
الاول تكعد تقرا وتتوكل على الله
الثاني تعيد سنة او تأجل دور ثاني*?*لكن ... اكو بيهم يريد يطلع بحل ثالث من نوع "برو ماكس اولترا دفجن" ويشوفه افضل من الاول والثاني وهو :*✨*تعديل الدرجات لدرجاته بالوزاري او شراء الاسئلة*✨ *وهنا مع الاسف وكل الاسف على هيج عقلية*?*هواي انتشرت قبل ولحد الان صفحات على التواصل #قفاصة وتكلك اعدل الدرجة ويشوفك درجتك شلون تعدلت ويدزلك اسئلة ومن هاي الامور الكاذبة
وقبلها يريدك تدفع مقدم 100 الف او 25 الف و50 الف ومدري شكد بعد واكو بالدولار وكارتات ويشتري الاسئلة وتعديل كنترول ... الخ*?*ويجي قبلها يشوفك قناته بيها متابعين شكد ويكلك ثقة وهمة 90% منهم رشق ... ويشوفك رسائل هم فلا تغرك صور المحادثات ترى هاي مجرد حساب ثاني ويغير الاسم ويراسل روحه ويحول الرسالة حتى يوهمك ويكلك شوف بعينك ويخليك حتى تراسله وتحجي ويا ويشوفك درجته معدله بملف pdf هو مسوي وحتى بالفوتوشوب يخلي الختم ويقلل السطوع عبالك يطلع مختوم صدك وانت كبل تصدك*?*ما اريد اذكر اسمائهم لان همة بالعشرات وما يخلصون لكن بشكل عام انتبهوا منهم*?*واني كاعد ابلغ عليهم بالدعم مال التلكرام بس للاسف ضعيف مع الابلاغات وما يوصل دائماً مو مثل بقية المنصات بحيث ادزلهم بلاغ يدزلي بقلاوة اكله هاي شنو يكلي رمضان بالخير علينا وعليكم*?*رجاءً شباب ... ابتعدوا عن هيج نماذج ... سواء بالواقع او بالمنصات لان صدكني نهاية هذ الطريقة سواء قفاصة او حقيقة فراح يوديك بوحل الندم ...*⚜️* اتمنى يتعمم هذا المنشور لأكبر عدد ممكن ...
لان هاي السالفة كامت تكبر وكاعد يزيد يوم بعد يوم ...
بسبب قرارات الوزارة الداعمة لشركة بيبسي بغداد

دمتم بخير
Lujain ?**

✨سينشق العالم ... ويتداعى المرض✨ويســــــود الفقر ... ويعود البقــــــــــر✨ويــــــــزول المال ... وتنخسف الجبال✨**ويتصاعد الجهل ... ومنه الكهل

كيف لكل هذا ان يحدث ؟
لا تقلق ...
لن يحدث طالما لن نمدد السقف الزمني للبيبسي
ولن يسود طالما لن تعود حــــــذوفات دزنــــــــي

هذا ما يراه برؤيته الفذة من لديه "سلطة الحال"

هنا اقصد "سلطة سيزار" شباب لا يروح بالكم بعيد

Lujain ?**

*✨ *بعض الأنام فقيرٌ انما نفسه*✨*عزيزةٌ مثل الملوك او اكثر*✨*يرضى القليل ولا يشتكي قلةً*✨*وان يكن بين الورى هو الأفقر*⭐️#لــسنتر_الطالب✔️***t.me/santer_talib

*0️⃣* غداً عطلة رسمية بمناسبة عيد نوروز

وباجر يعتبر من احلى الأيام واحلى الأعياد بالسنة
مو لان يصادف عيد نوروز ...*?* وانما غداً هو عيــــــد الام ايضاً ? ويا الأمهات تبدأ الحياة وتتشكل شخصية الطفل
وعيد نوروز هو بداية حياة ربيعية جديدة
وهذا هو السبب الي اجمع عليه اغلب دول العالم
حتى يخلي ذني المناسبتين مرتبطتان مع بعضهما بيوم واحد

حبيت اخبركم شغلة صغيرة وبسيطة ...
لكن اهميتها تشهد لها السماوات كلها :*✨*امك ثم امك ثم امك ✨ لا تقسي عليها ابد .. لا بكلامك .. لا بأفعالك
ولا حتى بتعابير وجهك المنزعجة
وداعتك اقل شي راح يأثر عليها بس هي ما تكول

ما راح اكول كل الامهات زينات لان اكو بيهم ما تسمى حتى انسانة
لكن بشكل عام ... الام نعمة وما يحس بيها الا الي يفقدها*✨*باجر عيد نوروز ... عيد الربيع ... ومعه عيد الام ايضاً
قدملها شي حلو ... وحاول تفرحها وتهتم بيها
حتى لو جنت كلك عيوب وزعلانة منك هم روح وصالحها
واذا ما كدرت تعطيها هدية ... على الاقل عبر عنها بشي اخر
حتى لو بكلام طيب او تساعدها او تحضر شي بسيط او روح طلع شعر من النت وتحجي الها وضحكها بكلام حلو ... وصدكني انت اعظم هدية الها بنجاحك وتفوقك ... وهاي لا تقارن لو جبتلها كنوز الدنيا كلها*✨*ولمن هي تروح من الدنيا ... وداعتك راح تصير جواك غصة
العمر كله ما راح تكدر توكفها ولا راح يجي شي يملي فراغها
وراح تتمنى تدفع عمرك كله حتى لو يرجع بيك الزمن وتكعد وياها ساعة واحدة حتى فقط تشم ريحها وتتبادل الكلام وياها

واسيها ... وساعدها ... وفرحها
ما بقى من العمر بكد الي راح
فأشبع منها ... وخليها تفتخر بيك
حتى لمن هي تروح تحس سوت شي بهل دنيا
لان ما تعرف شوكت ساعتها تجي
وبوقتها الندم راح يضل ياكل بيك ويضل
يستمر لحد ما ساعتك تجي وتنام جوه التراب*✨*ربيع الانسان يبدأ مع امه ... ولا ربيع ... لمن فقدها ? دمتم بخير
Lujain ?**

*⭐️#لــسنتر_الطالب✔️***t.me/santer_talib

شفت هواي اراء بالبوت حول هذا الموضوع
وبصراحة فرحت لان الأغلبية تفكيرها صح
بس مع هذا اريد أوضح هذا الشي لبعضكم

مو كل قسوة نوجها للشخص تعطي الحق لازم يجاوز
هسة مرات الاهل من يقسون على ابنهم انت هنا تروح تجاوز عليهم ؟

اكو فرق كبير كلش ...

بحيث هنا قسوة لمصلحتك .. وهم ما تجي الا اذا نشوف تقصير
حتى اذا جان واحد غريب مو شرط اهلك ... ايضاً ما يجوز لمن تعرف هو يعزك وتميز يريد مصلحتك مو اي واحد هيج مجنون حشاكم

بس الظاهر اكو اشخاص وحدة من الاثنين :
لو تفكيره سطحي لدرجة عالية
لو هو مو النوع الي يتجاوز على الي يريد مصلحته
لان اكو بيهم كبريائه ما تسمح لاحد يرزله حتى لو هو غلط

وكلام مثل هيج اشخاص خير دليل على هذا الشي لان عبر عن الموضوع كتناقض

ولازم تعرفون .. الشخص الصحيح والعاقل (مو اي احد) .. اذا رزلك فهذا جان بسبب تقصير منك .. مو على الفاضي هيج ... ولا قابل هو مخبل كاعد يبلي نفسه بيك ويتعب روحه على شنو ... غير يعزك ويريد مصلحتك

فلحد يجاوز على شخص يريد مصلحتك
سواء استاذ او اهل او اخ او صديق او مدرب .. الخ

ترى ياما قسوة ربت ناس وخلت روحهم صلبة
وللعلم ... اكو ناس هي اصلاً ادور واحد يقسي عليها لان تعرف نفسها يجوز تسخت او تهمل الشغلة وتريد احد ويا طريقها حتى يوعيها ويقسي عليها حتى تمشي عدل ...

واكو بعضهم يرجعون للي قسى عليهم ويخبروا لو مو قسوتك جان اني ما مشيت عدل ووصلت لحلمي ...

اكو حجاية عدنا جانوا يحجولنا من صغار تكول :
"الدفرة (الضربة) من الظهر هي الي تمشيك ليكدام"
طبعاً هي الامثال تضرب ولا تقاس
لكن لمن نشوف هيج وضع ومثل هذه الحالة
راح نشوف اكو فعلاً اشخاص تحتاج نقسي عليهم يلا يرجع يمشي عدل ويعرف طريقه ...

حبيت اوضح هذه النقطة لان بعضكم فاهم العكس

ترى الحجي للكل مو لهذا الشخص فلا ياخذها على نفسه فقط
وهسة يجوز يرجع يجاوبني ويكول كاعد اشاقه اشو كلبتيها محتوى ومن هل حجي ?

هاي بعضكم مرة هيج حجة وياي بغير موضوع بالبوت يحجي ويطلع صراحته ويكمل ويضل مستمر ومن اجاوبه هنا يكلي كلامي مسحوب وعلامة سحبه الشقة الظاهر على اخره ...

دمتم بخير

Lujain*?***

كلنا نخطأ وخصوصا بالامتحانات فالمسامح كريم #نجحونا