🔰 صعود أسعار الإشتراكات سيكون يوم الإثنين.
علما أن نسبة الصعود 15٪ .

⭐ بعد الساعة 12 صباحاًً يكون ضغط كبير على التطبيق بسبب دخول جميع المستخدمين في هذا الوقت لاستلام اشتراكهم ..
لذلك احيانا بعض الاشتراكات لا تصل بشكل صحيح

🧩 فضلاً وليس أمراً.. الرجاء تأخير وقت الدخول للتطبيق ساعة او اكثر اي ما بعد الساعة 12 ..

شاكرين تعاونكم معنا💖

⭐ الدعم في خدمتكم لكن نتمنى منكم الصبر .. وارسال المشكلة مع كود الدعوة مباشرة ليتم اضافة التعويض في اقرب وقت.

♦اسف على الاطالة بس شرحتلكم كل التفاصيل الي من حقكم تعرفوها

وختاما.. راح اوضحلكم نقطتين:
? عجلة الحظ لغيتها من التطبيق بقناعة شخصية تامة انو العجلة تدخل بأشكال شرعي! واني مايهمني فقط اربح يهمني يكون ربحي حلال?

? ليش لغينه القروض؟
طول فترة القروض جانت بشكل مجاني يعني مانضيف اي فائدة عليها حتى لاندخل باشكال شرعي!
صراحة فكرنه بأي طريقة ممكن نستفاد منها بالقروض لكن مع الاسف كل الطرق نسأل عنها تكون محط اشكال شرعي واحنه في غنى عنها .. الله يغنينه بحلاله عن حرامه

و بالفترة الاخيرة شفناها خسارة علينه لان ما النه اي فائدة بيها فقط المستخدم يستفاد وبزيادة عدد المستخدمين زاد طلب القرض لذلك تزداد الخسارة. فالافضل نلغيها ونخلص.

? اضطريت انزل هذا المنشور لان صار فترة اكو ضغط على الوكلاء بهذا الخصوص والشي اليقهر انو اغلبهم ( مفلسين ) هو لا شغل ولا عمل وجاي يدور استثمار ? بس مع ذلك ممكن يشوه سمعة التطبيق..

?لذلك الرد راح يكون بهذه المنشورات واذا ما ااقتنع براحته

? واذا استمر يلح او يحاول يثير الفتنه راح يتم حظره من قبل الوكلاء وحتى من التطبيق.

? اقولها بكل صراحة انا لا اتشرف بأي شخص يحاول ينتقص من مشروعي لان ما صار من فراغ وانما من بعد جهد وتعب وسهر الليالي حتى كدرنه نوصل لهاي المرحلة.

ونطمح للافضل بإذن الله??

? الي ساحب من التطبيق يعرف ان سعر الدولار هو 1320
احيانا شخص يسحب ولنفرض ( 10.02 ) الناتج راح يكون 13,200.4 دينار

هذا البوينت 4 يشهد ربي عليه اخاف ابوگها !! رغم هي ماتنجبر اقل من 5 بس مع ذلك اسويها دينار.

ووصيت الوكلاء اذا طلع ناتج العملات بي بوينت مثلا ( 15000.1 ) مباشرة يزودون عملة عن الحلال والحرام والعملة ماراح تضرنه بشي!

اعرف ممكن تعتبرون هالسالفة تافهه بس الله شاهد عليه ماراح افكر بأي وقت انو اخون الامانة او ابخس حقكم

واكو منشور سابق تكدرون ترجعون تقرونه لمن لكيت شخص مكتوب ( تم الطلب ) على السحب مالته وعبالي مادفعت اله وشلون تصرفت وياه!

? منو صاحب التطبيق؟ ليش مايطلع ؟ ليش مايحجي ؟
- صاحب التطبيق خادمكم واسمي علي ومن محافظة البصرة.

? بس خلونه نحجي كم حقيقة! التطبيق بي اكثر من 500 مستثمر.
بالنسبة الكم رقم بسيط اما بالنسبة النه رقم ممتاز وخصوصا التطبيق مامعروف وجديد وبدون حملات ترويجية وكدرنه نكسب ثقتكم ولله الحمد وهذا اعتبره توفيق و فضل كبير من رب العالمين?

? شنو ربط هالكلام بالسؤال ؟
- بكل صراحة اذا انت خايف تستثمر بالتطبيق لا تستثمر ! والله يشهد عليه ماراح اجي ادگ عليك الباب واكلك تعال استثمر ويانه!

بس خلي مخافة الله بين عيونك ولا تسقط بالتطبيق وتبدي تألف حجي وتكسر بشغلنه واحنه غايتنه بكل صراحة ( نفيد ونستقيد ) مثل ما نفيدكم احنه هم راح نستفاد.
فيعني اذا خايف تستثمر ابتعد عنه بدون ماتسوي حزازيات وفتن بين المستخدمين
تكدر تشوفلك شغلة ثانية والله يوفقك ويبارك برزقك??
وطول هالفترة هواي سمعت تسقيط ومارديت لان فعلا مامهتم!! لان اني اساسا حاليا مامهتم انو ينتشر التطبيق بشكل سريع!!

اريد لمن ينتشر التطبيق يكون خالي من كل الاخطاء وسمعتنه طيبه مع المستخدمين بوقتها فعلا نفرح لمن ينتشر وينشهر ?

? وبالنسبة للسؤال
حاليا عندي ضروفي الخاصة واني ملتزم بشغلي الخاص اضافة الى هذا المشروع بلهجتنه نكول ماريد اجيب العين والمشروع ابدايته .. خلوني هيج اشتغل مرتاح بس اقلها فترة علما اكمل اسياسيات التطبيق كبرمجة و كمشاريع وشركة وان شاءالله كلكم تعرفوني?

? وشغلة جدا مهمة ياريت تنتبهولها!!

منصات الاستثمار بدت بمواقع على ارض الواقع مثلا مكتب او اي مشروع والناس تروحلهم للمكتب وعلساس معروفين بس هذا الشي مايمنع الحرامي !!

هذا شي مرتبط بالضمير وبالاصل الي اصله حرام راح يتعامل بأصله وماراح يكون كد الامانة!!

? فإذا جان ابالكم تعرفون صاحب التطبيق بس علمود خاف يطفر وتعرفونه وهيج امور فأكلكم غلطانين والله.

الاف المنصات طلعو بشكل مباشر امام المستخدمين وتعاملو بأصلهم الحرام!

? انا شخص اتعامل بأصلي سواء طلعت كدامكم او اشتغلت بالخفاء مخافة الله قبل كل شيء!

وان شاءالله اكون كد ثقتكم دائما?

السلام عليكم??

?اليوم أريد احجيلكم عن موضوع مهم وراح احجيلكم بلهجتنه افضل لان التطبيق صار فقط للعراق وحتى كلكم تفهموني بشكل افضل.

⭐ راح اجاوب عن كل اسألتكم واستفساراتكم واي شخص يطرح نفس الاسئلة على الوكلاء راح يرسلوله هذا الكلام نفسه.

♦ ياريت ما تفهمون نبرة بعض الكلام تهجم او عصبية !! مجرد حقائق راح احجيها والعاقل يفهم .. والموعاقل الله يغنيني عنه رزقنه ما يوكف عليه.
الله موجود وهو يتكفل بالارزاق ??

? التطبيق شكد صارله ؟ او شوكت نشرناه؟
- التطبيق قديم جداً أكثر من سنتين لكن جان بإسم ثاني وكان يعتمد فقط على الربح من الإعلانات وليس استثمار!
? بس كتطبيق استثمار صارله حوالي 5 - 6 أشهر ولكن جان منشور فقط هنا بالقناة ( قناة التلكرام ) كملف apk. ولحد هاي الساعة الي اكتب بيها المنشور موجود ملف التطبيق بالقناة.

? وين موقع الشركة ؟
- حاليا أي شركة ماموجودة للتطبيق?
مثل متشوفون التطبيق ببدايته وجاي نطوره شويه شويه لذلك بعدنه ماسوينه اي شركة بس قريباً ان شاءالله نوعدكم تكون شركة رسمية وموقع تكدرون تتواصلون ويانه من خلاله.

? هم راح تطفرون وتاخذون الفلوس؟
? هم راح تطفرون مثل باقي المنصات ؟
- بكل ثقة وصدق أكلكم لا ماراح نطفر !!
هي مو بالحلفان اكعد احلفلك انو ماراح نسرق وهكذا امور ! بس راح احجيلكم حقائق وبعد كلمن وقناعته
? احد الاسباب انو التطبيق باني بي امال كبيرة بعد توفيق الله سبحانه وتعالى..
من ضمن هاي الامال والاحلام انو يكون مصدر رزق لهواي ايتام وبالاخص الايتام الي بالمدارس بحيث نكدر نتوصل الهم بسهولة عن طريق مدراء المدارس.
بالاضافة عن المرضى والي محتاجين اجراء عمليات بعون الله راح تكون النه وقفة مع هكذا حالات.
? السبب الثاني
ممكن ما تقتنعون ! بس اني صريح وراح اكون واقعي وياكم!

التطبيق صارله 5 الى 6 اشهر ! وعدد المستخدمين محدود .. ليش ؟؟
ببساطة لان ما عدنه اي حملات ترويج للتطبيق
التطبيق حقق شهرة ولو شيء بسيط كله بفضل الله ومن ثم ثقة المستخدمين بينه
كل الي يسحب يوصله السحب بنفس الوقت اكيد يشوفنه مصدر ثقة ويدعي اصدقائه للتطبيق.
♦ فلو غايتنه نطفر وناخذ الفلوس كان من زمان سوينه حملات ترويج ضخمة وجمعنه مبالغ عاليه!
ولكن مو هذا هدفنه!
? هدفنه يكون التطبيق ناجح وان كان على مستوى بسيط المهم ينجح ويكون مصدر رزق الكم والنه وبنفس الوقت نكدر من خلاله نساعد بعض الايتام والمرضى..
وهدفنه بالوقت الحالي يكون التطبيق خالي من الاخطاء والدليل لمن نشرنه النسخة على المتجر نشرنه منشور على القناة ( كتبنه هذه النسخة تجريبية )
يعني كنا نتوقع حدوث اخطاء او اي ثغرات محتملة وبهاي الفترة نحاول ندرس الاخطاء ونحلها حتى يكون التطبيق بشكل افضل وبشكل ناجح اكثر!

? والحمدلله والشكر صار اكثر من شهر والامور طيبة والمستخدمين جاي يسحبون وبشكل طبيعي

ماعدا كم حالة او خطأ وتواصلو ويانه وحلينه المشكلة بنفس الوقت ولله الحمد.

? ( كل تأخيرة بيها خيرة )

كلما تأخر التحديث معناها اكو تعديلات او اضافات تحسن من التطبيق حتى يكون بمستوى ناجح ومستوى يليق بيكم ?

⭐ الافكار هواي لتطوير التطبيق أكثر وأكثر لكن كلشي بوقته ومثل ما يكولون العافيه بالتداريج.

? هالمرة ماراح احدد وقت معين لنشر التحديث ولكن بمشيئة الله اذا اكتملت النسخة مع الفحص الكامل خلال اسبوع يتم نشرها.
ويبقى فقط وقت الموافقة على النسخة الجديدة.

وان شاءالله خير علينه وعليكم ??