❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية?.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك ??.

التواصل مع @ahmed_alziwar0

قناة خاصة بتلحين القصائد

https://t.me/+PZwpTt2HLXcvUQZh

------------------------------------------------------

قصيدة مولد الزهراء
محمد باقر أحمد جابر

زحفا لقبرِك .. أين قبرُكِ؟ ما اختفى!
هُوَ في فؤادي .. في ترانيم الوفا
في أضلعي أسْكَنْتُ حُبّك، كُلما
شعّتْ شموسُكِ، هامَ قلبيَ واحتفى
يا بسملاتِ الكونِ يا غيثَ السحابِ
ويا جمالًا أحمديًّا ما غفا
يا ضوعةَ المسكِ الأصيل
ويا صلاة العشق للرحمن في قلبٍ صفا
لولاكِ ما طرِبَ اليراع، وما هفتْ
أوتارُ روحي، والمولّهُ ما هفا
فثَمِلْتُ ..لا سُكراً بكأسِ مُدامةٍ
هي روحُكِ البيضاء تسقيني الشِّفا

زهراءُ يا قلبًا كبيرًا ضمّ
كل الكائنات، وبالمحبة قد صفا
أنا ما اكتفيتُ ببهجتي، وقصيدتي
عزفتْ على وتر الولاية أحرفا
لا أكتفي بالشعر باقةَ عاشقٍ
شِعري بقافية المحبة ما اكتفى
يا مَنْ، اذا ضاقتْ بيَ الدنيا
تزيلُ الهمّ عن قلبي وتحيي مُدنفا
وإذا وقفتُ أمام ربِّي عاصيًا:
زهراء !يا زهرا ! أغيثي الموقفا
يعلو نداؤكِ : يا إلهي ! إنه
عبدٌ يوالي آل طه المصطفى

في يومكِ الميمونِ يأتلقُ الضحى
ينسابُ في قلبي حديثاً مُرهفا
واليتُ أهل البيت دون تردّدٍ
وسلكتُ في وادٍ به زرعُ الوفا
فأنا اندمجتُ على ولاءٍ خالصٍ
ودنوتُ من آل النبيِّ تلطُّفا
كي أقتفي أثر الولايةِ، إنها
زادي لكي أردَ الجنانَ تشرُّفا
للبضعة الكبرى، لدستور العفافِ
لأطهرِ الأسماء في سِفرِ الصفا
بوصلتُ أشرعةَ القصيدةِ صوبها
فرأيتَ أربابَ البلاغةِ عُكّفا

ورأيتُ.. ثَمَّ رأيتُ يحكي فضلَها
طه، ويحملُ في يديهِ المصحفا
ويقولُ: لستُ بسائلٍ أجراً سوى
أن تحفظوا بعدي الوصيّ الأعرفا
أن تحفظوا الزهراء فهي حبيبتي
لا تجحدوها بالظّلامةِ والجفا
لا تنكثوا عهد الغدير.. وقد مضى
طه، وميثاقُ الولايةِ حُرّفا
فالدارُ تشهدُ.. الجدارُ وأضلعٌ
رُضّتْ، وعهدٌ بالمودّةِ أُخلفا
والله مَنْ آذى حبيبةَ أحمدٍ
والله مَنْ عصر البتولُ وعنّفا
سيُدعُّ في سقرٍ عتيًّا خاسراً
ويعيشُ فيها حسرةً وتأسُّفا
ومَنِ ابتنى شَكًّا بمظلومِيَّةِ الزَّهْراِءِ ،
عَنْ رَكْبِ الولاءِ تَخَلَّفَا
لن يرتضيه المرتضى من شيعةٍ
واللهِ من حوضِ النّدى لن يرشفا

نحنُ التّرابيين، أهلُ عقيدةٍ
مصقولةٍ في الطفِّ لا لن نضعُفا
نحنُ الذين إلى المجالسِ ننتمي
نبكي الزكيّة حسرةً وتلهُّفا
وبِنَا وفاءٌ دائِمٌ حتَّى انْكِشافِ السِّرِّ
مُنْتَظِرِينَ طَلَّةَ قائِمٍ كَيْ يَكْشِفا
وبِنا ولاءٌ مُزْهِرٌ وبراءَةٌ
حاشا نُوالي غَيْرَ آلِ الـمُصْطَفى

.....................

الشاعر محمد باقر أحمد جابر (العاملي)

عيوني من ذيج المشاهد لسه ماشافت نوم
والله يافراك الحبهم خله ب كليبي اهموم
حسين مرسوم بعيوني بكل وكت ضل مرسوم
مكسور ضلي من جفاهم والكلب ضل ملجوم

بعيوني مرسومه المشاهد
يحسين مثلك ماكو واحد
مذبوح وعيونه الخواته
والشمر فوك الصدر كاعد

ماودي اروحن ودي اموت انا وياك
وبكربله كون اندفن هسه حذاك
مااريد اصيرن بالغرب انا هناك

@@@@@@@@@@@@@@@

ريت ميته ولادخلنه بالهزل خويه السوگ
وعلي من گـد مستحانه نلبد بسد النوگ
نستحي چـنه من اهلنه هسه كاتلنه الشوگ
بس عليل ويانه يمشي بالسلاسل متلوگ

وحنه نسوان وغرايب
كعدونه بنص خرايب
وينكم يهل العمايم
ماكو واحد خل يطالب

الشام جمره بروحي ماتطفه اسنين
الناس تضحك وانا ابجي ع حسين
اخ يكلبي التحبهم دمه بچوا العين

@@@@@@@@@@@@@@@

جدامنه جانت روايه والكمر هم موجود
هسه بس ارماح صارت فوكها روس حيود
هواي مهضومه الهواشم والبجي ع المفكود
طاحت الرايه الجبيره وحلت ايام السود

الله اكبر من مشينه
ماكو رايه ونسبينه
شفنه راسك هايخويه
فوك الرمح وحنه بجينه

كون البجي يردك صدك ابجي عيون
الموته وياي وعلي اتفز يبجون
الضيم تارسني ترس وانا ام عون

@@@@@@@@@@@@@@@

الشام مابيها اليحبنه كلها تكرهنه الشام
منين ماباوع شماته والحجي علينه اسهام
الغربه تابوت الغريبه حسين صارتلي ولام
انا فوك الهزل وحدي وبالضعن ماكو ازلام

بالشام مهضومه الغريبه
عباس هسه منين اجيبه
خلي تحضرلي الهواشم
وتبجي الهاي المصيبه

يخوان زينب وينكم سمعوا الصوت
زينب غريبه بالغرب راح اتموت
يعزاز كلبي الغربه صارت تابوت

@@@@@@@@@@@@@@@
وداد البخاتري

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية?.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك ??.

التواصل مع @ahmed_alziwar0

قناة خاصة بتلحين القصائد

https://t.me/+PZwpTt2HLXcvUQZh

------------------------------------------------------

(ام البنين عليها السلام)

غياب حسين لحوالي يشلها
واجـروحي بعد محد يشلها
چنت لجنازتي اتــمنه يشلها
حسين واربع اولادي سويه

حيدر بشار الدراجي

#مولاتي_زينب عليها السلام
رأس هرم #نساء_الحُسين_ع
تتكلم بالنيابه #عن_مشكاة **الحرم

خويه يخويه يخويه يخوي…………………………………………….. جان شاهدنه البواچي والرمل فوگ العباه
احنه ماعدنه بزلمنه يموت ما نصرخ وراه
صوتنه انبح بالنعاوي ياهو من عدكم لكاه
جيبو الحسين البناته لا يموتن بـ الاحـاه**

چا غير كون اليفزع النه
ماتو اهلنه نريد اهلنه
ضلت شوارب تارسه الگاع
ضل فارغ اشلون بضعنه

سيد والشالو راسه مو ساده
يهزون الرمح كدامي بعناده
يلكاسر كفاي وشالع افاده

خويه يخويه يخويه يخوي

……………………………………………..
زين مني وچاي اسولف كون ميته ولا حجيت
مادري بيا ساعه اموتن كل دقيقه اتشاهديت
مباجه ضلينه انتباچه وبالاخير انه انعميت
چدامي معميه وي گلبي بفگد اخوي ومادريت

چا هيه هيچ تروح مني
فراكك يلحسين الكتلني
كسران خاطر روحتك هاي
بنياتك اليبچن عمني

من في الدلال الخيمه محترگه
اول مره اسولف وانه مختنگه
احاول بالحچي ومابين الشهگه

خويه يخويه يخويه يخوي

……………………………………………..
حسين تذكر من اجيتك والدرب خلصته عثره
بنادم اليفگد عزيزه باقي الايام التكبـره
گلت زينب ردي زينب لا تلوح اخيامي جمره
خل يذبحوني واموتن وگولي اخوچ انطاني عمره

من اركض عيونك عليه
گبالك يصيحولي السبيه
خل راسي دونك بين الارماح
بس فكني من المغربيه

الحرمه التشكي غير الحرمه مهضومه
انه الملجومه من حسين ملجومه
من شفت الحوافر تاخذ اهدوومه

خويه يخويه يخويه يخوي

……………………………………………..
هاي اول مره زينب دموعي لرداني تهل
فراك وجهك مو ولامي يكتل ولا ينحمل
جف ابو فاضل خذاني وراجعه وبيدي الحبل
احنه شمسوين احنه ومابقى ذاك الشمل

ياعيني بسچ كافي بطلي
مبچاچ موش اولام حلي
والدمعه كون ترجع اعزاز
جا نگعت بدموعي ضلي

رمحك منجرح من راسك اجروحه
رقيه شكد بجت ماكدرت اتلوحه
ماصارت گبل من تبچي مبحوحه

خويه يخويه يخويه يخوي
……………………………………………..
عباس القلعاوي

تعبانه كلش ياخلگ تعبانه
زينب وحيده تحشم العوانه
خلصو هلي وضليت هم عطشانه
ويانه ريت حسين هسه ويانه

بالسبي ومشتاكه
زينبك ع الناكه
خويه باوع لينه
بعد ما نتلاكه

##################

من ديره اطلع ودخل انه بديره
عالهزله زينب خويه هاي جبيره
الموت احسلي ولاهل حيره
غيره بكصصهم ماشفتها الغيره

حضرو تابوتي
هسه اريدن موتي
وينكم ياروحي
ماوصلكم صوتي

#################

الشام غربه وبالضحك موتوني
لو تدري يحسين شكثر غثوني
بالسوط ياخويه وعلي طكوني
شافوني ابجي ترضا هم شافوني

محد الباراني
غيركم يخواني
كلهم يشتموني
والشتم اذاني

##################

دخلوني انه ع القصر ترضاها
يحسيني اختك والشمر سباها
صاحالي وين اخوانج ويتباها
جدام راسك زينبك طكاها

والله يابوسكينه
كلها تنضر لينه
اتمنه تطلع روحي
بالقصر طبينه

###################

مابيه اعيشن انه ما مرتاحه
كلبي نكسر من البجي ونياحه
يخواني هاي الجلمه هم جراحه
ضل يشتم بوجهي الشمر بصياحه

مين اجيب الوالي
محترك دلالي
بعينه خله يناضر
شلون صاير حالي

#################
وداد البخاتري

يازهراء عينيني عالجرح?*?*
الزهراء ص تسولف لأباعبدالله ص

تنـــــوح... من حگك يمــــه احسين
تنـــــوح...طاحولك أغــــله اثنـــين

بمحسن يبدونك..... وتالي يسحگونك٢
ـــــــــــــــــــــــــــــــــــــ
أرد اقـــــارنها المصيبه
شگد شبه والله عجيبه
مو جذع باچر حــــــوافر
تسحــگ او جثتك سليبه

طبگت الباب...هيئت اسباب
حته بــضلوعك يعيودها الجريمه
هنانه بسمار......عـالضلع ثار
يكبر البسمار ويّـشبعــــك هضيمه

بـــاب.....هـــــــــيج بيك ألام
بـــاب...لخيامك مدري شضام

مني يحرمونك....وتالي يسحگونك٢
ـــــــــــــــــــــــــــــــــــ
تبچي هسه وأبچي باچر
بابي مني اضــــلوع كاسر
أنته تتــــــگلب حدرهـــــا
تگطّعك اسيوف وحـــــوافر

عيوني اتشوف..... بگاع الطفوف
تسحگك وتصرخ يزهره وانه يمك
مالي كل حـيل...أبعــــد الخيل
أنتضر يخلص سحگهم حته اضمك

فـــااح....من دمـك عطـر الهيل
فـــااح... من گد ما سحگت خيل

عاري يخلــــونك....وتالي يسحگونك٢
ـــــــــــــــــــــــــــــــــــــــــــ
يهون كلشي الصار بيه
محسني وچويات اديه
ابني ما لحـــــــگ يگلي
يمـــه. واخـــــذته المنيه

أبنك اشلون....من يسمعون
تگلهم اخذو الطفل وانتو سگو اميه
أبني عـــطشان.... لچن عدوان
بسهم المثــــــــلث يذبحونه خطيه

يفـــــور... دم اوليدك بيـــديك
يفـــــور..تشمره ومايرجع ليك

دم تبچي اعيونك..وتالي يسحگونك٢
ــــــــــــــــــــــــــــــــــــــــــــــــــ
ناري اسهل صعبه نارك
تلتهم بالــــطف خيامك
يهضمك اركـــاض الحراير
يضيعن ابهيمه بنـــــــــاتك

ونته طــــايح......الحيل رايــــح
تطيح وتگوم وتـرد تالي تطـــــــيح
تحاول اتـــگوم...وتــــسمع الگوم
سلبو ابنــــــــــات النبي كلها تصيح

تشــوف...بصيوانك شبت نار
تشـــوف...أختك يولوها اشرار

حيل يقهرونك...وتالي يسحگونك٢
ــــــــــــــــــــــــــــــــــــــــــــــــــ
علي ايغسل بيده جسمي
ويمسح ابچـــــفينه دمي
لاچــــــــن انته من يغسلك
تبقه فوگ الگــــــــــاع مرمي

يطبگه رمُشي....... يشيل نعشي
حيدر اليـــــدفني ويهيل الــــترايب
وانته مطروح... وراسك ايروح
يوصل الشام ويبيتـــــونه ابخرايب

يروح....راسك ويه الـذباح
يروح...يتشيع فوگ ارماح

جـــثه يتركونك.... وتالي يسحگونك٢
ـــــــــــــــــــــــــــــــــــــ
تمت والحمدلله
خادم كسيرة الاضلاع ص
الملا ياسر الزيادي**

هسه موتي وين اليحبني يكلي موتي
هسه موتي الموت احسن من بلوتي
هسه موتي المن ضاله ومذبوحه اخوتي

جدامي راس حسين مذبوح
مو حكي اموت وتطلع الروح
بطران كلمن كالي اتهون
شتهون وانه اكضي العمر نوح

لحد يكلي زينب تهون
وين اليحبني واليسمعون
ترتاح روحي بجلمت الموت
ول فاكد بكل وكت مدفون

@@@@@@@@@@@@@@@

اه يضيمي كون ميته وخاطر ارتاح
اه يضيمي ليش الحبهم فوگ الرماح
اه يضيمي ذباح والله الهجر ذباح

السالفه مو هينه والراس
مذبوح من الكفا ياناس
وياي يمشي وصدلي ويلا
جنه يكلي وين عباس

موجوعه روحي وهذا حالي
مو هين الميتلي غالي
فوك الرمح والدمع بالعين
الله اكبر من بچالي

@@@@@@@@@@@@@@@

كلبي شيب من الشماته وكفت السوگ
كلبي شيب الشام يضحك وانه ع النوگ
كلبي شيب زينب سبيه عليه متلوگ

هاي السبيه الوادم تكول
وانه الاميره وبت الفحول
شلون ترهم ياخلگ هاي
تلكونه بس بلضحك وطبول

انه الوحيده الكلبي موزين
كلشي شفت ياناس بالعين
جدامي ويطكون بالراس
بغضن بزينب طكوا حسين

@@@@@@@@@@@@@@@

والله تهضم ابهزله زينب دخلت الشام
والله تهضم ولام ماترهم الي ولام
والله تهضم بالخرابه بت علي تنام

علويه ماترهم صدك دوم
وسط الخرايب صاير النوم
ضلي كبل ماشافته الناس
هسه عله طولي تشوفني الكوم

تعبانه من الصار بيه
يوميه اموت المغربيه
فراكهم وسط الكلب نار
محد بقه ويحن عليه

@@@@@@@@@@@@@@@

وداد البخاتري

الامام الحسين مخاطبا امه فاطمة الزهراء عليهم السلام
..................................................
ســـــود الليالي الســيّـرن .. ويبتدي امصــابك ياباب
كل دمعه طاحت علجفن .. من فعل ذولي الاصحاب
انفتحـت روازيــن الألـم .. وبخباره چــــذاب الهـاب
يمّـه..
احسينچ ودمعي ايسيل
ياحـــزني لو جـــن الليل
بفراگــــچ ايـبـيـد الحيل

يمّـه..
تبتدي امصــايبنه اهنـا
وكـــل ضيم مر وشفنا
كل ألم بعــــدچ عشنا

اهنانه يبدي امصاب هاشم هاي رازونت حزن
حــرگة الباب ودفعته سبب كــل دمعه بجفن
=========================
ضلعچ وضلعي اتكسرن ..  بسمار وانــه بحافــر
والنار هــاي الّــي دوّت ..  بخيامي تحــرگ باچر
يايمــه نفسيته الجـرح .. باچــر يصــير العاشــر

باچر..
من بابـــــــچ اتلــوح النار
جمره تچوي اطفال ازغار
يرجـــــع يصــير الي صار

باچر..
كسروا ضلـعــچ ويكسـرون
اضلوعي يايمه يسـحــگون
بحبل السبي تمشي ام عون

هي هي الزمّـــره يمّـه والوكــت بس يختلف
الدفعت الباب اعله ضلعچ باچر بسبعين الف
=========================
يمه اخيي ايطيح منـــچ .. محـســن الزاد الألم
باچر اوليدي اعله صدري.. يذبح اوليدي السهم
يمه هي الحسره وحــده.. بابچ وحــرگ الخيم

بابچ..
يفتح مصايبنه اهــواي
حرگ المخــيّـم والمـاي
يازهـــره ويتيه الــراي

بابچ..
چم طشت زينبنه تشوف
حسره ومدامع والخوف
من يومچ اليوم اطفوف

ابنچ وابـنـي يزهــــره يمّـه محــسـن ينعصر
وانه عبدالله اعله صـدري ينذبح يمّه العصر

=========================
كل نفس يشرح مصيبه .. هجـــرچ ايهد الحيل
الفاگد اتبين ابمـشـيـتـه .. محني بالممشه يميل
يمه ابوي ايساعده الله..   بموتچ يشوف الويل

حيدر..
ايامه بعـــدچ احـــزان
ابابچ وگلــبه النـيــران
روحتچ خلّــت نيشان

حيدر..
لو راحت احباب الروح
يبقه الگلب بس للنوح
شيطبه گلب المجروح

والعزيز الراح صعـــبـه يمــه ننطر جـيته
حيــدر ابفگدچ ييمه اهنانه شفنه دمعته

=========================

✍️عباس مالك العفريت
#شهادة_الزهراء_ع

نسألكم الدعاء