Dasturlash sohasida networking qilish, ya’ni tanish-bilish orttirish juda muhim. Ish qidirib yurgan insonlar koʻp holatda yaxshi imkoniyatlarni tanishlari orqali topadi. Xoʻsh qayerdan tanish-bilish orttiraman desangiz: koʻchaga chiqing, yashil maysani ushlang, oʻzingizga oʻxshagan dasturchilar yigʻiladigan suhbatlarga boring.

Ha aytgancha, yaqinda boʻlib oʻtishi kutilayotgan GDG dev fest ham juda yaxshi imkoniyat.
Oʻzimiznikilardan, Azimjon va Vohid aka speaker boʻlar ekan. Va bir qancha xalqaro mehmon spikerlar.

JS da multi-threading

JavaScript dvijoklari event loopga asoslangan va ishlarni odatda yagona threadda bajaradi.

Lekin:

- CSS (transform, opacity) va Web animations brauzerni compositor threadda run boʻladi va main threadni bloklamaydi.

- Service worker alohida threadda run boʻladi

- Web workerlar orqali main threaddagi yukni kamaytirshimiz mumkin

- OffscreenCanvas va worker juftligi orqali HTML canvasni umuman boshqa threadda run qila olamiz

Demak JS da bemalol bir nechta threadda ishlaydigan web ilovalar yozsak boʻladi.

Mana shu mavzu boʻyicha, oxirgi haftada ikkita (biri men oldin yozishgan) telegram akkauntdan fishing xabar keldi. Bittasi .apk fayl joʻnatdi. Boshqasi scam veb-sayt uchun havola. Ikkalasini ham block qilib, SPAM report qildim.
Ogoh boʻlamiz!

"Men xozirda jQuery ishlatmayman. Ochig'ini aytsam undan foydalanmaganimga ancha bo'ldi.
Biz Khan Academy'da jamoamiz bilan React ishlatamiz."

— John Resig, jQuery asoschisi

Millisekundlar yetarli bo'lmaganda - Performance.now()

Odatda biz JavaScript ilovalarda vaqt bilan ishlash uchun new Date() yoki Date.now()'dan foydalanamiz. Lekin u har 10 sekund intervalda taxminan 1% ga adashish ehtimoli bor. Sababi, Date tizim vaqtiga asoslangan. Ko'p tizimlar vaqtini sinxronizatsiya qilish uchun daemon run qiladi va u har 15-20 daqidada tizim vaqtini qayta sozlab turadi. Vaqtni yuqori aniqlikda o'lchash kerak bo'lgan holatlarda bizga High Resolution Timer qo'l keladi.

Date.now() va performance.now() metodlari ikkalasi ham xozirgi vaqtni qaytaradi. Farqi:
- Date.now unix epoch (1 yanvar, 1970-yil)dan boshlab xozirgacha o'tgan vaqtni millsekundda qaytaradi.
- performance.now, monotonic vaqt qaytaradi ya'ni veb sahifa yuklangandan boshlab qancha vaqt o'tganini yuqori aniqlikda, mikrosekundlargacha hisoblab beradi.

HR timerni ishlatish mumkin bo'lgan holatlar:
- Benchmarking'da
- O'yinlarda yoki animation runloopda
- Framerateni yuqori aniqlikda o'lchashda
- Physics engine yozishda

Qisqa qilib aytganda, high resoltion timer Date obyektdan bir muncha barqaror natija qaytaradi. Xozirda ushbu APIni barcha zamonaviy brauzerlar qo'llab quvvatlaydi.

Bizda savdo do'konlarida self-checkout mentaliteti shakllanmagan - xaridorlarda ham, sotuvchilarda ham.

Xaridorlarda shakllanmagan bo'lishi tabiiy, chunki bu oddiy xalq uchun yangi narsa. Lekin sotuvchilar xattoki o'zlari ham tayyor emasdek nazarimda.

Xozirgi kunda ba'zi katta supermarketlarda self-checkout kiosklar qo'yilgan. Ular orqali xaridor mahsulotlarni kassirsiz o'zi hisoblab, pulni to'lab chiqib ketishi mumkin. Nazariyada bu zo'r narsa. Uzun navbatda turishga hojat yo'q. Lekin ushbu jarayonni amaliyot qanday qo'llanilishi menga yoqmadi.

Kioskka kelgan xaridorga nazoratchi menejer xuddi o'g'ridek muomala qiladi. Mahsulotlarni sonini to'g'ri kiritganini qarab turadi. Ba'zida so'ramasa ham kelib "yordam" bermoqchi bo'ladi. Yoki hamma mahsulot barkodlarini o'zi skanerlab bermoqchi bo'ladi. Xuddi siz hammani ko'zini shamg'alat qilib, mahsulotni o'g'irlab chiqib ketmoqchideksiz. Bu tabbiyki insonda yomon hissiyot qoldiradi.

Yangilik qilmoqchi bo'lsak, insonlarga erkin bo'lishiga qo'yib beraylik va ularga bildirmasdan nazorat qilib turaylik.

AliExpress, Korzinka GO, Uzum Tezkor, Yandex Eats kabi onlayn buyurtma beradigan applarda yetishmayotgan bitta muhim feature bor. Bu shopping cartni boshqa akkaunt bilan share qilish imkoniyati. Shaxsan menga juda ko'p kerak bo'ladi.