Xarita

Xatarlarga duch keldim ko‘p bor,
Yo‘llar bosdim, umrim qarita.
Lek qarshimdan chiqmading, dildor --
Samovotda yulduz -- xarita.

Bir kun senga duch keldim nogoh,
Qalqidi jon, qalbim sasidan.
Netay har gal adashsam shundoq,
Moviy ko‘zing xaritasida...

Umid Qodir

https://t.me/boost/Umid_Majnun

Eng muhimi yutdik!

...ga

Bul kajraftorda mendek zug'm ko'rg'on nodon yo'qdir,
Yor hajrida xarob o'ldum, shakkar labdek darmon yo'qdir.

Soqiy to'la boda berdi, ichdim, qalbim yondi ishqdin,
Tarifini kelturdilar, aningdek bir nihon yo‘qdir.

Bor dardimni ortdim boshg'a, boshim mani ado etdi,
G'urbat umrim ortmoqladim, o'zimdin pesh sarbon yo'qdir.

Ay nozanin, ko'zlaringda ummondin bir qatra ko'rdim,
Yoshlaringg'a g'arq bo'lg'on ul maningdek jon, qurbon yo'qdir.

Boshimni zo'r ishg'a berdim, nopoklarg'a olsin ko'nglim,
Kofirlarg'a imon tilay, mundin ortiq ehson yo'qdir.

Yetti iqlim kezdim bashar ahli manga bo'ldi yoron,
Ul xiylagar, nozanindek shahlo ko'zli janon yo'qdir.

Ey Dardisar, g'amlaringni borib aytg'il ozorlara,
O'zindek noraso yo'qdir, o'zingdek mehribon yo'qdir.

Umid Qodir