اشياء سويتها هاي السنة
١- ما جذبت بخصوص  حياتي لاي شخص جان يدخلها
( وان حصل اني اعترفت بجذبتي لاشخاص وتقبلوها )
٢- تعلمت انو اني مو ضحية واني ممكن هم أذي الاشخاص المقابل بتصرفي او كلامي او حتى بدون قصدد
٣- تعلمت انو الافكار تنولد من عقلي اني ، والعقل شي معقد بشكل وكارثي ويكدر يؤدي للجنون اذا ماتسيطر عليه
٤- تعلمت انو ما افكر بالتفكير الجمعي او حالي حال القطيع ( افكاري ورأي واختياراتي راجعه الي )
٥- فترة الدراسة اعداديه متوسطة ( المراهقه) المكياج الثقيل ابد مو حلو عليه هذا الشي ما يمنعني اهتم بنظافتي الشخصيه ولا عطري ولا مظهري المعتاد
٦- ماعندي مشكلة احجي ويه الكل جبير صغير مدرس مدير اتحاور اتناقش افتح مواضيع المهم اجاوب ما اخلي الشخص الي كدامي يحس اني شخص عادي الي جاي يسولف وياه ابد بس مرات مواقف تحتاج انت تسكت بيها
٧- انطيت فرص اكثر من مرة للشخص الي احبه بشكل مو طبيعي حتى نكدر نشوف وين نوصل بس وصلنا الى النهايات طبعاً بود وحب وبدون مشاكل
٨- تعرضت لاشكال وانواع من الامور ماكدر احجيهم بس حرفياً يجي ثاني يوم وانساها وتتلاشى لان اني جنت مشغولة بهواي امور ماجنت انطيها التفكير الزايد ذاك
٩- درست ودرست بشكل يعني اقسم بالله اني كلش اشكر نفسي وعقلي لان وكفوا وياي بهيج موقف مال الدراسة صح معدلي قليل بس هذا الي جنت كادره عليه كيقين
..
هواي بعد حجي اقسم بالله حجي هواي هذا الحجي الي كتبته من تجارب سنة كاملة حقيقية مو جذب الله يوفقنا سنة لاخ اكثر واكثر

حرفيا اني احس الله يحبني هواي وبشكل مو طبيعي صح مو كل حياتي رائعة وايامي مو كلهن الايام الي اني اطمح الهن بس اني رب العالمين جاي يخليني اتعرف على ناس شلون اكدر اوصفهم بس ناس تنطيني تفهمني تعلمني وزيادة على هذا تحبني بشكل مو طبيعي لدرجة اني اشك بس طبعاً ما ابقى بالشك وقت طويل لان اني مقتنعة برب العالمين يحبني وهواي بعد ودا اشوف هواي ناس (٢٤ ساعة تطلب وتدعي وموته نفسها ) مجاي يكدرون يوصلون الي اني بي حاليا والسبب ماعدهم ايمان كافي وانو همه اصلا مقيدين بهواي افكار غلط اني جنت هيج بس حاليا تخليت عن الافكار الغلط لما اشوف شي غلط ما الزك بي واحب اكون اجتماعية بشكل بس طبعاً بحدود وهاي الحدود هم مو الحدود المعقدة لا اني شلت التعقيد من عقلي اني اتقبل كلشي واحبكم كلكم الي جاي تقرون هذا الكلام

من يترك شيء بالعقل لا يرجع بالعاطفة .