? Ийдул Азҳо- Қурбон ҳайити табриги

Ассалому алайкум Тақоббалаллоҳу миннаа ва минкум!
Сизларни муборак Ийдул Азҳо - Қурбон ҳайити билан табриклайман.
Аллоҳнинг амрига бўйсунган ҳолда, тақво мақсадида амалга оширадиган қурбонлик ва бошқа ибодатларингизни даргоҳида ҳусни мақбул айласин. Сизга ва оилангизга тинчлик, фаровонлик ҳамда икки дунё саодати насиб бўлсин.

Жумъа кунги суннатлар

?Ғусл қилмоқ
?Хушбўйлик суртмоқ
?Мисвак ишлатмоқ
?Чиройлик кийинмоқ
?Каҳф сурасини ўқимоқ
?Масжидга эрта бормоқ
?Саловат айтмоқ
?Дуо қилмоқ
Ⓜ️ @Audiokoran

ЁЛҒОНГА УЧ ҲОЛАТДА РУХСАТ БОР

Исломда ёлғон ҳаром ва катта гуноҳ ҳисобланса ҳам ундан каттароқ зарарни қайтариш учун истисно тариқасида уч ҳолатда ёлғон ишлатишга рухсат берилган.
Умму Кулсум бинти Уқба розияллоҳу анҳодан ривоят қилинади:
"Бу аёл Набий соллаллоҳу алайҳи васалламга байъат қилган биринчи муҳожиралардан бўлган эди. У киши Расулуллоҳ соллаллоҳу алайҳи васалламнинг "Одамлар орасини ислоҳ қилган каззоб эмас. Хайрни айтади ва хайрни етказади", деганларини эшитган экан.
"Мен у зотнинг одамлар "ёлғон" дейдиган нарсадан бирор нарсага рухсат берганларини эшитмаганман. Фақат уч нарсага: урушда, одамлар орасини ислоҳ қилишда ва эрнинг ўз хотинига ва хотиннинг ўз эрига гапиришида рухсат берганлар", деди у".
Тўртовлари ривоят қилишган.
Абу Довуднинг лафзида:
"Расулуллоҳ соллаллоҳу алайҳи васалламнинг ёлғондан бирор нарсага рухсат берганларини эшитмаганман. Фақат уч нарсани "ёлғончи ҳисобламайман", дер эдилар: одамлар орасини ислоҳ қилган одамни. У бир гапни айтса, ундан ислоҳдан бошқани ирода қилмайди. Урушда сўз сўзлаган кишини ва ўз хотинига сўз айтган эрни ҳамда ўз эрига сўз айтган хотинни", дейилган.

"Ёлғон" китобидан.

Фарзанд тарбиясидаги хатоларнинг оқибатлари:

Фарзандингиз кўп ёлғон гапирадими? Демак, сиз уни ҳаддан ташқари қаттиқ ҳисоб-китоб қилиб, тергайсиз.
Фарзандингиз ўзига ишонмайдими? Демак, сиз уни шижоатлантирмас экансиз.
Фарзандингиз сўзлашишни билмайдими? Демак, сиз у билан суҳбатлашмас экансиз.
Фарзандингиз ўғирлик қиладими? Демак, сиз унга совғалар, ҳадялар бермас экансиз.
Фарзандингиз қўрқоқми? Демак, сиз уни кўп ҳимоя қилар экансиз.
Фарзандингиз бошқаларни ҳурмат қилмайдими? Демак, сиз у билан баланд овозда гаплашар экансиз.
Фарзандингиз доим дарғазабми? Демак, сиз уни мақтаб турмас экансиз.
Фарзандингиз бахилми? Демак, сиз у билан шерик, ҳамкор бўлмас экансиз.
Фарзандингиз бошқаларга зулм қиладими? Демак, сиз ҳам қўпол экансиз.
Фарзандингизнинг шахсияти заифми? Демак, сиз доим дўқ-пўписа билан муомала қилар экансиз.
Фарзандингиз жонсаракми? Демак, сиз ҳадеб муҳлат қўяверар экансиз.
Фарзандингиз сиздан ўзини олиб қочадими? Демак, сиз уни бағрингга босиб, қучмас экансиз.
Фарзандингиз сизга итоат қилмайдими? Демак, сиз талабни жуда кучайтириб юборар экансиз.
Фарзандингиз бошқаларга аралашмайдиган одамови бўлиб қолганми? Демак, сиз ишга ҳаддан ташқари банд экансиз.

© Доктор Ториқ ал-Ҳабибий

‼️#Эслатма ‼️

Шаввол ойи рўзаси

Яна бир рамазон ойини кузатдик. Муборак ойдан олган маънавий фойдаларимиз келаси йилнинг шу кунларигача етгулик.

Ҳижрий тақвим бўйича рамазон ҳайити байрами билан бошланадиган шаввол ойидамиз. Мазкур ойнинг ажойиб фазилати бўлиб, Пайғамбаримиз (с.а.в.) бу хусусда шундай марҳамат қилганлар: “Рамазон ойи рўзасини тутиб, унга қўшимча тарзда шаввол ойида олти кун рўза тутган киши йил бўйи рўзадор бўлган кабидир” (Муслим, Абу Довуд, Термизий ривояти).

Маълум бўладики, ҳадиси шарифда берилган тавсияга ҳар йили амал қилган одам умр бўйи рўза тутганлик савобини қозонади. Рамазон рўзасидан кейин шавволда олти кун рўза тутган кишига бир йил давомида рўза тутганликнинг мукофоти берилиши, қилинган ибодат ва тоатларнинг савоби ўн мисл қилиб белгиланганлиги учундир. Чунки Аллоҳ таоло Қуръони каримда: “Кимки (бир) ҳасана (савобли иш) қилса, унга ўн баробар (кўпайтириб ёзилур)...” Анъом, 160), деб марҳамат қилади.

Шундай бўлгач, ўттиз кун рамазон рўзаси 10 ой, яъни, 300 кун ўрнига ўтади. Олти куннинг ўн баробари эса олтмиш кун, яъни, икки ой бўлади. Демак, уларни қўшиб ҳисоблаганда мусулмон киши бутун йилни рўза тутиш билан ўтказган бўлади.

Рамазондан кейин шавволда тутиладиган рўзанинг мисоли фарз намозлар ортидан ўқилган суннат намози кабидир. Ушбу суннатлар фарздаги эҳтимолли камчиликларни бартараф қилиш учун бўлганидек, шаввол рўзаси рамазон рўзасида йўл қўйилган айрим хатоликларнинг ўрнини тўлдириш учундир. Яна бир томони, бу ўз моҳияти билан мусулмон кишининг рўзадан зерикмаганини ҳам ифода этади.

Шаввол ойида олти кун рўза тутиш мустаҳаб амал бўлиб, Пайғамбаримиз (с.а.в.) ўзлари рўза тутиб, бошқаларга ҳам шуни тавсия қилганлар. Бу рўзани байрамдан кейин пешма-пеш тутишда фазилат бисёр, шу билан бирга, ойнинг бошқа кунларида адо этиш ҳам мумкин. Қазо бўлган рўзаларни мазкур кунларда тутиш билан ҳам айни савобга эришилади.

Ассаламу алайкум ва рахматуллахи ва барокатух
Ҳайитингиз муборак!

Эй синовдан ўтганлар,
Бир ой рўза тутганлар,
Ҳалол луқма ютганлар,
Ҳайитингиз муборак!

Тўкилгандек япроқлар,
Тўкилди кўп гуноҳлар,
Сиздан рози арвоҳлар,
Ҳайитингиз муборак!

Пок бўлди баданингиз,
Қушдек енгил танингиз,
Жаннатда Ватанингиз,
Ҳайитингиз муборак!

Дилдан ғуборлар кетди,
Тилдан озорлар кетди,
Тиканлар, хорлар кетди,
Ҳайитингиз муборак!

“Лайлатул-қадр” тунлар,
Aллоҳим! деган унлар,
Қайтармикан у кунлар,
Ҳайитингиз муборак!

Саждададир бошимиз,
Кўзда тўла ёшимиз,
Яратган йўлдошимиз,
Ҳайитингиз муборак! ❤