Шкурын забівае 2 мяч у сезоне

Другі гол беларуса за 5 матчаў і другі гол для "Сталі" ў сезоне.

На 80 хвіліне "Сталь" перамагае "Пяст" 1:0. У выпадку, калі матч так і скончыцца, Ілля сваімі галамі прынясе "Сталі" 4 балы з 4 у бягучым сезоне?*UPD: "Сталь" забрала першую перамогу ў сезоне з лікам 2:0. ?:* polsat sport

Падобна, Скрыпчанка — найлепшы трэнер "Дынама" за дзесяцігоддзе

Па-першае, "Дынама" ўпэўнена крочыць у восеньскую стадыю еўракубкаў. Не важна, што гэта будзе: ЛК ці ЛЕ. Апошні раз "менчукі" выходзілі ў групавы этап у сезоне 2015/2016. Мінула 9 гадоў. Каб зразумець маштаб дасягнення, дастаткова ўспомніць, што апошнімі трэнерамі, хто выводзіў "Дынама" ў групавы этап еўракубкаў, былі Журавель і Рашавіч.

Па-другое, варта паглядзець на склад "менчукоў". У гэтым складзе няма яскравых лідэраў. У еўракубкавай кваліфікацыі найлепшы снайпер "Дынама" — абаронца Гаўрыловіч. У чэмпіянаце няма ніводнага гульца "бела-блакітных" ў топ-10 спісу бамбардзіраў. Ці можна сказаць, што лідарам каманды з’яўляецца ўмоўны Лапавухаў? У пэўным сэнсе так, але Фёдару 21 год і ён брамнік. Апошнім часам добрую форму набраў Сядзько, але ён часта выпадае праз траўмы. "Дынама" — гэта дакладна "трэнерская" каманда.

Па-трэцяе, нельга забывацца, што Скрыпчанка прынёс для "Дынама" першае за 19 гадоў чэмпіёнства. Так, яно, безумоўна, "пахне", але гэта гістарычная падзея.

Як вынік.

☝? Забраў чэмпіэнства ў мінулым сезоне.

☝? Зараз з аслабленым складам змагаецца за еўравосень.

☝? Пасля хвалі крытыкі скончыў 1 круг лідарам ЧБ.

Праход "Лінкальна" дасць Скрыпчанку такі імунітэт, які дазволіць яму не толькі скончыць гэты сезон галоўным у "Дынама", але і пачаць наступны, дзе склад будзе фармавацца ўжо з бонусамі за еўракубкі.

Наўрад ці заўзятары будуць любіць Скрыпчанку так, як Журавеля, але першы можа дасягнуць з "Дынама" яшчэ больш. Застаўся адзін крок, і ў нас будзе гатовы кандыдат на трэнера Беларусі 2024 года.

«Арсенал» афіцыйна стаў «дублем» маскоўскага «Лакаматыва»

Вясной «Арсенал» раптам узяў у арэнду 4 расіян, а ўжо 31 траўня клубы падпісалі паперы па супрацоўніцтву.

Што вядома пра фармат працы паміж камандамі?

1️⃣ Да «Арсенала» далучыліся новыя футбалісты: Радзікоўскі, Аруцюнян, Гадзяеў і Пагостнаў. Усе адразу сталі асноўнымі.

2️⃣ «Лакаматыў» адправіў свайго чалавека ў штаб дзяржынскай каманды. Гэта трэнер Вячаслаў Вашкевіч, які працаваў у акадэміі.

3️⃣ Клубы размаўлялі пра інфраструктуру і прагрэс беларускіх маладых гульцоў у складзе «Арсенала». Як гэта будзе ажыццяўляцца? Адказу няма.

«Лакаматыў» знайшоў пляцоўку для развіцця сваёй маладзі, а «Арсенал» хутка вырашыў свае фінансавыя і спартыўныя пытанні за кошт новых бясплатных футбалістаў.

Праблема ў кароткатэрміновасці. Дапамога працуе на працягу аднаго сезона, а потым маскоўскае «гета» ўнутры клуба знікне па першым запыце з Масквы.

«Арсенал» будзе наўпрост залежаць ад паставак з «Лакаматыва», а глабальныя бонусы не прадугледжаны.

?: «Лакаматыў»

Калапс «Славіі» і поспехі «Смаргоні» ў лічбах

Каманды падзялілі балы ў вельмі рэзультатыўным і прыблізна роўным матчы.

«Смаргонь» працягнула серыю да пяці матчаў без параз, «Славія», наадворот, да пяці матчаў без перамог.

Для «Смаргоні» гэта ўжо 6 нічыя ў сезоне (самы высокі паказчык). Дома ў 4 з 4 матчаў падзялілі ачкі.

У «Славіі» быў найлепшы старт з 1999 году, а зараз «мазырчукі» ўжо саступаюць графіку мінулага сезона. Пасля 11 тураў маюць у актыве 18 балаў. Яшчэ год таму на дадзены момант было ўжо 20.

Пасля самага выніковага матчу сезона, «Смаргонь» стала самай «дзіравай» камандай з паказчыкам 22 прапушчаных.

Смаргонскі клуб пацвердзіў, што будзе непрыемным выпрабаваннем для ўсіх калектываў ЧБ без выключэння. А вось «Славія» імкліва сдае пазіцыі. У выпадку перамогі «Тарпеда», адставанне ад першага месца будзе складаць 8 балаў, а яшчэ нядаўна сама каманда Біёнчыка яго займала. Далей — «Мінск». Ну што можа быць зручней для прыпынення серыі?

?: АБФФ

Нагельсман і Ганчарэнка — два самых малыдых трэнеры ў гісторыі ЛЧ

Пасля таго, як Нагельсман у «Хофенхайме» пабіў рэкорд Ганчарэнкі, ён узначальваў «Лейпцыг», «Баварыю» і зараз працуе ў зборнай Нямеччыны.

Ганчарэнка пасля БАТЭ працаваў у «Кубані», двойчы «ЦСКА», «Уфе»,«Краснадары» і двойчы «Урале», адкуль яго толькі што звольнілі.

Так, БАТЭ і нямецкі клуб — гэта розныя стартавыя позіцыі, але пераход у Расію з мэтай з’ехаць у Еўропу — мёртвы шлях.

Можна прагназаваць, што і наступны клуб беларуса будзе ўнутры Расіі. Як альтэрнатыўны варыянт можна разглядзець умоўны Казахстан. Гэта, на жаль, максімум на дадзены момант.

?: «Урал»