ҲАРАКАТ
Қаршилик. Қамоқ. Қийноқ. Қасос. Қин. Қилич. Қалқон. Қуюлади қон қайноқ. Қаттол, қаттиқ қатағон. Ўлар. Ўкирар. Ўйлар.Ўприлар. Ўртанар. Ўнгланар. Ўқир. Ўйнар. Ўсар. Ўтар. Ўрганар. Қувонч қаҳат. Қотади. Қора қисмат. Қайғу. Қон. Қадим қудрат қайтади қачон, қачон, қачон? Олиш. Отиш. Ободлик. Оғир ожиз оламга. Омонлигу озодлик омонатдир одамга. Нотиқлар номард, ноқис. Нечун нолиш, насиҳат? Нажот – норози нафас. Нафрат – насиба, неъмат.

@azamuktam

ИБОДАТ

Тоғлар сомеъ бўлиб ўтиришар жим,
Такбир айтган чоғи гулдураб само.
У янглиғ муножот қила олур ким,
Ёмғир ― бу ― пичирлаб қилинган дуо.
Ел йиғлар ер тирнаб. тупроқ сесканар,
Майсалар қалтираб қилурлар сажда.
Дуолар ижобат бўлган саналар,
Кун нурлари бундан келтирар мужда.

@azamuktam

У КЕТДИ...
У кетди... Боғларим шумшайди ғариб,
ғунчалар тумтайиб қарайди менга.
“Кетманг”, дея олдим айрилар чоғи,
“Хайр”, деб бўлмасди ҳеч қачон унга.

У кетди, кетди-ю энди шум ўйлар
Санчилаверади қалбга мисли ўқ:
Ў, энди у менинг тушларимга ҳам
Истаса киради, истамаса йўқ.

@azamuktam

Қўнғироқлашиб турайлик... (Тақвим учун сўнгги мақола)
http://azon.uz/content/views/1788

Каналга уланиш: https://telegram.me/joinchat/AAAAAER1go7H6tVWAwaJTQ

МАЛОМАТ
Неки билдинг, неки қилдинг – ҳеч бири тоат эмас,
Суйганинг роҳат эмасдур, қўрққанинг офат эмас.
Энг улуғ сўзларни айтдинг келмайин кўзларга нам,
Кулгали куч беҳисобдур, йиғламоқ одат эмас.
Бу умр недур ҳаётнинг интиҳосин ўйласанг,
Бир жавоб бермай туриб кун кўриш роҳат эмас.
Бу ўлим недур қиёмат ибтидоси олдида,
Нома келса сўл тарафдин, тургали тоқат эмас.
Дам урарсан охиратдан, еб ўзинг дунёга ғам,
Ёди бирла ўтган умринг лоақал соат эмас.
Тоатингда йўқ ҳаловат, йўлингга юргувчи кам,
Тил бўлак, дил бошқа бўлгач, эргашиш ҳожат эмас.

@azamuktam

#ШЕЪРИЯТ

• Соғинч.

© Аъзам Ўктам.

Манба: Холислик сари дастури.

https://t.me/muxlis_kanali

ҚУТЛОВ

На бўлғай яшашни сал осон қилсанг,
Қил сиғмаган кўнглинг
Шуълага тўлсин.
Ҳар намоз орасин рамазон билсанг,
Бир кунда беш ҳайит
Муборак бўлсин!

@azamuktam

Ҳар бало, шайга чидарман
Воҳ, демай собир бўлиб.
Норозилик ортар ўздан,
Ичдаги зоҳир бўлиб.
Тингладим: алқар балиқ ҳам
Тамаъ қилмас кимсани.
Олқиш айтар қурту қушлар
Чирқираб соҳир бўлиб.
Бу қийин кунга қолибман,
Ёзиғим недир меним —
Ишга ланжу, сўзламакка
Беадад моҳир бўлиб.
Дил қолиб бир четда, оҳким,
Йўлга кирдим, дейди тил.
Билганим шул, билмасим ҳам
Сенга қолмас сир бўлиб.
Бир киши ҳолидан, Оллоҳ,
Сақлагил бергил амон —
Ухлагай мўмин бўлиб ул,
Уйғонар кофир бўлиб!

@azamuktam

АЪЗАМ ЎКТАМНИ ЭСЛАБ...

Олтмиш учни росул ёши деб,
Атаганлар хато қилади.
Пайғамбарнинг ёши аслида
Чилла киргач босиб келади.

Ахир, ваҳий ёғмиш ушбу он...
Сен ўлимнинг қошидадирсан.
Дўстим, қирққа кирдингми, тамом,
Пайғамбарнинг ёшидадирсан.

Энди Худо гар умр берса,
Кетсанг ўша “олтмиш уч” тараф,
Росул қандай яшаган бўлса,
Сен ҳам шундай яша бошараф!

Хайрулла ҲАМИДОВ

@azamuktam

ҲАЙРАТ
Бул замон жоҳиллари
Олдингидан олим дурур.
Авлиё янглиғ кийинмиш,
Тоза масканда юрур.
Бул шаҳар саҳро кабидур,
Одами ваҳшийсифат.
Кўзлари қон, қўллари қон —
Кўксингга чангал урур.
Қалблари тош, кўзлари кўп
Эрса-да йўл кўрсатиб —
Сен азиз билган таворихни
Бузуб тарих тўқур.
Эртасидан йўқ хавотир,
Кечадан йўқдур ғами.
“Тавба” сўзи кўп қаҳатдур,
Оғзидан тушмас “шукр”.
Бунда ошиқдин асар йўқ,
Исми не бўлгай бунинг —
Шодланиб айлар ибодат,
Қичқириб оят ўқур.
Э, биродарлар, бир одам
Ҳолидан кулманг сира —
Сўзини шарт тўхтатаркан
Ҳўрсиниб қўйса чуқур.
1991

@azamuktam