В 16 лет писала такие стихи) я помню, на уроке физики))) первая безответная любовь) но хотя редко встречается взаимная, кто-то любит, кто-то позволяет любить)) вы согласны?
Подборка стихов вышла на первом курсе БГУ, в молодежном журнале "Шоңҡар". Прислала листочек журнала моя однокурсница - Гульназ Кульсарина. Спасибо ей за приятные воспоминания??

Осош тәмен осҡан белә,
Һауаларҙы ҡосҡан белә.
Ике ҡулым ҡанат булып,
Зәңгәр һауаларҙы телә.
Ә Ер шары – түп-түңәрәк,
Күҙ йәшеләй генә диңгеҙ.
Осор өсөн ҡанат кәрәк,
Күңел үҫмәй, шатлыҡ, һинһеҙ.
Яҡтыға талпыныр өсөн,
Кәрәк алға әйҙәр хыял.
Тик сәм менән тәүәккәлләп,
Үҙеңде еңергә ҡыя ал.
Осош тәмен осҡан белә,
Ос, ос, әйҙә, талпын, атыл!
Күңелгә тышау һалалмай
Хәүефтән тыйыусан аҡыл.
Һауаларҙы ҡосҡан белә
Осоштағы ҡош халәтен.
Елдәр юлын киҫеп үтеп,
Йондоҙҙарға сәләм әйттем.

Гөлназ Ҡотоева.

Гөлфиә Юнысова Өфөнөң социаль-иҡтисади үҫешенә тос өлөш индереүселәрҙең береһе
Яңылыҡтарҙа Өфөнөң 450 йыллығына баш ҡаланың почетлы граждандары тураһында видеояҙмалар шәлкеме дауам итә. Уның ҡәләменән моң тама, мәҡәләләре, очерктары хеҙмәт кешеһен данлай, халыҡсан шиғырҙары йөрәккә үтеп инә. 75 йәшлек ижадсы бөгөн дә халыҡ араһында, ил уртаһында ҡайнап йәшәй, илһамланып ижад итә. Башҡортостандың халыҡ шағиры, Рәсәй һәм Башҡортостан яҙыусылар союзы ағзаһы, «Почет билдәһе», «Салауат Юлаев» ордендары кавалеры, Өфөнөң почетлы гражданины Гөлфиә Юнысова хаҡында киләһе яҙма.

☀️?☀️ 1 ИЮНЬ – ХАЛЫҠ-АРА БАЛАЛАРҘЫ ЯҠЛАУ КӨНӨ!

Беҙҙең бәхет - ябай ғына,
Әсәй булһын эргәлә.
Атай йылмайып ҡараһын,
Сәй эсәйек бергәләп.

Өләсәйҙең, олатайҙың
Арҡанан һөйөүе шәп!
Инәй, апа - был туғандар
Бергә йәшәмәй нишләп?

Уйыныбыҙ - үҙе тормош,
Гөр киләбеҙ беҙ бергә.
Бер туғандар йыйылғанда
Күңел бошонмай бер ҙә.

Беҙҙең бәхет сере ябай -
Дуҫ, татыу йәшәү рәхәт!
Беҙҙең бәхетте һаҡлаған
Атай- әсәйгә рәхмәт!
Гөлназ Ҡотоева.

?Ата-әсәйҙәр, олатай-өләсәйҙәр һәм ҡәҙерле балалар! Байрам менән ҡотлайбыҙ! Һәр ғаиләгә уңыш һәм бәхет, иман һәм шатлыҡ ҡына юлдаш булһын, балаларҙың шат тауышы тынмаһын. ?

?Акцияға ҡушылдыҡ! Матбуғат йортоноң тәҙрәһенә Бөйөк Еңеүҙе яҡынайтыуға үҙ өлөшөн индергән олатай-өләсәйҙәребеҙҙең портреттарын элдек.
?Сәкинә өләсәйем тылда хеҙмәт иткән. Тәүге тракторсы ҡыҙҙарҙың береһе булған ул. Әхмәт олатайым 21 йәшендә генә фронтҡа киткән.
?
Тәҙрәләрҙән улар баға,
Киләсәккә үткәндәрҙән.
Бөйөк Еңеү шаһиттары-
Улар азат хуплау, әрҙән.
Хәтер бит ул беҙгә кәрәк,
Һабаҡ өсөн,
Беҙҙең рухҡа.
Улар - намыҫ һаҡсылары,
Улар күҙәтмәйҙәр бушҡа.
Тәҙрәләрҙән улар баға
Берсә һынап,
Берсә көлөп.
Беҙ сығарып элгән кеүек
Улар менән күңел гөлөн.
Тик уңмаһын яҡты хәтер,
Хәтер беҙҙе бейегәйтер.
Тәҙрәләрҙән баҡҡан йөҙҙәр
Беҙгә бөгөн күпте әйтер.

Гөлназ Ҡотоева.

Тау биттәре тулы умырзая.
Тау күкрәге тулы яңырыш.
Яҙҙар менән килә яңы тулҡын.
Был һиҙемләү.
Әллә яңылыш?
Яҙҙар менән килә яңы күкрәү!
Ләйсәненә ҡуям усымды!
Һинең яҡтан килгән елдән тоям
Йөрәгемә яғылыр тылсымды.
Тау биттәре тотош умырзая.
Ҡыҫҡа ғына улар ғүмере.
Һин дә ҡабынмаҫтан уйлайһыңмы
Хистәреңдең гөлтләп һүнерен?

#ГөлназҠотоева #йөрәгеңнимәти #шиғриәтминуттарында