چنت كحلة بناظرك و أنتَ بچَيت
وطيحتِني و أنتَ خدينك رمل
وچنت نار الدفتّك لمن طفيت
تشيل برمادي عمدة وتهِل !
وانا كل هذا فلا گلت و حچيت
ولا جزع گلبي ولا منّك أمل
عود دلوك الدرب بس ضيعوك
واخذوا التمرات وانطوك النوى
وانت عطشان و أبد ما شربوك
يا سراب اللي عطش منة أرتوى ؟

وين توديني ليا مَرسى؟

كلشي گلي
ولا تسولفلي بوداع
هذا موسم شوگ مو موسم ضياع
قبل لتروح المكان الما يرجع
هاك روحي وطشها بيدك
وين ما عنده الله گاع !

ولو أنَك دمع ما ضمتك عيني
ولو أنَك گحل ما شالتك عيني
يَلوموني وآحسك تكبَر بَروحي
وأنا بلا شوفتَك شينفعن عَيوني
يَشوفي ورجَوتي ودنياي
دنياتي ولوَني وعذآبي
بَسمتي وشكوآي وضنوني
يخيعونك عليه
وبيكَ خيعونيَ .

امانة تبوسني بعيني
بجت كل حيلها خلافك

چان وجهك
اول ولايات عُمري
و آخر دروب الضياع
و چانت عيونك سِما لجنحان حلمي
تيهتني و من هذاك اليوم ادور
ما لگيت لحلمي گاع