قناة كروب وفاء العباس ع مواليد اهل البيت ع
قناة احمد علي على تيليجرام ( شروحات تقنية ، تطبيقات ، أفلام ومسلسلات ، خلفيات ، و المزيد )
Last updated 5 months, 2 weeks ago
يرمز تيليجرام إلى الحريّة والخصوصيّة ويحوي العديد من المزايا سهلة الاستخدام.
Last updated 6 months, 3 weeks ago
- بوت الإعلانات: ? @FEFBOT -
- هناك طرق يجب ان تسلكها بمفردك لا اصدقاء، لا عائلة، ولا حتى شريك، فقط انت.
My Tragedy Lies With Those Things That Happen in One Second And Remain
- @NNEEN // ?: للأعلانات المدفوعة -
Last updated 7 months, 1 week ago
مولد السيدة رقية عليها السلام
متباركين ان شاء الله
،،،،،،،،
أجمل ورده الاجمل أب
عطر المحفل منچ هب
يارقيه..يارقيه
...
بسبعطش من شعبان
انولدت ايه بقران
چن ورده ابصورة انسان
تشبه جدتهه الزهره
ازغيرونه وتحمل اسرار
بالشام اتلم الزوار
امبارك هذا المولد صار
للخدام اكبر بشره
كوثر من كوثر من نور
ابكاروكج ريحة عاشور
يارقيه يارقيه
...
محتار اهديلچ مبروك
وابرجليچ الهسه الشوك
ناگه اتركبين وكاروك
واگماطج سوط ويچوي
مولوده استوچ تبچين
وادموعچ توجع بحسين
ابشيبات الغالي اتشمين
ياعالم حبنه العلوي
وجهچ مولاتي ايگولون
أرقه امن أغصان الزيتون
يارقيه..يارقيه
...
بسم الله ماشاء الله
نورچ عالدنيه اشمحلاه
عمچ عباس إبيمناه
هالليله ايهز بالرايه
ابچفيته الخظره ايغطيج
يضحكلچ وايلاعب بيچ
يانور اعيوني ايسميچ
تسوين الشط ومايه
جيتي وجبتي الخير اوياچ
يابنت احسين اشمحلاچ
يارقيه..يارقيه
...
ميلادچ اجمل ميلاد
هنيالچ يخت السجاد
فرشو سفره وصبو زاد
والتمو كل الاحباب
ام عباس اعليچ اتدور
وبالحيطان اتخلي ابخور
وزينب گالت هذا النور
طالع من اطهر اصلاب
وبهالمولد فرحانات
سكنه وكل العلويات
يارقيه ..يارقيه
...
واحنه الشيعه اوياكم دوم
مو بس هاليوم وكل يوم
والدنيه المابيهه انجوم
ضلمه اتصير وماتنعاش
داير ماداير شمعات
جبنالچ واحلى الهوسات
الليله ابابچ حوريات
ايطيرن بجناح الفراش
ودينه الگبرچ زوار
مشتاكين ازغار اكبار
يارقيه ..يارقيه
محمد الجماسي
هوسات
رقيه راقيه و ورده رقيقه
تقيه و اقتدت بأمها الشفيقه
أنيقه بالقيم ، قدوه بريقه
(و الحور اتقبل رجليها)
✨🌸🎊🌸✨
إذا اتحس الخلق كلها تإذيك
و إذا اگيود الفتن امربطه ايديك
و إذا أبواب العوالم اقفلوها اعليك
(انخى و بت احسين اتحلها)
✨🌸🎊🌸✨
مزارچ تگصده الأملاك كل يوم
تطوف ابگبتچ لا عدها راحه و نوم
و اجينه چالملك بأرواحنه انحوم
(دگينه بابچ ، دخلينه)
✨🌸🎊🌸✨
زغيره بالعمر لكن قدرها اچبير
عگول الخلگ من منزلتها ايحير
خضع الها العسر و اصبح لها ايسير
.
(مفتاح الحاجه بيديها)
==
📝 #الشاعرة_الملاية_زينب_المؤيد
🎈🎊🎈🎊🎈🎊🎈🎊🎈
✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘🎈🎊🎉 ..........👩🚀.....................🦋🦋🦋متبـــاركين يا شيعة علي 🦋
ابوذيه للسيده رقيه
☄️⚡️☄️⚡️☄️⚡️☄️⚡️☄️⚡️
هله بنور السطع واشرق علينه
رقيه رحمه الباري
علينه
بضعه امن الولي وحيدر علينه
اجت هاليوم والدنيا زهيه
⚡️☄️⚡️☄️⚡️☄️⚡️☄️⚡️☄️
رقيه غاليه وحلوه سماها
من ال المجد عالي
سماها
حسين بهالاسم لمن سماها
لانها راقيه مثل الثريه
☄️⚡️☄️⚡️☄️⚡️☄️⚡️☄️⚡️☄️
شاعرة اهل البيت
ام حسين الهلالي
أسألكم الدعاء لي ولوالدّي
لا اجيز شرعا حذف الاسم
🎈🎊🎈🎊🎈🎊🎈🎊🎈
✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘🎈🎊🎉 ..........👩🚀.....................🦋🦋🦋متبـــاركين يا شيعة علي 🦋
❤️❤️❤️❤️
ابوذيات لولادة السيده زينب ((ع))
-----------------------------
وحگ الأرض والـثــبـــت -- سماها
أبــد ما تـنـوصف زيــنـب -- سماها
الباري بعــزتـه وقـــــدره -- سماها
ونطاها الحـيــدر وفاطم هــديــه
---------------------------
عـلـيـهــا الـنــور لايگ -- من صباها
وربـــك كـلـهــا عــفــه -- من صباها
تـدري شچــان زيــنـب -- من صباها
أميره وحطمت عـرش آل أميه
---------------------------
زيـنــب شعــت بكل نــــور -- هـلـت
بـولادتها دموع الـفــــرح -- هـلـت
تخـيــل من بـديها اتــراب -- هـلـت
على إخوتها الگضوا بالغاضريه
-------------------
رياض الرسل الجابري
إبوذيات في الحوراء عليها السلام
إذا عندك هموم إكثار مُرّه == ضريح العالمه بالشام مُرّه
إذا زرته إﺑﻌﺷﮓ مهموم مَرّه == همّك ما يظل يمها البهيه
ـــ
أمل عدنه يهل نوره علينه == وإحنــــــه بيه آمنه إو علينه
نمشي إوياه يم نبعة علينه == نـــزور العالمه الحره السبيه
ــــ
لسان اﻠﺣﮓ نطق بالشام يسري == لا تفـرح يزيد إبيوم يسري
تذل إنت إو ألاﮔــي دوم يسري == تمـوت إو تنتهي يبن الدعيه
ــــــ
لسان اﻠﺣﮓ نطق بالشام وألهم == أميـــه العار والزلات والهم
كشفهم والخزي ضاﮔـوه والهم عـذاب إو نار ما تبرد سريه
ــــ
الشاعر جابر النجفي
ابوذيات لولادة السيدة زينب "عليها السلام"
الشاعر سيد كريم الموسوي
ابوذيات بحق السيده زينب ع
من هيل اومسك فواح ورداه
مأوآه بدليل بشوق ورداه
من طاهه اوعلي اوزهراء ورداه
زينب شعت أنوار البريه
°°°°°°°°°°° ١
جنة تفوح من فردوس زينب
بحقها صرح المرسول زينب
نولدت للفخر والجود زينب
بيها اتفاخرت كل البريه
°°°°°°°°°°° ٢
اهيم ابشوقي دلالي غرامه
وميهمني العمر وافدي غرامه
اسم ومنوجد مثله غرامه
زينب مجد وانوار البريه
°°°°°°°°°°° ٣
المجد أشر الزينب واصطفاها
وسجد تاريخ الها واصطفاها
ورد ويفوح عطره واصطفاها
زينب للشرف سور اوحميه
°°°°°°°°°°° ٤
الشاعر سيد كريم الموسوي
ابو ذيات لولادة للعقيلة ع
????????????
ابميلادݘ نزل دمعي فرح لݘ
وعقَد بعيوني يا زينب فرح لݘ
دلّالي گصد للطف فراح لݘ
أجاݘ ابعطر من الغاضرية
????????????
أحس الليلة كل اعضاي فرحان
ابميلادݘ وحتى الكون فرحان
مني اشعر دليلي اليوم فَر حان
يجي للحضرة ويهني الزݘية
❤️❤️❤️❤️❤️❤️❤️❤️❤️❤️❤️❤️
يمن أسمج عطر جنة وصف له
البيه عله حرز منج وصف له
امن اشاهد كبرج اتراصف واصفله
اجدامي وأستعد واخذ تحية
????????????
الشاعر قاسم الساعدي المندلاوي
ليلة ٥/جمادي الأولى /١٤٤٦هج
الجمعه 8 \11 \2024 ليلة
ولادة السيده زينب عليها
السلام #قصائد1446هج
قناة احمد علي على تيليجرام ( شروحات تقنية ، تطبيقات ، أفلام ومسلسلات ، خلفيات ، و المزيد )
Last updated 5 months, 2 weeks ago
يرمز تيليجرام إلى الحريّة والخصوصيّة ويحوي العديد من المزايا سهلة الاستخدام.
Last updated 6 months, 3 weeks ago
- بوت الإعلانات: ? @FEFBOT -
- هناك طرق يجب ان تسلكها بمفردك لا اصدقاء، لا عائلة، ولا حتى شريك، فقط انت.
My Tragedy Lies With Those Things That Happen in One Second And Remain
- @NNEEN // ?: للأعلانات المدفوعة -
Last updated 7 months, 1 week ago