Башкалар үчүн сен түнт, жабык, жеткен интроверт сезилишиң мүмкүн. Бирок өзүңдүн адамдарыңдын жанында таптакыр башка инсансың. Сенин мындай экениң эч кимдин оюна да келбейт.

Мамиледе адамдын мүнөзү эч кандай роль ойнобойт деп ойлойм. Башкысы, ал сенин адамың болсун. Өз адамдарыбыздын жанында, албетте, баарыбыз башкачабыз. Эч ким билбеген сапаттарыбыз, балким, биздин чыныгы "менибиз" ошондо ачылаттыр.

✍️ @apyshova_k

“Заманбап маданияттардын жана цивилизациялардын философиясы кызык. Эгер аял үйүндө күйөөсүнө жана балдарына тамак жасап отурса – регресс, эскичилдик. Бирок ошол эле аял стюардесса болуп, жүргүнчүлөрдү тейлөө менен сугалактардын көз карашына бута болуп берсе, прогресс жана эркиндик деп эсептелет. Эгер католик аял үйүнөн чыкпай, ата-энесинин, бир туугандарынын үй иштерин жүргүзсө – камоо жана кемсинтүү. Бирок ал дүкөнгө сатуучу болуп ишке орношуп, кардарларды сулуу жылмаюусу менен өзүнө тартса жана офис жетекчилигинин айткандарына моюн сунса, бул эркиндик жана ардак болуп саналат”.

Шейх Мухаммад Таки Усмани

Азыр күчтүү болууга умтулбайм. Күчтүүлүктүн артында тыйылбаган көз жаш, майыштырган оорчулук турарын аңдадым.

"Күч-кубат бер, бардыгына өз күчүм менен жетейин, Аллахым", - деп да дуба кылбай калдым.

Алсыздыгымды мойнума алдым . "Күчтүү бол" деп ичимдеги коркок, ыйлаак кызды кыйнабайм. Кыйынчылыктарды алсыздыгым менен жеңүүнү үйрөнүп атам.

Бүгүн класс жетекчиме, химия сабагынан олимпиадага даярдаган мугалимиме жолугуп келдим.

"Эмне үчүн мугалим болбой койдуң? Эгер мугалим болсоң, эң күчтүү мугалим болмоксуң" , - деди.

3-курста мугалим болууну ушунчалык каалагам. Экинчи билимимди мугалимдик боюнча алгым келген. Бирок бул кыялдарым кийин өчүп калды. Балким, мындай улуу кесип менен алектенүүгө татыктуу болгон убакта окутуучу болормун.

Жөн эле кыялданып жатсак керек деп ойлойбуз. Бирок алар ушунчалык маанилүү. Чын жүрөктөн кааласаң, бир күнү Аллах орундатып коёт. Жадагалса ошондой кыялданганыңды унутуп да калган болосуң.

#күндөлүк

Жеке байкоолорум боюнча, азыркы апалардын кыздарына берген кеңеши:

- Намаз окубаса, эмне болуптур. Кийин окуйт да. Өзүң үйрөтүп коёсуң.

- Үйү бар, "квартиралап" жүрбөйсүң. Сени бакса, болду да.

- Жакшы акча тапкан адамды тандасаң, "килем алам, идиш алам" деп убара болбойсуң.

"Кызым, Кудайдан корккон, такыбаа жигитти танда. Ошондо гана чындап бактылуу болосуң. Бул дүйнө эмне, өтөт-кетет" деп айта турган энелер азыр жокко эсе го. Өкүндүрөт...

Башкалар үчүн сен кадимки эле бир адам көрүнөт чыгарсың, а бирөө үчүн сен өзгөчө инсансың, бүтүндөй бир ааламсың.

Ал гана сенин ичиңде жанып турган жылдызды көрө алат. Болгондо да алыстан байкайт...

Үчөөбүз удаа төрөлгөндүктөн, бири-бирибизге аябай жакын болуп өстүк. Жакын курбулардай элебиз. Баарынан ошол кыздарды көп сагынам. Бир аз убакыт көрүшпөй калсам эле, жан дүйнөм бөксөрө баштайт ?

Бизди бир гана бир туугандык эмес, руханий жакындык байланыштырып тургансыйт. Чоңойгон сайын турмуш бизди бөлүп жаткандыгын түшүнүп турам. Бири-бирибизден алыстабай, жакын жашоону каалайм.

Асылдарым, силер менен чогуу өткөргөн ар бир күндү сагындым. Ойноп-күлгөн, кайгырууну түк билбеген убакты сагындым. Күндүз бүтпөй калган сөздөрүбүздү, түндө төшөктө жатып алып сүйлөшкөн кезди сагындым. Ал мезгилде чоң душмандарыбызды ушактап, ал байкуш "мокочо адам" бирөөбүзгө айтылган кенедей сөз үчүн үчөөбүздүн тең башкы душманыбызга айланчу эмес беле.

Чогуу жумуш бүтүргөн, кезек менен үй жыйнап, идиш жууган, түштө баштаган тамакты кечке чейин эзилип жасаган (анткени кемпирлердей ишибиздин сөзүбүз көп болуп отурчубуз) күндөрдү сагындым. Иши кылып баарын аябай сагындым. Жадагалса чукчуңдаша кеткенибизди, бири-бирибизди ыйлатканыбызды, бирок заматта элдешкенибизди да сагындым.

Балалык күндөр кайтарылбасын билем. Бирок азыр чогуу болуп, жок дегенде бир түн силер менен кучакташып, бирге жатып, ушакташып, каткыра күлүп, кытыгылашып, кубалашкым келет...

2021