ئێوارانی ئەم شارە هەراسانی کردووم،
ساڵانێکە، لەئێواراندا هەست بە تەنیایی و خەم و دابڕان دەکەم، بەتایبەت لەئێواراندا، کە ژوورێک، واتا ماڵەوە... دوا وێستگەی هەموو ڕۆژێکمە، چ ژوورێک، کە زیاتر لە کۆنە گۆڕێک دەچێت نەک ژوور، هەرچی پێی بڵێن: ڕەنگی تیایدا نییە، ئەو ڕەنگانە نەب! کە مەرگ و توانەوە دەگەیەنن، ڕەش، بۆر، زەرد.... هتد

یادداشتێکی "بەکر عەلی"
٣/١١/١٩٩٢

من و تاریکی، دواهەمیین کۆتایین.

هەموو شتم شکاند، ویستی چاککردنەوەشم نییە.

زۆر شت هەن لە هزر و خەیاڵی ئینساندا وابەستەی هەستەکانن، لە ئاکامی بەرجەستەکردنی واقیعدا شتەکان دەگۆڕێن و بەرەو ئاقارێکی دیکەدا دەڕۆن…

بۆ نموونە: سەرەتای جگەرە کێشان سەرکێشی و ئاڵوودەبوونێکی بەچێژە، بەڵام دواتر دەگۆڕێت بۆ ئەوەی جگەرە کێشان هیچ نەبێت جگە لە ناچاری و بێزاری و دووبارەبوونەوەیەکی بێتام.
یان گوێگرتن لە گۆرانییەک ڕەنگە تەنها لە ساتێکدا بمێنێتەوە وەک نۆستالۆژیایەک.
ژیانیش بەوجۆرەیە؛ کاتێک دەگەیتە پیری ئیدی ڕۆژەکان دووبارەن و لە چاوەڕوانی مردندا درک بە ڕابردوو و ڕاستیەکان دەکەیت.
هەرشتێک مرۆڤ لەسەری ڕاهاتبێت، دوور و نزیک خاڵی بێت لە فەلسەفە یان تێگەیشتن، ئەوا تێدەپەڕێت و دەگۆڕێت…

بەڵام…

من هەمیشە بە مەستی یەکەم سات و یەکەم سڵاو و ناسینیم، لێرەوڕا من بە چاوەکانی مەستی سەمایەکی ئەبەدی دەبم، تاکە ڕۆحێک کە تەپ و تۆز نایبات، کە (با) نایشێوێنێت و تۆفان زەفەری پێنابات، شەو نایترسێنێت و وەک و مۆمێکی نەتواوە لە رۆحمدا تنۆکەکانی موحیبەتی دەڕژێنێت؛ جاویدان و نەمری خۆی لە هزرمدا دەنووسێتەوە.

هەستی موحیب

من بە ئێرەدا تێپەڕیم…

ڕێگاکەی من لە ناو سەرابی زماندایە
هەم دەگەم و
هەمیش لە خەمی گەیشتندا
لە نیوەی ڕێدا لە تونیاندا دەخنکێم.

هیوا قادر

14/4
??

شانۆگەری: ( میوانێکی دوور )
نوسینی: بەختیار عەلی
دەرهێنان: راڤیار نەوزاد

میوانێک لە سەرزەمینی دوورەوە
دووەم شانۆنامەی بەختیار عەلی

"سوپاسالار جەنگاوەرێکی دڕندەیە، دوای یەکێک لە سەرکەوتنەکانی داوا لە سەلیمی بەردەست و خزمەتکاری دەکات، لە ناو دیلەکانی دوژمندا کیژێکی جوانی بۆ هەڵبژێرێت، چونکە بڕوای وایە جەنگ خراپ کاری لە خۆی و لە ئەفسەرەکانی هاوڕێی کردووە و توانای بینین و جیاکردنەوەی جوانییان نەماوە. سەلیم کە لە دیدی سوپاسالارەوە جوانناس و زەوقدارە، یەکێک لە کچە دیلەکان جیادەکاتەوە و دەیگوازێتەوە بۆ ماڵی سوپاسالار لە پایتەخت، بە گەیشتنی کیژەکە ژیانی سوپاسالار و کەسانی دەوروبەری گۆڕانکاریی قووڵیان بەسەردا دێت. نمایشی «میوانێک لەسەرزەمینی دوورەوە»، نمایشێکە دەربارەی توانای خۆوێرانکردن لە مرۆڤەکاندا، دەربارەی ترس و ئیرەیی و ئەفسانەکانمان، دەربارەی پەیوەندی دژوار و کارەساتاویمان بە جوانییەوە".

هەوڵی بێ وچاونی حکومەتێک بۆ ئەوەی کۆمەڵگا بەرەو ئایین و دین ببات، لەبەر ئەوەیە کە ئەوان زۆر باش دەزانن کە کۆمەڵگە ئاینییەکان ئاستێکی لێبوردەیییان بۆ نادادپەروەری زۆر بەرزترە لە کۆمەڵگا ئاساییەکان، چونکە پێیان وایە خودا لە جیهانێکی تردا تۆڵەیان لێدەکاتەوە؛ بۆیە هەرگیز هەوڵی بەدەست هێنانی مافەکانیان نادەن.