سارع في تسجيل قصيدة اونعي او لطمية لاستشهاد (الامام الكاظم )(ع )من خلال بصمة التلجرام او الواتساب للاستفسار
@ahmed_alziwar0

من يصل يم دارج ----- واحنه كلنه ازلامج
▧▧▧▧▧▧▧▧▧▧▧▧▧

والله يم عون اطمأني بس يصل حشد الله
حتلو تقصر صلاته المهم يمج صلة
احنه شدينه الجفافي وتوكلنه اعله الله
كون ماكو اركاب عدنه اله ننطي الحضرة

وخل نرف بأعلامج ---- واحنه كلنه ازلامج
▧▧▧▧▧▧▧▧▧▧▧▧▧

عيب كون بوجهي شارب لو اسولف اني
كون هسه يريد يوصل زينب السفياني
احجاية منتضرين احنه من علي السستاني
وجيب ساعتهه اليكضني لو رفعت ارداني

والله.نحمي اخيامج - واحنه كلمه ازلامج
▧▧▧▧▧▧▧▧▧▧▧▧▧

السباهه يريد يرجع. هسه هم يسبيهه
كون زلمة وابن زلمة يعبر يطب ليهه
والله طف ثاني يصير وكربلة نسويها
العركه هاي نريدهه احنه واحنه منتضريها

خل نعيد ايامج -- واحنه كلنه ازلامج
▧▧▧▧▧▧▧▧▧▧▧▧▧

اليوم ودانه ابو فاضل نكشف اعله الديرة
وكال زينب هاية عدكم لاتضل بحيرة
وصية من عباس النه وعدنه حيل اجبيرة
واحنه كد هاي الامانه وكصص تنكط غيرة

بكل اثر لجدامج - احنه كلنه ازلامج
▧▧▧▧▧▧▧▧▧▧▧▧▧

الشام كلة يروح فدوة لاثر ممشة اجدامج
وانتي هاي ازلام عندج كلهه طبت شامج
اليوم مولاتي الزجية تريد تعرف حالج
واحنه من مجلسهه هذا نكلهه كلنه ارجالج

واحنه صرنه احزامج - واحنه كلنه ازلامج

▧▧▧▧▧▧▧▧▧▧▧▧▧

لخادم الحسين ع --
الشاعر عباس حسين

مني باك الموت ليش ام بيتي
والله وياها ودفن عافيتي
الموت شو سواها ▧ ودفن حيلي وياها
▧▧▧▧▧▧▧▧▧▧▧▧▧▧▧▧

يموت هو - كلمن يفارك عزيز وغالي
يموت هو - بشدته اول يموت وتالي
كضينه احنه العمر بالحلوة والمرة
والنه بكل مكان اهناك جم ذكرة

وانه بالدفنه ادفنت كل حيلي
وبالشبه صارن نهاري وليلي
بروحي ما انساها
▧▧▧▧▧▧▧▧▧▧▧▧▧▧▧▧
ليش رحتي - يانفس روحي وحبيبة روحي
ليش رحتي - جرحج اكبر والله كل اجروحي
ويبلسم للجرح ياشوفة عيونج
ولايحلة العمر ياعمري من دونج

ردت اكوم وثكلت انه اجدامي
ريت تكصر من بعدها ايامي
ياعظم بلواها
▧▧▧▧▧▧▧▧▧▧▧▧▧▧▧▧
بكلبة كسرة - كلمن بجف ايدة يدفلنه حبيب
بكلبه كسرة - وهية مو كسرة عظم خاطر تطيب
يموت ال من وكت يدفنهم اعزازة
واصعبهن بديه يغسل الاجنازة

الشايل الحباهم اعله متونه
يريد يسكت بس تفضحه عيونه
عيونه دم مبجاها
▧▧▧▧▧▧▧▧▧▧▧▧▧▧▧▧
ليش هاية - عني ضميتي الجرح يالزهرة
ليش هاية - بساعة التغسيل شفت الكسرة
ضميتي الوجع ماردتي تحجيلي
ولاعندج صدك كل حيل ياحيلي

ضلعج المكسور ضل ياذيني
كون اموت ولا اشوفه بعيني
ليلي كله انعاها
▧▧▧▧▧▧▧▧▧▧▧▧▧▧▧▧
سمعي مني - مودعه الله وبس اسمعي احجاية
سمعي مني - شوكي الج يالزهرة حيل اهواية
سواها الزمان وانهى عشرتنه
يمن جنه سوة ويامحلا لمتنه

توجع المشتاك والله الصورة
وذكريتاج بالكلب محفورة
صورة من ذكراها
▧▧▧▧▧▧▧▧▧▧▧▧▧▧▧▧
لخادم الحسين ع الشاعر
عباس المجتومي

نزلة -- استشهاد الزهراء ع

يزهراء بعد مابينه صبر
يزهراء لازم بكبرج نمر

يالله يم الحسن يالله انريد منج مفخرة
مري لو لمحه بخيال نكوملج زلمة ومرة
والله نبنيلج منارة اعليهه نلزم هم سرة
ونضل بيهه نطوف كلنه دنيا وي الاخرة
مري لو طيف عيوني ذبلهه السهر
يازهراء لازم بكبرج نمر
**
جرح بينه ومايطيب وانتي بلسم للجرح
جرح الافراك اليمرنه. جاهل وكلسا يلح
ضاكت وكلش تعبنه والهوة بصدري يشح
سودة بعدج هاليالي وشوفت عيونج صبح
مو بالتراب. بكلبي بانيلج كبر
يزهراء لازم بكبرج نمر

حتلو خطار لينه عالعراق. ومن تجين
نوكف استعداد كلنه نرحب بأم الحسين
ياوكت هذا اليلمنه. بحضرتج جن زائرين
بروحي ابنيلج مناير بيهه ارفع رايتين
حمرة لحسين. خضرة عباس البدر
يزهراء. لازم بكبرج نمر

روحي مشتاكة وتريدج. بيهه يزداد الالم
ونار والله بوسط صدري. اشبه بنار الخيم
عيني لمصابج يحرة. مودمع لاتبجي دم
وعن صفاتج شرد اوصف. عجزن الورقه وقلم
كل الاقلام. والله حيرهه الامر
يزهراء لازم بكبرج نمر

منج نريد البشارة بجاه عبدالله الرضيع
عطرج بيا لحضه اشمة. يانفس وكت الربيع
نزحف احنه زحوف كلنه. من العراق وللبقيع
دنيا خلصانة ونريدج. والترك دربج يضيع
مو شرط شوف. والله يكفينه العطر
يزهراء لازم بكبرج نمر

-------------------------------------------
لخادم الزهراء ع
عباس المجتومي
https://t.me/abaas997

نرلة --- استشهاد الزهراء ع

فاطمة بعد النبي ضربوهه

عاشت ابهم والله هيه من الزغر
ثمن طعش ماكملت من العمر
مارحم بيهه ابد هذا الدهر
بت نبي الله ويسبوهه

فاطمة بعدك محمد تنضرب
وحكهه ليش يروح منهه وينغصب
سيده اعله الكون وتعيش برعب
والعصابة المجرمة أذوهه

بين باب وحايط وهم الجنين
حيل يعصرهه بغضب صار اللعين
ومنهه طك الضلع والله ام الحسين
وطاح منهه الطفل من عصروهه

يازلم توصلهه لو يمهه الفقار
جان ضلم يومهم ماصح نهار
ولاكدر زلمتهم يوج يمهه نار
غايب الكرار من وجوهه
**
بالصدر بسمار نابت والضلع
ومنه دم العين تجري ومو دمع
وين عنهه المرتضى بهذا الوضع
ماحضرهه شعجب من سطروهه

----------------------------

لخادم الزهراء ع
عباس المجتومي
https://t.me/abaas997

لسان حال مولاتنا زينب ع
بفقد الزهراء ع

اليفكد يضل بالونين. وتاكل بروحه السنين
والفكد ام وجنين. ماله راحه ماله راحه
-------------------
كلي ياموت شجرة وستعجلت
زينب انه ومن زغر شو شيبت
يعينه الله اليفكد امه من وكت
مات امي وريت وياها. متت
ماتت ومات الحلم. بزغري مكتوب اليتم
وكلبي بعدج منصدم. ماله راحه ماله راحه
--------------------------
راحت امي الكلهه طيبه وبس محنه
وبيهه جنه نشم عطر ماكو احله منه
شالت وعنه ابعدت ماضلت النه
جنت الله شتاكت الله وهيه جنه
للحضنهه بس حنان. والله مشتاكة الجنان
الفاكد يجرحه المكان. ماله راحه ماله راحه
---------------------------
امي اميرة اعله الخلك بس مو اميرة
تنكلب. خبزة. لون. شافت. فقيرة
اعله اليتامه اتناشد امي ديرة ديرة
وهيه ماعدهه فقط سبحه وحصيرة
والله لوشافت فقير. من الدمع تلكاها بير
والفكد امه يحير. ماله راحه ماله راحه
---------------------------
جانت. تغبش. ندة. وتروي. اليتامه
ومن كثر ماترفه تبجي ع الحمامه
يلي مالحكت اودعج. بالسلامة
رحتي عني وليلي بعدج ما انامه
ليل المفارك طويل. يصعب وكلسا يعيل
والدمع منه يسيل. ماله راحه ماله راحه
----------------
ولله حيل. تعيل. بيه. ذكرياتح
من حرك. باب. وحرك. حته عباتج
زغيرة يمه وكلشي ماشفتي بحياتج
بيج محضوظ الكبر. من ضم. حلاتج
18 يافاطمة. الباقي كملي بالسمة
الفاركج صابه الضمة. ماله راحه ماله راحه

▧▧▧▧▧▧▧▧▧▧▧▧▧▧▧▧

لخادم الزهرا۽ الشاعر
عباس المجتومي

https://t.me/abaas997

لسان حال الامام علي ع لفقد الزهراء ع

هااا يالقدر. عندي عتب. مني خذيت الغالي
شو من وكت. وستعجلت. خاطر تحطم امالي
متحزم انت عليه
عالفركة لامابيه
هايالقدر. هايالقدر

ليش الورد. شو ينذبح. ويسير لبطن الكاع
سافر بعد. لامايرد. مستعجل وراح بساع
واجه الموت بغفل هاليذبح الوردة
ولون جاء القدر لامو سهل. ردة
لمن اجه. بايك امل. وبجيته بايك حيلي
مني رحل. اغلى شخص. ياعيني دم هم سيلي
ياجيته اصعب جية
عالفركة لامابيه
هايالقدر. هايالقدر

فكدج صعب. ونار الكلب. ماتطفه اله بملكة
كون النفس. يحمل عطر. من عندج بكل شهكة
وانه الضايع دواي وماضن انه الكاه
وصعد ويه النفس عطرج نزل ويااه
انه علي. ومكتوب الي. افكد وضل بحسرة
احضر شدد. بس شدتي. تبدي بفكدهه الزهرة
وشل هواها الريه
عالفركه لامابيه
هايالقدر. هايالقدر

وكت المسه. يثكل ترة. ويكثر حنيني وشوكي
رب السمة. خلصه الي. ودعيلة الله الفوكي
وثكيل المغرب اعله اليتركة خلة
يجي ويكلف يحط العلة ع العلة
بثكل الجبل. فوك الصدر. وكت المسه من يكرب
يكتل كتل. ماينحمل. من عندة كلبي شيب
وبهالوضع يومية
عالفركة لامابيه
ها يالقدر. هايالقدر

ليل وسهر. ويه الصور. ويفيضن عيوني بماي
والله الجفن. عاف الجفن. ماترضه تغمض عيناي
وترة نار الحنين بتالي كل ليلة
تمر بالفاكد اعزازة وتهد حيلة
طول العمر. ليلي يمر. حسرة واذية ودمعه
حد الفجر. لمن يطر. ذاب الكلب جن شمعه
ياربي عينك لية
عالفركة لامابيه
هايالقدر. هايالقدر
*
بدارج انه. مابينه. حزني يزهرة البيه
بس الصدك. جوة الكلب. نار وتوج ليلية
واكضنه الدمع والحسرة تجويني
اخافن زينب تشاهد دمع عيني
عنهه اضم. سيل الدمع . وعيوني لاماتبجي
بس شاهدت. لون الوجه. كالتلي بويه احجي
احجيلي بويه شويه
عالفركة لامابيه
هايالقدر. هاليقدر
--------------------------------
لخادم الزهراء ع
عباس المجتومي

https://t.me/abaas997

لسان حال الامام علي ع
لحظة دفن الزهراء ع

يالدفنج بليل ماخله كل حيل
واعله الكبر ماضل صبر
بيه وخلص كل حيلي
###

يالزهرة ياعمر الورد عشتي بحياتج زهرة
يحبيبه يزغيرة عمر ضل عمري عكبج حسرة
جنتي بحياتي بهالوصف شمعت ضوة ومطشرة
بس ماقسم ليه الوكت تبقالي روحج خضرة
حيدر انه انعاج عمري انطفه وياج
ليش القدر بيه غدر
والله وخذج ياويلي
###

شيعتيج بليل وغفل وعيوني صارت حمرة
ونزلتج بوسط اللحد وبكلبي ضلت جمرة
ويلي وشفت منج ضلع يم الحسن بي كسرة
وجماله بخدوج شفت بيهن اثر جم سطرة
يالزهرة ويلاه صاح الكلب اه
هوايه صبر لا موحجر
كلبي ويكلج شيلي
###

لمن غبت ياحيدرة شحجيلك بحالي الصار
هجمو علي ذوله الكفر وبابي وجوهه النار
وواحد يكلهم بالضلع لازم انبت البسمار
وهنا تمنيتك علي خاطر تسل الفقار
وشكد تمنيت تحضرني ياريت
والله العمر ضلمه يمر
بس انت ال تضويلي
###

مو بالارض يافاطمة كبرج احفرة بكلبي
يالجنتي بعيوني الضوة شمعه وتضوي بدربي
ياحيلي بوجودج امس واليوم بيت تعبي
عكبج اضلن منكسر وعيوني صوبج تربي
ذابحني الافراك يالزهرة مشتاك
ضيم وقهر ليل وسهر
وي محنتي وتحجيلي
###

ياحسرتي ويامحنتي لمن رجعت الدارج
كمت وطحت يم الحسن لمن شفت بسمارج
زينب تريدج فاطمه تسالني عن اخبارج
كتلهه يازينب ترة ماتطفي جمره نــــارج
والدمعه بعدين ضميهه لحسين
باجر درب ضلمه وصعب
حلمي امس يرويلي
###
-------------------------------
لخادم الزهراء ع
الشاعر عباس المجتومي

https://t.me/abaas997

نزلة للعسكري ع

العسكري اللية ----- للمهدي هد حيلة

نار الكلب وجر -- يمته علي تضهر
ثار الحسن يكبر -- بينه وعلي اثر

وانت الترد عيلة -- العكسري اللية

----

ثار الابو يكلف -- بيك الجرح ينزف
واحنه الك نهتف -- ثارك نهر ميجف

يجري يضل سيلة -- العسكري الليلة

------

ثارات الك عدة -- كسر الضلع بعدة
والتل صدك شدة - والعكسري وجبدة

كل يوم انه اشكيلة

-----

بالسم صدك كلفه -- جبدة نمرد وسفه
وجرحة كبر نزفه -- لا مارضه يغفة

بينه صعب شيلة -- العسكري اللية

-----
عيني اله اعميهه -- وسامراء اصل ليهه
ونعة الحسن بيهه -- من يوم اجه عليهه

ثبت نصر جيلة -- العسكري الليلة

خادم الحسين ع
الشاعر --- عباس حسين

دعم مؤسسة منبريون الحسينية
#افضل قناة للنعي
https://t.me/+P0VV4bLqtzuKdcQS
#للاشتراك بالدعم @ahmed_alziwar0