⁣? وصلتك رسالة جديدة
⏱ وقت الرسالة: 2024/08/16 - 02:43:49 AM
----
ممكن اخد رايكم في حاجه هي انا غلطانه ولا علشان حاسه بالذنب ومش عارفه ليه
من فتره واحد زميلي ف الكليه كلمني وقال إن حابب يدخل البيت من بابه بس لاسف اخر سنه ف الكليه بعد سنتين لسه وكده وهو بيحبي وقال عايزكي تستني المهم انا شفت أن شخص كويس جدا فوافقت بس قولته أن لو ف شخص جه تاني ويكون كويس اهلي اكيد هايوافقوا وكده لاسف ف شخص جه اتقدم وشخص عايز اقول ان تقريبا نفس صفات الاتنين وحتي ف الوظيفه الاتنين متشابهين واللي معايا ف الكليه هو كان عارف ان مش بحبوا وعارف أن ممكن انتخطب لحد تاني بس هو قالي انا بدعي ربنا كتير ولو ليا نصيب هايجمعنا
المشكله بقااا انا كده عطيت فرصه للي هايجي بس طب اللي معايا ف الكليه انا كده خزلته وهو بيحبني انا مليش ذنب وهو عارفه بكده بس انا مدايقه اوي ف طب انا غلطانه مع الشخص الأول اللي زميلي ف الكليه وانا قولتله وهو تقبل الأمر وقلي اللي ف نصيب هايحصل وبجد اتمنالي الخير المهم انا خدت القرار صح وممكن تدعولي اللي في النصيب يحصل وشكرا رايكم يهمني بجد
----

⁣? وصلتك رسالة جديدة
⏱ وقت الرسالة: 2024/08/15 - 05:40:38 PM
----
مخطوبه لشخص بيلعب في نادي وكانت شخصيتو طبيعيه وكويس في البدايه والحمد لله انا متمسكه بديني وكل حاجه بخدها حلال وحرام ولكن اكتشفت ان حسباتو مش زيي بس بيحاول وانا كمان غيرت في كتير بس ملاحظ ان من وقت متخطبنا وانا برجع لورا مبقتش اعمل حاجات كتير بتقربني من ربنا وبتطور من ذاتي دا غير أن معاد التمرين بتاعو اجي مع وقت الامتحانات في الكليه ومنزلش اي امتحان وكان ردو ان اي مدرب بيشوفني بيتفائلي بمستقبل حلو وانا منكرش ان أداءو حلو فعلا هو جوا غايه انو يتغير بس هو مش مساعدني علي كدا وبيقولي متبقيش قديمه احنا 2024 وانا مش هقدر اسيبو لإنو بصراحه عمل كتير اوي علشان يقدر يتقدملي برغم ان اهلو كانو رافضين تماما ولو سبتو هيضيع بجد وخايفه مسبوش انا اللي أضيع
----

⁣💌 وصلتك رسالة جديدة
⏱ وقت الرسالة: 2024/08/14 - 12:05:21 AM
----
عاوز اروح اتقدملها بس عاوز اعرف اكون مثلا جاهز بكام مبلغ عشان اتقدم (الموضوع في غاية الجدية🙂)
مع العلم هي من محافظة وانا من محافظة ولو اتسألت مثلا وقالولي تعرفها منين اقولهم اي
احنا اتكلمنا فترة بس بطلنا عشان مينفعش وكدة يعني وهل المواضيع دي بتكمل يعني عشان عائق المسافة وكدة انا عارف ان دة نصيب طبعا بس بسمع ان الموضوع مبتكملش والعريس بيترفض عشان المسافة وكدة يعني
( :
----

⁣? وصلتك رسالة جديدة
⏱ وقت الرسالة: 2024/08/12 - 11:48:45 PM
----
من أسوء الحاجات اللي ممكن أي بني آدم يحسها لما يتخذل مرارًا وتكرارًا في يبتدي يشُك في نفسه ويسأل هل هو شخص كويس ولا لأ ويستاهل اللي حصله ولا اختياراته هي اللي غلط من الأساس، ويبدأ يفقد الثقة فِ نفسه تدريجيًا ويبقى واقف على أي موقف أو علامة يستمد منها إحساس بإنه لسه جواه حاجات حلوة كتير
‏والمشكلة مبعرفش اتكلم أو احكي عن الشئ الي مخليني حزين، ولا حتي افضفض بيه بشكل عشوائي، دايمًا الصمت بيكون ملاذي الأول والأخير، ونتيجة ده بقا كل الكلام والشعور السيء والصعاب والضغظ والمشاكل مكتومة جوايا، أوقات كتير بنوي اتكلم وعند اللحظه الحاسمة الي هخرج كل الي جوايا، بفضل ساكت.
و ‏ أوقات الواحد بيتخيل إنه مسيطر على كل حاجة حواليه، و بعدين فجأة بيُدرك إن الحوار ده موجود في دماغه بس و الواقع غير كده تمامًا.
----

⁣? وصلتك رسالة جديدة
⏱ وقت الرسالة: 2024/08/12 - 11:17:33 PM
----
حسب الله ونعمل وكيل ف كل اللي ظلمني وكسرني وقال عليا ما ليس فيا
----

⁣سيبو مسدج لشخص مش هتعرف تتكلمو معاه

⁣? وصلتك رسالة جديدة
⏱ وقت الرسالة: 2024/08/12 - 08:15:03 PM
----
كنت تعبانه وقافله النور عشان بصدع جامد من النور لما بتعب ااخويا جه وفتح النور لما بقوله اقفله سبلي الدين قلتلو انا قولتلك اقفلو بس ليه بتعمل كده قالي هسيبه واي مكان تدخليه هسيب النور شغال فيه وهمعمس(امرمط) -استغفر الله - بدين ابوكي الارض وامي لما بتكلمو رجع يقولي همعمس بدين امك الارض ودايما بيسب الدين كده وحالتي النفسيه زفت واعصابي تلفت بسببو لما بكلم ابويا بيقولي انتي الغلطانه قبل م يسمعني انا حرفيا عايزه اعرف الشرطه تعرف تجيب حقي من اخويا هو ضربني كتير من سنتين بس حاليا مركز على نفسيتي بس مش هنكر ان اوقات بيكون طبيعي وده نادرا بس الشتيمه والقهر بإن محدش واقفله وان ديني يتجاب سيرته بالطريقه دي في بيتنا كل يوم تقريبا حاجه مش قادره اقبلها الشرطه تقدر تحميني او تهدده او كده ؟؟
عايزه اسمع اي حلول لكن مش هقبل من اي حد يقولي ان ده عادؤ وشكرا
----

⁣? وصلتك رسالة جديدة
⏱ وقت الرسالة: 2024/08/12 - 11:10:15 AM
----
انعدام رغبه فـ كل حاجه.
الخوف بقا عامل اساسي فـ يومي.
----

⁣? وصلتك رسالة جديدة
⏱ وقت الرسالة: 2024/08/11 - 05:17:11 AM
----
حاسس اني بقيت تقيل على نفسي.
----

⁣? وصلتك رسالة جديدة
⏱ وقت الرسالة: 2024/08/11 - 02:57:23 AM
----
ممكن اعرف ازاي اثق في الناس عموما !
او بمعني اصح اثق ف شخص بيحبني وانا مش حاسه باي شعور بحس اني معنديش !
بجد بحس أن الناس كلها كدابه عايزه اغير فكرتي واعرف ازاي ممكن ?
----