Дома.

Прывітанне сябры!
Заўтра дзень народзінаў нашага сябра! (35) гадоў

Віншуем у каментах. Яму будзе прыемна!

Прывітанне, сябры!
Ну, як вы там? Сумуеце без Паліто?
У мяне дык трохі ёсць такое :)
Ужо амаль 4 месяцы як я знаходжуся без магчымасці камунікацыі з вамі, і наперадзе  іх яшчэ вялікая колькасць (ну, гэта калі нічога не зменіцца).
Як ведаеце, мне кажуць што я парушыў парадак правядзення масавых мерапрыемстваў:) Ох, і гэта з улікам, што я арганізоўваў івэнты на працягу 16 год, трохі ж досвед маю :)
Упэўнены, што шмат хто лічыць мяне трохі дурнаватым з-за таго, што я не з’ехаў, калі была магчымасць. Можа яно і так, а можа я проста вельмі люблю Віцебск і Беларусь, як бы гучна і наіўна не гучала.
А тыя дні, што праводжу ва ўтульных сценах на вуліцы Гагарына не магу лічыць змарнаванымі. Такой Беларусі я яшчэ не ведаў, і гэта будзе самая доўгая з маіх антрапалагічных экспедыцый, але і самая цікавая.
Я яшчэ шмат чытаю, хаця бібліятэка тут не самая багатая. Шкадую, што не паспеў перадаць адкладзеныя для гэтай установы кнігі :( Шмат знаёмлюся, і некаторыя знаёмства могуць і ў будучыні.
Як з Юрам з Віцебску, ці Віктарам з Рыгі. І шмат думаю-часу бо хапае. І з гэтых думак падаецца мне, што пабачымся мы з вамі, раней чым гэта будзе вызначана.

Не забывайце падтрымліваць лістом (а то і цыгарэтамі з кавай) зняволеных у падобных сценах-паверце, гэта вельмі бадзёрыць і падтрымлівае  і прыходзьце на адкрытыя паседжэнні - салідарнасць вельмі важна.
(Беражыце сябе:- чысціце кэш нарэшце прылады: старэйшы брат сочыць за табой)
Усіх абдымаю, а некаторых нават цалую
Усё будзе Беларусь!
Уладзь Бу!

Вітаю шаноўныя.
Паліто зноў у шафе

Сёння было крута, лавіце #начныявершы

Калі да мяне падыходзяць і кажуць
Які ты класны, што застаўся
Я думаю пра Машу, Алеся, Віктара і ўсіх нашых.

Мая парада ўсім беларусам:
Будзьце сабой і развівайцеся
А хто яшчэ тут - заходзьце ў госці
А хто ня тут - трымайцеся.

Ноччу пешшу дадому ідучы
Узгадваю чарговы раз Віталя Рыжкова
І дзверы, замкнёныя на ключы.

Тым часам, незаўважна падкраліся чарговыя #анонсытыдня. Урываемся разам у зімовыя выходныя!

9.12, пятніца
Здаецца, па надыходзе снежня, Віцебск пераўтварыўся з гораду мастакоў у горад музыкаў ( што цешыць). У гэтым месяцы музычныя актыўнасці нас радуюць)

🎼 У Філармоніі працягваюцца актыўнасці з праграмы Міжнароднага фестывалю імя Салярцінскага. У 19.00 распачнецца канцэрт вакальнай музыкі з удзелам Дзамбалата Дулаева, пераможцы міжнародных конкурсаў. Раім наведаць. Падрабязнасці на старонцы Філармоніі

🎸🕺У 21.00 адначасова ў 2-х пабах горада можна будзе ўзгадаць сусветныя рок-гіты, растрэсці свае целы і адарвацца перад суботай.
У Рокі пабе выступіць Blackout band з цяжкой праграмай (выйграць бясплатны ўваход яшчэ можна на старонцы паба). У Біг Ціме з больш лайтовай будуць Enotы.
Дзе мы будзем, вы здагадваецеся)

10.12, субота

📖🤔 субота пачынаецца з цікавага і карыснага. Навука па-за сабой ладзіць чарговую лекцыю - Яўген Калбовіч, круты дзядзька, насамрэч, гісторык і архітэктар, будзе распавядаць пра "Дызайн-код Віцебска ў 21 ст". Пачатак у 13.00 ў навукова-тэхнічнай бібліятэцы на Пушкіна. Абавязкова для наведвання!

🎨Калажная майстэрня Ганны Карасёвай усё больш прыцягвае нашую ўвагу. Здаецца, будзем напрошвацца ў госці, каб напісаць пра яе. На выходныя дзяўчаты плануюць шэраг сямейных і іншых актыўнасцей. Каб не драбіцца, глядзіце ўсе анонсы ў іх на старонцы

🕺🗿💃 Вечар раім правесці ў Рокі пабе. Ня проста раім - заклікаем! У Віцебск прыедзе, бадай, самая актуальная спявачка нашых краёў - Iva Sativa, шыкоўнае этна пад электра) мы пісалі пра яе ўвесну. Нават на нашым ютубе (ён ў нас ёсць, не паверыце) здымалі.
Пачатак 19.00. Месцы ёсць!

💥Нешта цікавае, музычнае, танцавальнае і глыбокае плануюць і ў прасторы Upgrade. Якраз пасля мінулай падзеі. Падрабязнасці раскрываць ня будзем. Прыходзьце і пабачыце!)

11.12, нядзеля
🎺Актуальнага эмодзі мы не знайшлі, бо беларуская дуда яшчэ не прадстаўлена. Але менавіта пра яе ў 16.00 у Цікаве на Замкавай, 4 будзе распавядаць і граць Герман Бандарэнка, дудар з Сенненшчыны. Даведацца пра старажытны інструмент - варта і неабходна. Уваход free-donation

🏔️ Калі вы з ~~экстрэмістаў~~ экстрэмалаў - нашыя сябры ладзяць прыжкі з вяроўкай з вышыні. Адрэналін вам у плечы на іх старонцы

Традыцыйны нядзельны шпацыр па выставах пачнем з Мастацкага музэя - там бясплатна паказваюць "Грузчыкі ветру" - супольны праект харэаграфіі і фота. А ў залях Цэнтра сучаснага мастацтва раім наведаць выставу "Партрэт часу" на Шагала, 5 і "Птушыны вянок" на Фрунзэ, 11.

Гэтая зіма нас радуе, як ніколі за апошнія гады. Спадзяемся, перажывем. Абдымаем і зычым добрых эмоцый.

Калі вам падабаецца тое, што мы робім, і вы хочаце/можацк дапамагчы нам развівацца далей - цяпер мы адкрылі магчымасць данатаў на Паліто:
Карта  Belarusbank
9112380001835570
Альбо проста на нумар МТС
+375339012326

Прывітанне, сябры! Сумавалі без Паліто? Нажаль, мы ў апошнія дні ня так часта пішам для вас, бо, як ня дзіўна, шмат занятыя ў афлайне.

Пагэтаму вырашылі пашукаць узмацненне!
Калі вы цікавіцеся тым, што адбываецца ў горадзе і ваколіцах, любіце шпацыраваць і наведваць розныя падзеі, шукаеце анлайн-пляцоўку для сваёй творчасці любога фармату, хочаце разам з намі даследаваць і пісаць пра горад - пішыце нам і далучайцеся да каманды рэдакцыі Паліто. Свае прапановы дасылайце на @hewhobu у вольнай форме. Мы абавязкова разглядзім усё і ўсіх!

Велкам ту цёплыя абдымкі Паліто!

Вітаем, шаноўныя. У эфіры рубрыка #анонсытыдня і мы пачынаем.

1.12, чацвер
Бліжэйшыя дні Віцебск правядзе ў абдымках музычнага фестывалю ~~здаровага чалавека~~ імя І. І. Салярцінскага. Пачынаем з лікбезу пра яго асобу.

📖У 18.00 у Абласной бібліятэцы адбудзецца лекцыя пра музыказнаўцу Івана Салярцінскага, яго дзейнасць і эпоху, чым ён значны для Віцебска і гісторыі музыкі. Лекцыя пройдзе ў межах курсаў "Віцебск: рэальная і папулярная гісторыя", пра іх мы яшчэ ўзгадаем. Уваход вольны.

🎶 У 19.00 у Філармоніі працягнецца тэма вакол асобы Салярцінскага, але з музычным ухілам і удзелам музыкаў Падрабязнасці тут

2.12, пятніца
🎼У 13.00 у музычным каледжы з нагоды вышэйзгаданага фестываля пройдзе канцэрт выкладчыкаў і навучэнцаў каледжу. Выдатная магчымасць ацаніць будучыню беларускай акадэмічнай музыкі. Уваход вольны.

А паколькі асабліва цікавых івэнтаў у пятніцу мы больш не знайшлі, то хочам нагадаць пра іншыя вартыя рэчы.

🌮🍲🍱 Апошнія 3 дні ў Беларусі працягваецца Гастрафэст, які ахоплівае і некалькі месцаў у Віцебску. Калі вы з кулінарных ман'якаў, альбо проста аматары сучаснай кухні - паспейце пакаштаваць адмысловыя фестывальныя сэты (звычайна з 4-5 страваў) . Увесь спіс і галасавалка за лепшы сэт - https://gastrofest.by/
Ад сябе раім наведаць Рокі паб на Дзімітрава, 4. (гэта не праплачаная рэклама, проста мы яго любім).

🎨Падчас традыцыйных музэйных выходных раім наведаць выставу "Партрэт часу" з арыгіналамі Суціна, Бакста, Юдзіна і інш. у Музэі ВНХУ, рэтраспектыўную выставу Міхала Таранды ў ЦСМ на Белабародава, 5, а таксама вернісаж міжнароднага мастацкага праекту "Трэцяя плынь" у арт-цэнтры Шагала.
Для аматараў вострых пачуццяў і постіроніі - выстава крывых люстэрак на ДСК у КДЦ Першамайскі (падзея году, як мы лічым).

3.12, музычная субота.

🎼 У 19.00 у Філармоніі адбудзецца адкрыццё музычнага фестываля імя Івана Салярцінскага, абяцаюць насычаную праграму класікі ў выкананні міжнародных лаўрэатаў. Але мы параім прыйсці параней, у 18.00, калі будзе адкрыццё выставы плакатаў студэнтаў факультэта дызайна тэхналожкі. На мінулай такой выставе мы для сябе пару адкрыццяў зрабілі. Уся праграма і падрабязнасці тут

🎸Для кантрасту - звечары можна наведаць паб Біг Цім, дзе будуць граць (хутчэй за ўсё кавера) бэнд IOKI, які, пры ўсім, складаецца з выдатных віцебскіх музыкаў-імправтзатараў. Пачатак 21.00, падрабязнасці
https://instagram.com/big_tim_pub

У нядзелю, 4.12, там жа ў Біг Ціме пройдзе традыцыйны стэнд-ап, якіх нешта вееельмі Развялося ў горадзе. Ну, значыць, весела жывем.
А вось на наступны тыдзень афіша рыхтуе нам некалькі крутых анонсаў, але пра гэта ўжо ў аўторак.

Калі вам падабаецца тое, што мы робім, і вы хочаце/можаце дапамагчы нам развівацца далей - мы адкрылі магчымасць данатаў на Паліто:
проста на нумар МТС
+375339012326
Карта  Belarusbank
9112380001835570

Усім насычаных і пазітыўных. Спадзяемся на лепшае.

Рома Англічанін — адзін з самых яскравых і таленавітых беларускіх музыкаў. Цяпер ужо цалкам відавочка, што менавіта ён фармуляваў гучанне і настрой гурта ЛСП: змрочны, дэпрэсіўны, але такі прывабны. Гэта чалавек, які мог зрабіць не проста фабрычны паўфабрыкат-мінус, а паўнавартасную кампазіцыю — падкрэсліць яе настрой, аздобіць цікавымі фішачкамі, каб яно ўсё ў выніку гучала, не гледзячы на стылістычныя межы.

Менавіта таму ЛСП з Ромам слухаць цікава, а без яго — не.

Але сёння я прапаную паслухаць іншы праект з удзелам Англічаніна — John Doe. Гэта адзін з тых гуртоў, які меў неверагодны патэнцыял, але, на жаль, так застаўся ў памяці нешматлікіх фанатаў, дзякуючы аднаму міні-альбому. Гэты запіс называецца «Процесс» — мікс рэчытатыву і гучных гітарных рыфаў, жорсткіх тэкстаў і класных мелодый.

У гэтай музыцы адразу можна пазнаць Англічаніна. Яго фірмовы почырк, яго меланхолію. Але тут ёсць і іншыя музыкі — напрыклад, Дзяніс Астапаў, які пасля створыць з тым жа Ромам праект «Грязь». Агулам гэта гучыць настолькі пранізліва, быццам ты сам пераносішся ў Магілёў 2014 года і глядзіш на гэты горад вачыма John Doe. Усяго толькі шэсць кампазіцый, але якія!

https://soundcloud.com/34magnet/sets/john-doe-protsess

Вітанкі! Лавіце крыху змрочнай музыкі ў апошні восеньскі ( так і ня скажаш) дзень. І падпісвайцеся на выдатны канал пра белмузыку.
А звечары, нарэшце, #анонсытыдня