"Tramp siyosati: Manfaatmi yoki adolat?"

Adolat va manfaatlar muvozanatini himoya qilish da'vosi ostida, Donald Tramp o‘z siyosatini AQSHning 47-prezidenti sifatida davom ettirmoqda. U global maydonda o‘ziga xos liderlik yondashuvini namoyish etib, milliy manfaatlarni ustuvor qo‘yayotgan bo‘lsa-da, xalqaro hamkorlikda noziklik va diplomatik ehtiyotkorlik yetishmayotgani ko‘zga tashlanadi. Ayniqsa, iqtisodiy va geosiyosiy strategiyalarida qat'iyatli kuchni namoyish qilish usuli, ayrim ittifoqlarga sovuqchilik olib kelayotgani haqida fikr yuritish mumkin.

"G‘oya bilan yo‘ldan boshlagan inson oxirida o‘z qadriyatlari bilan sinovdan o‘tadi." Bu yondashuv, ehtimol, Trampning siyosiy sahnadagi ta’sirini mustahkamlashga qaratilgandir, ammo tarix doimo faqat kuchga emas, qalblarni yutgan insonlarga ustuvor o‘rin beradi.

👉@baxtishoduzb

Korrupsiyani bartaraf etish: qatʼiy jazomi yoki tizimni takomillashtirish?

Korrupsiya – bu ijtimoiy "kasallik", uni bartaraf etish uchun nafaqat qonuniy jazo, balki inson ongini o‘zgartirish, tizimni tubdan isloh qilish zarur. Xitoy misolida biz jazoning qatʼiyligi korrupsiyani kamaytirishi mumkinligini ko‘ramiz, ammo bu yetarli emas. U yerda qonun qo‘lini cho‘zadigan holatlarni kamaytirish o‘rniga, ko‘pincha jazodan qo‘rqitish ustuvor qo‘yiladi. Ammo bu yondashuv korrupsiya ildizini, yaʼni tizimning o‘zini isloh qilmasdan, faqat uning natijalariga qarshi kurashadi. Bu – katta daraxtning faqat shoxlarini kesib tashlash bilan uni yo‘q qilmoqchi bo‘lishdek gap.

Shvetsiyaga kelsak, bu mamlakat o‘zining iqtisodiy va siyosiy tizimidagi ochiqlik orqali korrupsiyaga qarshi "jangsiz g‘alaba"ni qo‘lga kiritgan. Bu mamlakat boshqaruvida odamlar qonunni emas, odillikni qadrlaydi. Chunki u yerda jazo muhim emas, tizimning o‘zi insonni qonunni buzishga majbur qilmaydi. Bu – jamiyatga ishonch qozonishning eng yuqori cho‘qqisi.

Aslida, korrupsiya bilan kurash bu faqat qonuniy masala emas, balki g‘oyaviy va maʼnaviy kurashdir. Fuqarolarning ongi, masʼuliyat hissi va davlat boshqaruvidagi shaffoflik birlashganda, korrupsiyaning asosiy manbai bo‘lgan "yashirin manfaatlar" avtomatik ravishda yo‘q bo‘ladi.

Gap shundaki, faqat jazo bilan ishni hal qilmoqchi bo‘lganlar asl muammodan qochayotgan bo‘lishi mumkin. Chunki korrupsiya tizimning zaif joyidan kuch oladi. Tizimni mustahkam qilish esa qog‘ozdagi qonunlardan emas, jamiyatning shuurida yasalgan qoidalardan boshlanadi. Shu bois, korrupsiyani haqiqatan bartaraf etishni istasak, avvalo, o‘zimizni o‘zgartirishimiz kerak. Tizim faqat shaffof emas, balki insoniylik mezonlariga mos bo‘lsa, jamiyat bu illatdan qutulishi mumkin. Bu – oddiy jazodan yuqoriroq darajada o‘ylashni talab qiluvchi masala

👉@baxtishoduzb

Gazdan elektr energiyasiga oʻtish qanchalik toʻgʻri?......

Oʻylaymanki, gazdan elektr energiyasiga oʻtish – bu strategik va kelajak uchun zarur qadam. Elektr energiyasi ekologik toza bo‘lib, qayta tiklanadigan manbalar orqali ishlab chiqarilishi mumkin, bu esa global isish va ekologik inqirozni kamaytirishga katta hissa qo‘shadi. Bundan tashqari, gaz resurslarining cheklanganligi va narxning o‘sishi tufayli uzoq muddatda elektr energiyasiga asoslangan tizim iqtisodiy jihatdan ham samaraliroq bo‘ladi.

Bu o‘zgarish yangi ish o‘rinlarini yaratish, texnologik innovatsiyalarni rag‘batlantirish va energetik mustaqillikni ta’minlash kabi ijobiy natijalarni olib kelishi mumkin. Shu bilan birga, elektr energiyasining qayta tiklanadigan manbalardan ishlab chiqarilishi atrof-muhitga salbiy ta’sirni sezilarli darajada kamaytiradi.

Ammo bu jarayonni muvaffaqiyatli amalga oshirish uchun qator muhim omillarni inobatga olish kerak. Birinchidan, elektr energiyasi ta’minotining uzluksizligi va barqarorligi taʼminlanishi shart, ayniqsa qishloq joylarida. Ikkinchidan, elektr infratuzilmasini modernizatsiya qilish va kengaytirish uchun katta miqdorda investitsiyalar jalb qilinishi lozim. Uchinchidan, iste’molchilar uchun bu o‘zgarish iqtisodiy jihatdan og‘irlik qilmasligi kerak, chunki oddiy aholi uchun yuqori narxlar bu jarayonni qabul qilishni qiyinlashtiradi.

Shuningdek, aholining bu o‘zgarishlarga tayyorligi va zarur bilimlarga ega bo‘lishi ham katta ahamiyatga ega. Yana bir muhim jihat – energiyani qayta tiklashga qaratilgan strategiyalarda barcha ehtiyojlar to‘g‘ri muvozanatlangan bo‘lishi kerak.

👉@baxtishoduzb

#qashqadaryo
#100

Bugun Qashqadaryo viloyati tashkil topgan kun. Viloyat 100 yoshda.

?@baxtishoduzb

#wedding_day
#1_year_ago

Alhamdulillah Eʼzozaxon bilan toʻyimizga bir yil boʻldi. Allohim bizga Muhammadazizimizni berdi. Allohimga behisob shukurlar boʻlsin.

?@baxtishduuzb

????

✅ QODIRIY MILITSIONER BO‘LGANMI?

Abdulla Qodiriy tarjimayi holida bunday deb yozadi:

“Nikolay taxtdan yiqilg‘onidan keyin oddiy xalq militsiyasiga ko‘ngilli bo‘lib yozildim... Nikolayning taxtdan yiqilib, hurriyat bo‘lg‘onig‘a xursandligim dunyoga sig‘mas edi...” (Abdulla Qodiriy, “G‘irvonlik Mallavoy”, Toshkent, G‘afur G‘ulom nomidagi Adabiyot va san’at nashriyoti, 4-bet).

Yuqorida keltirilgan iqtibosdan keyin go‘yo Abdulla Qodiriydek buyuk yozuvchi hayotda qat’iy bir prinsipga ega bo‘lmagan, zamona zayliga qarab egilgan, oxir-oqibat taqdirga tan bergan ekan-da, degan xulosaga kelish mumkin.

Aslida esa hayot biz o‘ylagandan ko‘ra murakkabroq bo‘lgan. Xususan, Abdulla Qodiriy “oddiy xalq militsiyasiga ko‘ngilli bo‘lib yozilgan”dan keyin bolsheviklar hokimiyatni qo‘lga oladi va “yo‘qsillar diktaturasi” o‘rnatiladi. Diktatura, “O‘zbek tilining izohli lug‘ati”da ta’riflanganidek, “hukmron sinfning kuchiga tayanuvchi cheklanmagan hokimiyat” demakdir. Cheklanmagan hokimiyat esa bilgan nomaqulchiligini qiladi (bunga misol keltirish shart bo‘lmasa kerak).

Bizningcha, Abdulla Qodiriyning tarjimayi holida qayd etilgan “oddiy xalq militsiyasi” jumlasiga alohida e’tibor berilishi lozim. Chunki Nikolay Ikkinchi taxtdan yiqitilganidan keyin (1917-yil fevral oyida) to 1917-yilning 7-noyabr kunigacha sobiq Russiya imperiyasi hududlarida Muvaqqat hukumat davlatni boshqaradi. Ya’ni, o‘sha muddatda ma’lum ma’noda demokratiya tamoyillarga amal qilinadi. Abdulla Qodiriy aynan demokratiya epkini esgan damlarda ko‘ngilli militsiya xodimi sifatida Vatanga xizmat qiladi. Bu paytda boshevik-kommunistlarning jazolovchi quroli bo‘lgan GPU — NKVD kabi idoralar hali barpo etilmagan edi. U paytlarda ko‘ngilli militsiya xodimlari aholining tinchligini ta’minlardi. Demak, Qodiriy bobomiz tom ma’nodagi xalq milisiyasida xizmat qilganlar.

✅ Avazbek YERMETOV
“Tafakkur” jurnalining 2003-yil 4-sonidan olindi.

?@baxtishoduzb

#saylov_24
#milliytiklanishga_ovoz_bering

Qadriyatlarga tayangan taraqqiyot!

"Milliy tiklanish" demokratik partiyasi va uning nomzodlariga ovoz bering.

?@baxtishoduzb