Bugun Farhod Sohibjonovning nikoh toʻyi!

“Andijon” jamoamiz futbolchisi Farhod Sohibjonov mustaqil hayotga qadam qoʻymoqda!

Shu munosabat bilan Farhodga uzoq umr, baxt-saodat, yilning 4 faslidagi fazilat - kuzning osuda va tinchligi, qishning musaffo va begʻuborligi, bahorning gul-chechaklari va yoz haroratining qalblaringizga jo boʻlib, kelajakda solih va soliha, moʻmin va moʻmina farzandlarning mehribon otasi boʻlib yurishingizni “Andijon” futbol klubining barcha aʼzolari va muxlislari nomidan tilab qolamiz!

Toʻylar muborak, Farhod !!!

Luka Zgurskiyning goli “Andijon”ga  gʻalaba keltirdi

Shuningdek, bugun U21 jamoamizdan tashqari asosiy jamoamiz ham oʻrtoqlik uchrashuvini oʻtkazdi. Oldin xabar berib oʻtganimizdek, “Andijon” Toshkentda “Bunyodkor”ga qarshi maydonga tushdi.

Bir qator oʻyinchilar ushbu uchrashuvda qatnasha olmadilar. Legioner hujumchimiz Shaxrom Samiyevni Tojikiston terma jamoasi ixtiyorida ekanligidan xabardorsiz. Hujumchi Rustam Turdimurodovda yengil jarohat borligi uchun bugungi uchrashuvni oʻtkazib yubordi. Farhod Sohibjonovning esa ertaga nikoh toʻyi munosabati bilan unga dam berildi. Shuningdek, murabbiylar bugun asosan yosh darvozabonlarga imkoniyat berishga qaror qildilar. 

“Bunyodkor”ga qarshi oʻyinda barchasini yagona gol hal qildi. Birinchi boʻlim oxirlarida Bektemir Abdumannonovning qanotdan uzatgan toʻpini rossiyalik hujumchi Luka Zgurskiy darvoza toʻriga joylab qoʻydi va bahs oxirigacha 0:1 hisobi oʻzgarmadi. Shu tariqa, “Andijon” safarda “Bunyodkor”ga qarshi oʻrtoqlik uchrashuvida gʻalaba qozondi.

“Andijon” jamoamizing boshlangʻich tarkibi: Mohir Komilov, Ildar Mamatkazin, Islom Mamatkazin, Abdulvohid Gʻulomov, Abdurahmon Komilov, Ilhom Abdugʻaniyev, Levan Arveladze, Damir Temirov, Sardor Azimov, Bektemir Abdumannonov, Luka Zgurskiy.

Ikkinchi boʻlimda maydonga tushganlar: Vladimir Bubanya, Vagiz Galiulin, Muhammadkarim Toirov, Ilhom Alijonov, Lyubisha Petsel, Farhod Bekmuratov, Abinur Nurimbet, Maksim Sarraf.

? @andijonpfc

?????? | ????

Finalga bir qadam qolgandi, buni zabt etdik. Endi orzuni roʻyobga chiqarish oʻz qoʻlimizda?

#AndijonFinalda

? @andijonpfc

?Eldor Adhamov: “Maydonda oxirgi nafasimgacha, oyogʻim uzilib ketsa ham oʻynashim kerak edi”

“Andijon” klubi oʻz tarixida ilk bor Oʻzbekiston Kubogi finaliga yoʻl oldi. Bilasiz, gʻolib penaltilar seriyasida aniqlandi. Oʻyinda jamoa darvozasini munosib qoʻriqlagan Eldor Adhamov ham shu kuni ishqibozlar tomonidan olqishlarga sazovor boʻldi. Bellashuvdan keyin u bir qator savollarga javob berdi.

- Tarixiy oʻyindagi unutilmas gʻalabadan keyingi xissiyotlaringiz qanday?

- Biz bu xissiyotlarga ancha tayyorlandik. Ichimizdan bunday xissiyotlarni oʻtkazib koʻrgandik. Yutiishmizni koʻp oʻyladik. Chunki qora chiziq paydo boʻlib qolgandi. Buning ustiga muxlislarning ham eʼtirozlariga sabab boʻlayotgandik. Aslida har bir uchrashuvga maksimal tayyorlanamiz. Lekin bu safar imkoniyatimiz darajasidan ham ikki barobar koʻproq tayyorlangandik. Gʻalaba qozonishimizga ishonchimiz bor edi. Faqat murabbiylarni koʻrsatmasini toʻgʻri bajarib, amalga oshirishimiz qolgandi, xolos. Xudoga shukr, yuzimiz yorugʻ boʻldi.

- Oʻyinning eng kulminatsion nuqtasi penaltilar seriyasi bilan bogʻliq boʻldi. Seriya boshlanishidan avval butun stadion Eldor, Eldor deb sizni qoʻlladi. Qoʻqruv yoʻqmidi, nimalarni ichingizdan oʻtkazdingiz?

- Toʻgʻrisini aytsam, qoʻshimcha vaqtlarning ikkinchi taymi boshlanayotganda penaltilar seriyasi boʻlishini xohladim. Chunki biz bunga ham 100 foiz tayyor edik. Futbolchilarini yaxshi oʻrganib chiqqandim. Koʻpi yoshroq oʻyinchilar boʻlgani uchun psixologik jihatdan bosim oʻtkazsa oʻzlarini yoʻqotishini bilardim. Shuning uchun har bir oʻyinchiga psixologik tomondan ritmdan chiqaradigan soʻzlarni gapirdim. Nima deganim sir. Zarba yoʻnalishlarini topaverganimdan raqib oʻyinchilari ham hayajonlanishni boshladilar.

- Oʻyin paytida ham 2-3 ta vaziyatda jamoani gollardan saqlab qoldingiz. Oʻsha vaziyatlarda oʻzingizga boʻlgan ishonch qanchalik ortdi?

- Hayajon boʻladi. Lekin hammasi Allohdan. Seyvlarga unchalik ahamiyat bermadim. Agar Alloh bizni gʻalaba bilan taqdirlamaganida seyflar nolga teng boʻlib qolardi. Shu bois maksimal darajada oxirigacha muvozanatni saqlashga harakat qildim. Lekin 60-daqiqadan soʻng ikkala oyogʻimni tomirlari tortishib qolib oʻyin oxirigacha qoʻyib yubormadi. Ammo raqib futbolchilariga bilintirmaslikka harakat qildim. Lekin ancha qiynaldim. Oʻzimda qoʻshimcha kuch topdim. Zaxiraga olishlarini soʻrashim mumkin emasdi. Chunki maydonda oxirgi nafasimgacha, oyogʻim uzilib ketsa ham oʻynashim kerak edi. Xudoga shukr, menga qoʻshimcha kuch-quvvat berdi. Finalga chiqdik. Ishonchimiz yanada ortdi. Oldingi ishonchimizni qaytarib oldik. Muxlislarni oldida ham yuzimiz yorugʻ boʻldi. Bu yogʻiga chempionatda ham, finalda ham gʻalabalar bilan ishqibozlarni quvontirishga harakat qilamiz.

- Finalda “Navbahor” raqib boʻldi. Qaysi jamoani xohlagandingiz?

- Farqi yoʻq. Yarim finalda ham bizga raqibni farqi yoʻq edi. Finalda ham umuman raqib tanlamaysiz. “Navbahor”ga qarshi vodiy derbisi va bu oʻyin vodiyda boʻladi. Derbiga boshqacha tayyorgarlik boʻladi. Muxlislar nazari tomonidan yutqazishga haqqimiz yoʻq va Xudo xohlasa, Kubokni koʻtaramiz. Nasib qilsa yaxshi natija koʻrsatamiz.

? @andijonpfc

??????  | ????

?“Andijon” klubi barcha yurtdoshlarimizni Mustaqillik bayrami bilan qizgʻin muborakbod etadi*??***
Muhtaram Yurtdoshlar!
Bugun mamlakatimizda qanday kun ekanligini yaxshi bilasiz. Barchamiz uchun muhim va qadrli boʻlgan Mustaqilligimizning 33 yillik bayrami keng nishonlanmoqda.

Jadallik bilan rivojlanib borayotgan Oʻzbekiston jahon hamjamiyatida ham oʻz oʻrniga ega boʻlib borayotgani quvonarli.

Vatanga mehr va sadoqat bugungi kunda har bir yurtdoshimizning qalbida joʻsh urmoqda.

Istiqlol bayrami – barchamizning bayramimiz, Oʻzbekiston – barchamizning faxrimiz, iftixorimiz!

Shu munosabat bilan Mustaqilligimizning 33 yillik bayrami bilan “Andijon” futbol klubi barcha vatandoshlarimizni qizgʻin muborakbod etadi.

Barchaning xonadoniga fayzu-baraka yogʻilsin, hamma vaqt yurtimiz tinch, osmonimiz musaffo boʻlsin. Mana shunday bayram kayfiyati, shodu-hurramlik hamrohingizga aylansin.

Yana bir bor Mustaqillik bayrami muborak!

? @andijonpfc

?????? | ????