“Andijon” tarkibida kim nechta oʻynadi?
👍“Andijon” klubining joriy mavsumdagi statistik maʼlumotlaridan yana biri shuki, bu 2024-yilgi chempionatda 🦅“Burgutlar” safida kim qancha toʻp surgani bilan bogʻliq.

Bosh murabbiy 👍Aleksandr Xomyakov yakuniga yetgan mavsumda ⚽️⚽️Superliga va 🔴Oʻzbekiston Kubogida hammasi boʻlib 28 nafar futbolchining xizmatidan foydalangan.

Jamoamiz safida eng koʻp oʻyin oʻtkazgan yagona futbolchi – 👍Bektemir Abdumannonov. U barcha – 33 ta oʻyinda maydonga tushdi.

Lekin maydonda oʻtkazgan daqiqalar boʻyicha 👍Vladimir Bubanya peshqadam boʻldi. U 30 ta uchrashuvda ishtirok etganiga qaramay, 2726 daqiqani maydonda oʻtkazdi. Bektemirda esa bu raqam 2372 ni tashkil qilmoqda.

Eng oz oʻyin oʻtkazgan futbolchi 👍Suhrob Berdiyev boʻldi. U bitta uchrashuvda zaxiradan maydonga tushdi va 8 daqiqa harakatlandi.

Darvoqe, mavsum davomida jamoamiz uch marta penalti tepdi va barchasini golga aylantirdi: 👍Sherzod Esanov (bir marta) va 👍Levan Arveladze (ikki marta).

☝️Jadvalda futbolchilarning statistikasi maydonda oʻtkazgan daqiqasiga qarab tartib boʻyicha belgilangan.
👍 @andijonpfc

😃😃😃😃😃😃  | 😁😁😁😁

⚽️⚽️ Yakuniga yetgan mavsum yorqin lahzalarga har qachongidan ham boy bo‘ldi. Keling, ularni yana bir bor yodga olamiz.

♻️ Artel | 💳 Uzcard | 🔴 Coca-Cola | 🔵 BMB | ⚫️ Apex

⚽️ Yana bir mavsum ortda qoldi. Liga yuqoridagi barcha musobaqalarni muvaffaqiyatli yakunladi.

♻️ Artel | 💳 Uzcard | 🔴 Coca-Cola | 🔵 BMB | ⚫️ Apex

🎙Rashid Al Dossari: “Bu yerda koʻrganlarimdan xayratdaman”

“Andijon”ning 2025-yilda OCHL 2 da ishtirok etishi munosabati bilan OFK rasmiysi qatarlik mutaxassis Rashid Al Dossarining shahrimizga tashrifi hamda stadionni koʻzdan kechirgani haqida maʼlumot berib oʻtdik.

Tashrifning yakunida “Andijon” matbuot xizmati Rashid Al Dossaridan intervyu oldi.

- Janob Al Dossari, siz ilk bor Andijonga tashrif buyurdingiz. Bu yerda oʻzingiz istagan barchasini koʻzdan kechirdingiz. Ayting-chi, tashrifdan avval qanday fikrda edingiz va endi taassurotlar qanday?

- Ishoning, men birinchi marta Andijonga kelyapman va bu yerda koʻrganlarimdan hayratdaman. Shahar ham, stadion ham menga yoqdi. Chunki men kutgan narsalarimdan koʻprogʻini koʻrdim. Eng muhimi, mavjud kamchiliklarni vaqtida bartaraf etilsa, klub rahbariyati menga bergan vaʼdalarini bajarishsa, jamoa va stadion Osiyo Chempionlar ligasiga tayyor boʻladi. Rosti, stadionni hozirgi holati ham yaxshi darajada. Albatta, xalqaro darajaga olib chiqish uchun biroz qilinishi kerak boʻlgan ishlar mavjud. Bu borada rahbariyatni aniq rejasi bor. Bu toʻliq bajarilsa ishonchim komilki, bemalol OCHL oʻyinlarini oʻtkazadi.

- “Andijon” Oʻzbekiston Kubogini qoʻlga kiritish orqali OCHLga yoʻllanmani qoʻlga kiritdi va unda debyut mavsumini oʻtkazadi. Bunday nufuzli musobaqada ishlarni har tomonlama toʻgʻri yoʻlga qoʻyish uchun mutaxassis sifatida qanday maslahat bera olasiz?

- Oʻylashimcha, oʻzgarishlar maydonda ham, maydondan tashqarida ham boʻlishi kerak. Xalqaro tajribaga ega boʻlgan oʻzbek va xorijlik futbolchilarni jalb qilish lozim. Agar “Andijon” klubi Osiyo Chempionlar ligasida har yili qatnashmoqchi va oʻsishga erishmoqchi boʻlsa, boya aytganimdek, maydonda ham, maydon tashqarisida ham tajribali mutaxassislar boʻlishi kerak. Yaxshi oʻyinchilarni oʻynatish uchun yaxshi murabbiylar kerak va oʻylashimcha, bu sizlarda bor.

- “Andijon” fan-klubi Oʻzbekistonda birinchi raqamli. Ishonamizki, jamoamizning OCHLdagi har bir ishtiroki fantastik muhitda oʻtadi. Oʻz navbatida bu OFKning oʻzi uchun ham juda yoqimli kechadi va OCHL musobaqasini bezab beradi. Bungacha klubimiz va muxlislarimiz haqida nimalarni bilardingiz?

- Toʻgʻrisini aytsam, koʻp maʼlumotim boʻlmagan. Lekin men “Andijon”ning muxlislari haqida eshitganman. Ularning juda mashhurligidan xabardorman. Bilishimcha, ular oʻyinlarni maksimal darajada oʻzida qabul qilib, mana shunday muhitni his qilishlari uchun ham rahbariyat shunga yarasha harakat qilyapti. Ammo baʼzida shunday boʻladiki, ishqibozlar oʻz klubini xaddan ortiq yaxshi koʻrganidan qizishib ketadilar va kerak boʻlmagan ishlarga qoʻl urishlari mumkin. Oldin muxlislar tomonidan ayrim kamchiliklar boʻlgan. Shularni oʻrganib chiqib, xulosa qilishlari lozim. Yana shuni bilamanki, har bir jamoa muxlislarining yetakchisi boʻladi. U esa tartib-intizomni yaxshi oʻzlashtirib, qolganlarga ham tushuntirish ishlarini olib borib, klubga zarar yetkazmagan holda qoʻllab-quvvatlash darkor.

- Bu borada bizda hammasi koʻngildagidek. Fan-klubimiz yetakchisi va muxlislar hamma vaqt tartib-intizomga amal qiladilar. Bizning ishqibozlar nihoyatda madaniyatli va faol.

- Bu juda yaxshi. Meni maslahatim bir yillik OCHL bilan qoniqmanglar. Yanada ishlab, shu darajani ushlab, har yili Osiyo maydonlarida ishtirok etishinglarga tilakdoshman. Iloji boʻlsa, “Andijon” jamoasining OCHLdagi birinchi uy uchrashuviga oʻzim komissar boʻlib kelishga harakat qilaman.

👍 @andijonpfc

😃😃😃😃😃😃  | 😁😁😁😁