گؤزه ل قیز !

کوزلرینگ خمار- خمار، سؤرتمه بؤله ی کوزینگگه
ایکی یوزینگ آی کبی ، آیینه بؤله ی یوزینگگه
کؤنگلیم اوچون بیرسؤز ایت ، ایشانه-ین سؤزینگگه
مین غریب گه رخصت بیر، یارینگ بؤله ی اؤزینگگه

آسمان ده گی یولدوز لر، هوس بیلن قره ی دی
سیندن قیزغانیب کؤک-ده ، آی ساچینی تره ی دی
باغ ایچیده گی گل لر، سین تامان گه مره ی دی
بیزدن گؤزه ل بوکیم دیب ، باغبانیدن سؤره ی دی

سؤزلرینگ مونچه شیرین ، کان ِ عسل می تیلینگ
صدقه بؤلسین بوجانیم ، اؤلمسدن توته ی قؤلینگ
اؤخشه یدی گلغنچه گه ، سینی اؤشه لبلرینگ
قدوقامتینگ شمشاد ، مورچه میان دیر بیلینگ

کیلسنگ قدم لرباسیب ، ساچه ی یؤلینگه مین گل
قؤشیق غزل لرتوزیب ، سیره ی مثالی بلبل
ایشانمه سنگ اگرسین ، کپه لک لر گه اؤخشب
عشقینگ اؤتیده یانیب ، یانیب-یانیب بؤله ی کول

سؤزلریمگه گؤزه ل قیز ، برچه سیگه سین اینان
عاشق شیدانگ بؤلیب ، رسوا بؤلدیم بیرجهان
عاشقلیگیم بیلمه سنگ ، یره تگنیمگه عیان
سؤزلریم بؤلسه یالغان ، چیقسین تندن "عزیز" جان .

کوزلرینگ خمار- خمار، سؤرتمه بؤله ی کوزینگگه
ایکی یوزینگ آی کبی ، آیینه بؤله ی یوزینگگه
کؤنگلیم اوچون بیرسؤز ایت ، ایشانه-ین سؤزینگگه
مین غریب گه رخصت بیر، یارینگ بؤله ی اؤزینگگه
10:40Am

2016/02/18
عزیز فاریابی

@onatilim892gmail

هر کون منگه یوز قتله گر اُول آی کۉرونور
اۉیله ساغینور کۉز که مگر سای کۉرونور
یوز باش بارور یېلگه شکوفه کېبی هردم
گل یوزیده چون زلف سمنسای کۉرونور
هر کېچه یوزی یادی بیله ییغلرم انچه
کیم، ایکی کۉزوم‌نینگ سووییده آی کۉرونور
نې بۉلغه‌ی اگر قیلسه زیارت بو کۉنگولنی
حج قیلسه کېره‌ک، حُسن ایله چون بای کۉرونور
اول تاش کۉنگوللیک غمیده لطفی کۉزیندین
هر ساری که، کۉز کار قیلور، سای کورونور
حضرت لطفی

@onatilim892gmail

سینی خفه قیلگن نرسه نی اونوت،

لیکین او سینگه اورگتگن نرسه نی هیچ قچان اونوتمه.

احمد یسوی

@onatilim892gmail

ذکات

- بالم، هر تانگ ساغلیگینگ نینگ ذکاتی نی بیریش نی اونوتمه!
- ساغلیک نینگ ذکاتی نیمه، بابه؟
- ساغلیک نینگ ذکاتی بو کسل لر حقی گه دعا قیلماغینگ دیر، بالم.

عبدالهادی یوسف

@onatilim892gmail

حیات نینگ اینگ کیره کلی ویتامینی

بو- قووانچ!

تبسم قیلینگ 😁😊😊

@onatilim892gmail

ساخته دوست و سایه فقط قویاش پارله گن ده یانینگ ده بوله دی.

فرانکلین

@onatilim892gmail

آنه حقّی
بیزگه لازمدیر اطاعت قیلسک الله امرینی،
بېردی او بویروغ بیلینگ دېب آته-آنه قدرینی.

تېنگری امریگه اطاعتدیر سعادت بنده‌گه،
پس عملگه آشیر، اې مؤمن، خدانینگ امرینی.

قنچه چېکسه زحمت اولادیگه زېریکمس آنه،
آرتیریبدیر چون اونینگ الله تحمُّل-صبرینی.

آنه‌نینگ حقّین ادا اَیله تیریکلیک چاغیده،
رحلت اېتگنده دعالر بیرله یاریت قبرینی.

ایکّی عالم بۉلگوسی اونگه یمان دوزخ کبی،
کیم که بیلمسدن اگر قان قیلسه آنه بغرینی.

«جنت آنه‌لر ایاغی آستیده» دېدی رسول(ص)،
آل دعاسینی و قیل آتینگگه جنّت قصرینی.

آنه شیرین جانیدن کېچگه‌ی اۉز اولادی اوچون،
سېن قیلالمس‌سن ادا بیر کېچه چېککن زجرینی.

سېن بیلیب قۉی کیم اېرور یوکسک مقامی آنه‌نینگ،
یاریتور چون مهری نوری-له محبّت شهرینی.

آنه اولاد ایلگیدن کۉرسه نېچه جور و جفا،
شونده هم اېتمس دریغ اوندن محبت-مهرینی.

باله‌سی تا بهره آلسین کېچه شیرین اویقودن،
تون تانگ آتگونچه ایچر او درد و محنت زهرینی.

آنه احسانی کتابیدیر بویوک بیلسنگ اگر،
سېنگه واجبدیر که یاد اېتسنگ اونینگ هر سطرینی.

آنه حقّین تېنگری اۉز حقّی بیلن قیلگن بیان،
بېرمه آزار آنه‌گه، کېلتیرمه ربّینگ قهرینی.

عبدالقیوم ملکزاد

@onatilim892gmail

بیلرمی دینگیز؟
انسان اوزینی اوزی قیتیغلالمه یدی،
چونکی بو ایش نی مییه رد قیله دی.

@onatilim892gmail

محیـــــط اوزگرتیرر انسان نی بیر آز،
طبیــــعت گه یوق دیر اما اعـــتراض.

تاووق تـــخمی دن مکیان یا خوراز،
بورگوت نینگ تخمیدن بورگوت چیقه دی.

@onatilim892gmail

https://youtu.be/ZQC-VGtEmXo?si=s6ddayGcUefX3qYi