*👁 معلومة لطيفة: عدسة العين Lens هي الجزء الوحيد بالجسم اللي ميصير بي التهاب أبداً، لأن متحتوي على أوعية دموية يعني ما تتعرض للعوامل المسببة للإلتهاب بشكل مباشر، إضافة تحتوي على خلايا خاصة epithelial lens cells تحافظ عليها وتقلل أو تلغي الإستجابة المناعية .
(الإلتهاب=إستجابة مناعية) .*

💗|@TAHR6th.

انتظروا يرجعلي الشغف

الكبد بي خلايا جذعية قادرة على الإنقسام وبناء الأنسجة labile cells، فبعد عملية الاستئصال الجزئي للكبد، تبدي الخلايا الكبدية الباقية بعد 12 ساعة من العملية بالانقسام الخلوي يعني تزيد عددها حتى تعوض الخلايا الي تم ازالتها الى ان يرجع الكبد لحجمة الطبيعي وهاي العملية نسميها (التضخم التعويضي compensatory hyperplasia) وتعتبر أحد آليات التكيف الخلوي cellular adaptation .
خلايا المعدة والطحال أيضاً عدها هاي القابلية .

*?* عدنا السكريات 3 أنواع أحادية، وثنائية يعني متكونة من جزيئتين سكر، ومتعددة الجزيئات، سكر اللاكتوز الموجود بالألبان ومشتقاتها هو من السكريات الثنائية يتكون من جزيئتين سكر كلكوز وكلاكتوز .

? جزيئات السكر من تدخل للجسم راح يتم تكسيرها بواسطة إنزيمات تفرزها خلايا microvilli ببطانة الأمعاء حتى يصغر حجمها وتكدر الخلايا الموجودة بالأمعاء تمتصها وتوديها للدم حتى نحصل منها الطاقة، وكل نوع من السكريات الة انزيم خاص .

? الإنزيم المسؤول عن تكسير سكر اللاكتوز هو إنزيم lactase، يكسرة ويحولة إلى جزيئتين منفصلات (كلكوز وكلاكتوز) .

? بحساسية اللاكتوز هذا الإنزيم مراح ينفرز عدنا لسببين:
① وراثي: الجين المسؤول عن تصنيع هذا الإنزيم أصلاً ماموجود عدنا، هنا الحساسية للاكتوز راح تكون دائمية .
② مرضي: هنا الخلل يكون بخلايا microvilli المسؤولة عن افراز الإنزيم ممكن تكون متضررة أو تالفة بسبب إلتهابات أو أمراض معينة، هنا حساسية اللاكتوز تكون وقتية ممكن تزول بعلاج الالتهاب ورجوع الـmicrovilli لطبيعتها .

? إذا ما إنفرز إنزيم lactase شنو حيصير؟
• سكر اللاكتوز مراح يتم تكسيرة وبالتالي متكدر الخلايا تمتصة فيبقى يفتر بالأمعاء .
• من يوصل للقالون راح تتلكا نوع من البكتريا colonic bacteria هاي البكتريا من تلكف جزيئات السكر راح تخمرها وينتج عن هاي العملية إنتاج غازات CO2 و H2 و CH4 لذلك راح يعاني المريض من غازات وإنتفاخ .
• جزيئات السكر هي من النوع osmotically active يعني وين متروح راح تسحب سوائل الجسم وياها، فمن تظل بالأمعاء راح تسحب السوائل الها وتسبب الإسهال للمريض .

? إنزيم lactase ينفرز بكميات كبيرة عند الأطفال الرضع لأن غذائهم الاساسي هو الحليب ويقل إنتاجة بصورة طبيعية بعد ما ينفطم الطفل .

? علاج حساسية اللاكتوز هو الإبتعاد عن الالبان ومشتقاتها .

? الزبادي تكون حساسية اللاكتوز الة أقل من الحليب، لان الزبادي يتم تصنيعة بالتخمير فمن يتم تخميرة راح يتنشط نوع من البكتريا الموجودة بي وتفرز إنزيم bacterial lactase يكسر اللاكتوز، من يوصل للأمعاء راح تمتصة الخلايا بسرعة بدون متحتاج إفراز الإنزيم .

?|@TAHR6th.**