اللهم صلِّ على محمد، وعلى آل محمد، كما صليت على إبراهيم، وعلى آل إبراهيم، إنك حميد مجيد، اللهم بارك على محمد، وعلى آل محمد، كما باركت على إبراهيم، وعلى آل إبراهيم، إنك حميدٌ مجيد:')))

أُنس الجمعة:)

السلام عليكم ورحمة الله وبركاته.

عساكم بخير يا حبايب اسماء! ?
جيالكم بحاجة عسولة خالص، عملت آك فيسبوك هينزل مشاركات تخصنا هنا وحاجات مختلفة ولذيذة من رحلتي بإذن الله.

بستقبل البنات بس هناك، دا لينك الأكونت لو حابين تكونوا موجودين.?
https://www.facebook.com/profile.php?id=61567562401342&mibextid=ZbWKwL

عمرك سمعت عن قاعدة ١/٩٠/٩٠؟

جايبة لكم النهاردة كنز من كنوز تحقيق النجاح وإنجاز الأهداف.

بس قبل ما نبدأ متنساش تصلي علي حبيبك محمد
(عليه افضل الصلاه واتم التسليم) وتجهز نوت وقلم جنبك
لأنها قاعده هتفرق معاك جدًا وهترجع ليها كتير بعدين.

عزيزي القارئ قاعده ١/٩٠/٩٠ بتنص علي الآتي:-
انك كشخص لازم يبقي عندك..
- هدف.
- تشتغل عليه لمده ٩٠ يوم.
- تبدأ بيه أول ٩٠ دقيقه من يومك.

يعني باختصار شديد تبدأ تحدد هدف واحد تشتغل عليه لمدة ٣ شهور وتركز على أن الهدف ده تبدأ بيه أول ٩٠ دقيقة من يومك كل يوم طول ٣ شهور يعني تشتغل عليه قبل ما تشغل نفسك بأي حاجة تانية.

سواء كنت «هتتعلم لغة، مهارة، كورس، فيديوهات، وظيفة، رياضة... الخ».

وهتلاحظ إنك فخلال ٣ شهور فقط هتبقى من أقوي ٥٪ من الأشخاص اللي قدروا يحققوا الهدف دا أو يوصلوله باذن الله.

- منقول.

أوقات بِتكون أنت أكبر عدو ليك!

أنت اللي ماسِك في ناس مش ليك.
أنت اللي مِستني في علاقة بتضرك وبتأذيك.
أنت اللي خايف تغير وَضع مش مريحك أو مش قادِر تقفِل صفحَة مُعينة في ماضيك.

رَغم إنك ممكن تكون عايز -وجدًا كمان- لكِن نفسَك وعقلَك بيحطوا لَك حواجِز وموانِع ومخاوِف وعقَبات تصعبها عَليك وتمنعَك عنها، وهدفهُم تفضل مكانَك وعلى وضعَك وحالتَك لأن ده خلاص اللي تعرفه..

اوعى تِسمَح لنفسَك تِعمل فيك كِدا أبدًا.. وصدقني أي تغير لصالحَك يستحق المُجازفَة عشانُه?.'

مش مهم أبدًا تكون سمكة أو قرش، المهم إنك بتتحرك.

مش مهم أبدًا تكون سمكة أو قرش، المهم إنك بتتحرك.

مش عارفة أجيبهالك إزاي أوي بس عمر فتّشت في قلبك عن الإيمان الأبدي بالغيبيات البسيطة جدًا اللي بيشتمل عليها الكتاب والسُنة في ديننا؟

يعني هل وانت بتقرأ مثلًا أذكار الصباح وجيت عند فضل قراءة آية الكرسي ولاقيت مكتوب إنها بتُجير من الجن لو قرأتها الصبح لحد بالليل: فهل انت مصدق من قلبك إن بجد مفيش جِن هيقدر يلمسك من لحظة ما قولتها لحد المساء؟

أو وانت بتقول ذِكر "لا إله إلا الله وحده لا شريك له له الملك وله الحمد وهو على كل شيء قدير" _اللي بيتقال عشر مرات بعد المغرب وبعد الفجر_ ولاقيت في فضله تلات حاجات: إنه كأنك عتَقت عشر رقاب، وكُتب لك به عشر حسنات ومُحي عنك عشر سيئات، وكمان كان حماية ليك من الشيطان.
فهل انت من قلبك متخيّل ومصدّق إن دا بجد وحقيقي؟

لما بتصوم يوم عرفة: مصدّق إنه بجد هيغفر لك سنة فاتت من عمرك وسنة جاية؟

ليلة القدر قيامها يعدل قيام ٨٤ سنة؟ متخيل العدد ومصدّقه؟

وانت بتقول في سرّك يا رب اغفِر لي ما تقدّم من ذنبي وما تأخّر، يا رب اغفر لي ذنبي سرّه وعَلَنه.
مِصدّق من كل قلبك إن بس خلاص هو فعلًا ربنا استجاب للدعوة دي، وصفيحتك اتمحت من السيئات؟

شَعرة يا صديقي، شَعرة اليقين أهم أهم العبادات.. وهي الشَعرة دي اللي بينك وبين الخشوع، وبين التدبّر، وبين عمل الطاعة بحُب وإقبال من كل قلبك، وبين استجابة الدعاء.
ولو هنصحك بحاجة من قلبي تشتغل عليها لسنوات، إن مع كل عبادة تعملها تدرّب نفسك على استحضار اليقين في حدوث فضلها، والتأكد من قلبك إن طالما تيقّنت فخلاص هي حصلت.

واليقين في الغيبيات من أقوَى مُثبّتات الإيمان بالله، ومن أجمل المداخل اللي تتذوَق بها حلاوة الإيمان.?