تره الزهرة الزچية .. مرضاها
نذل وسنين مرّت .. مرضاها
تره الباب الثجيلة .. مرضاها
كسر ضلعي وسگط محسن بديه

احترگ بابي وعليه ازلام .. يمعون
منهم مالگيت العون .. يمعون
دوري وياي محسن وين .. يم عون
لاحه الحرگ لو مكتول بيه

فاضل فرحان الجهلاوي

ذبح مذبوح راسه شفت الحسين
ولامنه يوادم شفت الحسين
فطر مفطوره كله شفت الحسين
وشفت سحكنه خيل الاعوجيه

علي مهند الجهلاوي

احس بسمار طگني لاحمتني
ويه الحايط يضالم لاحمتني
تباوع ناسي لاجت لاحمتني
وحيده وكلهم يصدون بيه

علي مهند الجهلاوي

يتيمه وشاف بالطف _ من لخاني
الشمر لخني ولا كن _ من لخاني
طحت وبسوطه يركض _ من لخاني
كمت يحسين مكسورات اديه

فاضل فرحان الجهلاوي

لخاطر دمعة زينب وخر الحافر عن احسين

فاضل فرحان الجهلاوي

الحبيب بسام الزيدي

بطيحة كافل زينب كام وطاح احسين

فاضل الجهلاوي

النوگ الشالت زينب ماتن خوف من العباس

فاضل الجهلاوي

عجيبة الشاف برض الطف .. خيلها
زينب والكمر هاشم .. خيلها
المصيبة اعداك من ركضت .. خيلها
بحوافرهن خذن خيمة رقية

فاضل الجهلاوي

دمعي بس لبو اليمه .. تياره
ودليلي وي ضعن زينب .. تياره
يبو السجاد ما مثلك .. تياره
ربح يحسين بس طرواك اليه

فاضل فرحان الجهلاوي