24-fevralda tug‘ilgan ijodkorlar:

Paymon (To‘xtamish To‘xtayev), O‘zbekiston Yozuvchilar uyushmasi a’zosi;

Anor Saduakasova, O‘zbekiston Yozuvchilar uyushmasi a’zosi.

O‘zbekiston Yozuvchilar uyushmasi Axborot xizmati

«Milliy tiklanish» gazetasining 2025-yil 19-fevral 8-sonida:

🟢 TIL VA MILLAT MAQOMI, SHOH BOBUR (Sirojiddin Sayyid she'rlari)

🟢 PANJARA ORTINI YORITADIGAN ZIYO
Endi mahkumlarning jazo muddati har bir o‘qigan kitobi uchun uch kunga kamaytiriladi (Ahmadjon Meliboyev maqolasi)

🟢 DEPUTATLAR TALABI
bilan yangi qonun xorijiy so‘zdan asrab qolindi. Faqat...

🟢 Islom sivilizatsiyasi markazi – bu yuksak masʼuliyat va imkoniyatdir

🟢 NOYOB TARIXNI O‘Z QO‘LIMIZ BILAN YO‘Q QILAYAPMIZ...

🟢 SUNʼIY INTELLEKT
KERAKMI YOKI YO‘Q?

🟢 XOJA YUSUF HAMADONIYNING
ASL QABRI QAYERDA?

💻 Web-ilovada (kirill)

💻 Web-ilovada (lotin)

*〰️*〰️〰️〰️〰️
Kanalga ulanish👇👇👇**
https://t.me/gazetalar_sharhi

TAKLIFNOMA

Hurmatli ijodkorlar!
Shu yilning 26-fevral kuni soat 15.00 da O‘zbekiston Yozuvchilar uyushmasida Teatr va kinodramaturgiya kengashining 2024-yil faoliyati yakunlariga bag‘ishlangan yillik hisobot yig‘ilishi bo‘lib o‘tadi. Unda soha mutaxassislarining o‘tgan yilda teatr va kino sohasida amalga oshirilgan ijodiy-amaliy ishlar yuzasidan ma’ruzalari tinglanadi va muhokama bo‘lib o‘tadi.
Yig‘ilishda teatrlarning o‘tgan yildagi ijodiy faoliyati mavzusida O‘zR FA San’atshunoslik instituti katta ilmiy xodimi, san’atshunoslik fanlari bo‘yicha falsafa doktori Shoxruh Abdurasulov, 2024-yilda ishlangan o‘zbek badiiy filmlari xususida san’atshunoslik fanlari bo‘yicha falsafa doktori, O‘zDSMI o‘qituvchisi Muhayyo Muxtorova, mamlakatimizdagi qo‘g‘irchoq teatrlarining 2024-yildagi ijodiy ishlari xususida O‘zR FA san’atshunoslik instituti doktoranti Malohat Turobova ma’ruzalari bilan ishtirok etishadi.
Mazkur hisobot yig‘iniga barchani taklif etamiz.

O‘zbekiston Yozuvchilar uyushmasi Axborot xizmati

TA'ZIYA

O‘zbekiston Yozuvchilar uyushmasi jamoasi va ko‘p sonli a'zolari O‘zbekiston Yozuvchilar uyushmasi a'zosi, taniqli shoira Xosiyat Rustamga otasi Islomali Rustamovning vafoti munosabati bilan chuqur hamdardlik bildiradi.

O‘zbekiston Yozuvchilar uyushmasi Axborot xizmati

“O‘zbekiston” radiokanalida O‘zbekiston xalq shoiri To‘ra Sulaymon tavalludining 90 yilligiga bag‘ishlangan adabiy-maʼrifiy tadbir efirga uzatildi.

Muharrirlar: Bahriddin Maxmadaliyev, Zulayho Ahmadjonova

Gʻazal sog‘inchi

Falakka boqmadim, hanuz bir oyu bir qamar bormu?
Goh yolvorib, goh yig‘laram — bu ishimdin samar bormu?

O‘zni eranlarning ul diydiyosina o‘rgatdim,
Ko‘z yoshimdin guhar yo‘qtur — bu ishimga darkor bormu?

Tong chog‘i yeldilar nogoh, Nasimimning nasimimi —
Ayo siz, jondayin kelgan, bizingchun bir xabar bormu?

Mo‘ltirab boqdim mung‘ayib, ne ma’shuqdur salomi yo‘q,
Bir xushlik mujda yetkarsa — bundin Anga zarar bormu?

Xayolim kuffora ketar, bormukin yo afsonamu,
Ayo siz, sajda etganlar, benishondin asar bormu?

Muddatidir ay ko‘ngil, devona bo‘lmaymizmi?
Yetganlarday tolibi mayxona bo‘lmaymizmi?

Kapalakki g‘umakdan chiqib, o‘tga talpinmish,
Hikmati ne bo‘ldi, deb so‘zona bo‘lmaymizmi?

Bunda ko‘plik yo‘q erur, yagonadir, yaktodir,
O‘zlik qal’asin buzib, vayrona bo‘lmaymizmi?

Har neki yashirindir, ulug‘ hikmat andadir,
Ishqni qalbga jo aylab, pinhona bo‘lmaymizmi?

Bul aflok xush evrilib, yetsa saodatlik dam,
Ishqdin o‘tlug‘ so‘z aytib, sayrona bo‘lmaymizmi?

Dil, bu dam muddatidir, muddatidir, muddati,
Ul Haq yo‘lini tutgan mardona bo‘lmaymizmi?

Zokir XUDOYSHUKUR

TAKLIFHOMA

«Fayzul-Furqon» kitobining taqdimotiga marhabo!
«Kitobxonlik maktabi» loyihasining navbatdagi sonida atoqli alloma, shoir, tarjimon, O‘zbekiston Yozuvchilar uyushmasi a'zosi Mirzo Kenjabek tomonidan nashrga tayyorlangan «Fayzul-Furqon» kitobining taqdimoti oʻtkaziladi.
Tadbirda ustoz Mirzo Kenjabek kitob va uning nashrga tayyorlash davomida qilingan ishlar haqida suhbat qilib beradi.
Taqdimot 10-dekabr kuni «Hilol Nashr» nashriyotining majlislar zalida 14:00da boshlanadi. Barchangizni ushbu ma'rifiy tadbirga taklif etamiz.
Marhamat, navbatdagi kitob taqdimotiga, ilm suhbatiga keling!

O‘zbekiston Yozuvchilar uyushmasi Axborot xizmati