Халқ депутатлари Наманган вилояти Кенгашининг еттинчи чақириқ биринчи сессияси ўтказилди.

Унда вилоят Ҳудудий сайлов комиссияси раиси Собитхон Турғуновнинг жорий йил 27 октябрда бўлиб ўтган сайлов якунлари тўғрисидаги ахбороти тингланди.

Сессияда депутат Солижон Мўминов Халқ депутатлари Наманган вилояти Кенгаши раиси этиб сайланди.

Шунингдек, сессияда халқ депутатлари Наманган вилояти Кенгашига сайланган депутатларнинг партия гуруҳлари рўйхатдан ўтказилиб, вилоят Кенгашининг регламенти ва доимий комиссиялар тўғрисидаги Низом тасдиқланди.

Маслаҳатлашувда Президент томонидан Наманган вилояти ҳокими лавозимига Абдураззоқов Шавкат Шокиржонович номзоди кўрсатилганлиги билдирилди.

Халқ депутатлари Наманган вилояти Кенгашининг қарори билан Абдураззоқов Шавкат Шокиржонович Наманган вилояти ҳокими лавозимига тасдиқланди.

2024-йил 1-август куни туман ҳокимлигининг мажлислар залида халқ депутатлари Учқўрғон туман Кенгашининг навбатдаги олтмиш саккизинчи сессияси бўлиб ўтди.
Сессияда қуйидаги масалалар кўрилди:
- Учқўрғон тумани сектор раҳбарлари томонидан 2024-йил 2-чорак давомида ҳудудни комплекс ижтимоий-иқтисодий ривожлантириш бўйича амалга оширилган ишлар юзасидан ҳисоботи ҳамда 2024-йил 3-чораги учун мўлжалланган “Йўл харитаси”ни тасдиқлаш тўғрисида.
- Учқўрғон туманида 2024 йилнинг 2-чораги давомида жиноятчиликни олдини олиш, жамоат тартибини сақлаш фуқаролар хавфсизлигини таъминлаш борасида амалга оширилган ишлар ва йўл қўйилган камчиликлар юзасидан туман ИИБ бошлиғининг ўринбосари жамоат хавфсизлиги хизмати бошлиғи подполковник О.Х.Мирзаевнинг ҳисоботи тўғрисида.
- “Наманган сув таъминоти” МЧЖ Учқўрғон туман бўлими раҳбари Қ.Қурбоналиевнинг “Ичимлик сув ресурсларини бошқариш, сув таъминоти объектларининг техник ҳолатини яхшилаш бўйича” 2024-йил 6-ой давомида амалга оширилган ишлар юзасидан ҳисоботи тўғрисида.
- Ўзбекистон Республикаси Президентининг Учқўрғон туманидаги Халқ қабулхонаси мудири Б.Боймирзаевнинг “Ҳоким ёрдамчилари фаолиятини натижадорлигини ўрганиш” юзасидан ахборот хатини кўриб чиқиш тўғрисида.
- Халқ депутатлари Учқўрғон тумани Кенгашидаги депутатлик ўринлари сонини белгилаш тўғрисида;
- Учқўрғон туман сайлов комиссияси аъзолигига номзодларни тавсия этиш тўғрисида ва бошқа масалалар атрофлича мухокама қилинди. Сессияда кўрилган масалалар юзасидан тегишли қарорлар қабул қилинди.