Отам олис жойга кетди,
Ойдек онам ойга кетди.
Маним кўнглим найга кетди,
Осмонларга кетмадим ман.

Кўклам қариб кузга етди,
Куз ахтариб музга етди.
Шўр пешонам тузга етди,
Буюк сўзга етмадим ман.

Гард уюлиб тоғ бўлмади,
Дард гуллади, боғ бўлмади.
Бир бахтиёр чоғ бўлмади,
Шодлик майин ютмадим ман.

Ишқ куртаги япроқ бўлди,
Япроқ тани тупроқ бўлди.
Тупроқда ҳам гуноҳ бўлди,
Кўзларимга суртмадим ман.

Руҳим тандин кетган либос,
Бу ишқ жондин олгай қасос.
Маним  умрим ишқдир холос,
Ишқ сингари кўп қадимман,
Ишқсиз куним ўтмадим ман.

Маним умрим ишқдир холос.

Самариддин Саййидзод
2009
@Sayyidzod

O‘n besh yil oldin bo‘lgandami!...
Nima qilarding?
Sening qo‘llaringni mahkam tutgan va hech qachon qo‘yib yubormagan bo‘lardim...
Bilasanmi qalbga yaqin har ne seni eslatadi...
Hattoki qo‘shiqlar...
Bugun yana seni esladim...

@Sayyidzod

Bayramingiz muborak bo‘lsin aziz Ayollar!!!

✍Zulfiya Mo‘minova

🎙Samariddin Sayyidzod

🥀🥀🥀🍀🍀🍀

@Sayyidzod
👆👆👆kanalga obuna bo‘ling!

#xayrlikun #iqtibos

Жон саройини излаётган экансан ⸺ жонсан;
бир луқма нон излаётган экансан ⸺ нонсан;
бир томчи сув излаётган экансан ⸺ cувсан;
зулмнинг ортида экансан ⸺ золимсан;
ишқни излаётган экансан ⸺ ошиқсан...

Бу ҳикматни билсанг, демак ишни билдинг. Кўнглинг нима билан банд бўлса, сен ана ўшасан...

© Мавлоно Румий

@BeshinchiTomon
@Sayyidzod

2- қисм

"Маҳалла"  радиосининг олтин фондидан бизнинг ҳам овозимиз ўрин олганидан хурсандмиз....

"Шеър азиз олам аро" лойиҳаси муаллифларига ташаккур...

Самариддин Саййидзод
@Sayyidzod

1- қисм

"Маҳалла" радиосининг олтин фондидан бизнинг ҳам овозимиз ўрин олганидан хурсандмиз....

"Шеър азиз олам аро" лойиҳаси муаллифларига ташаккур...

Самариддин Саййидзод
@Sayyidzod

Ўз вақтида кетиш керак
ёқимсиз ишхонангдан
зериккан ижара уйингдан
сени ортиқ кутмас севгилингдан
тушунмас дўстларингдан
қадри йўқ сўзларингдан
ўлган ҳисларингдан
ва ўзингдан
кетиш керак.

Кечишлар кучли қилади
кетишлар йўл очади
кечишлар изтиробдир
кетишлар сурур.
Қирқ йил
диққанафас ишхонада
соғинилмас бошпанада
кўнгил суймас инсон билан
ҳеч нимани
ўзгартирмай яшовчилар
«вафодор» номли қўрқоқлардир.

Кеч бўлмасдан кетиш керак
энг авжида
безмай туриб
сўнмай туриб
ўлмай туриб
бирозгина соғинч билан
кетиш керак.

Аниф

👉👉✅@Sayyidzod

Менинг ётар юртим- осойиш тепа,
Қадим дарёларнинг туташган жойи.
Тун тоғлар бошига тикканда капа,
Шом қўйиб юборар, баркашдек ойин.

Кўкгумбаз масжидлар тоқида аъзон,
Кешнинг кенгликлари бир беҳишт каби.
Тоғларнинг, боғларнинг аксида осмон,
Кезинар жаннатга етгандек Набий.

Ёдларда ёз ёрқин, ҳандалак бўйли,
Шамолларнинг олма узиб қочгани.
Ўн саккиз баҳор бор ҳижронли, тўйли,
Бир тотли сирим бор, сенга очгали.

Менинг ётар жойим, осойиш тепа,
Шабнамзор тонгларни сарпойчан кездим.
Туманли тоғларга боқиб ҳар сафар,
Ўзимни бахтиёр ҳоқондек сездим.

Балки йўқлаб турар бир шеърий нафас,
Дарвозамни қоқиб келар дўстларим.
Менинг жон азамга капалак нусха,
Бўйинбоғин тақиб келар дўстларим.

Олисларда кимдир умримни элар,
Тошкентга оёғи етмаган шоир...
Минг йилда бир марта дунёга келар,
Элин ортга ташлаб кетмаган Шоир.

Самариддин Саййидзод

👉@Sayyidzod

🍃🍃🍃

Мен ҳамиша ўзимни бахтиёр сезаман. 
Биласанми нега? 
Чунки мен ҳеч қачон, ҳеч кимдан, ҳеч нарса кутмайман! 
Кутиш бу - азоб. 
Ҳаёт қисқа...
Шундай экан, ўз ҳаётингизни севинг...
Ҳамиша кулиб боқинг.
Гапиришдан олдин тингланг.
Ёзишдан олдин ўйланг.
Пулни сарфлашдан олдин ишлаб топинг.
Аразлашдан олдин кечиришни билинг.
Оғритишдан олдин ҳис қилинг. Нафратланишдан олдин севинг.   Ўлишдан олдин - яшанг...

**© Уилям Шекспир**

Кунингиз хайрли ўтсин Азизлар!!!
@Sayyidzod