Август сув тарайди яйдоқ далага,
Ҳориб қайтган чўпон сурувин қамар.
Осмон чодир ёяр ой машъалага,
Соялар оқ туннинг чопонин ямар.

Олислардан кела бошлар тўйхатлар,
Ишкомларга ўзин осади самар.
Дил розига тўлар кентлар, пойтахтлар,
Умид улғаяди қабрингга қадар.

Ишққа сирдош ёлғизоёқ сўқмоқлар,
Чирилдоқлар туннинг жонини ёқар.
Теракзорда чапак чалар япроқлар,
Ариқларда қирмиз олмалар оқар.

Еру- осмон гувоҳ, ҳар зарра уйғоқ,
Полизларда шўх ел қовун ёради.
Август...
Топ- тоза тун...
Ва тоза гуноҳ,
Сени Худовандга олиб боради.

✍️Самариддин САЙЙИДЗОД
@Sayyidzod

*✍Матн: Эркин Воҳидов.*

*?Ўқиди: Самариддин Саййидзод.*

Кел юлдузлар тўшалган йўлдан,
Етакласин бизни муҳаббат.
Ғамларингни чиқар кўнгилдан,
Шод кунларни эслайлик фақат.

Сайр этайлик, кел, бирга эркам,
Рози кетсин, биздан умрбод.
Шодлик учун яралган олам,
Севмоқ учун берилган ҳаёт.

@Sayyidzod
~~???~~каналга уланиш!

ИЛТИЖО
«Неча йиллар ўтиб ҳам борсак
уйда бизни онам кутиб олармикан?»
Опамнинг саволи.

Muallif: Guljamol Asqarova
Ijroda: Sakiyna Nur

@Sayyidzod

Қалбим, қалбинг билан гарчи фироқсан,
Ёдингдан сув ичар йиллари фасли.
Йиқилсам бағрингни очар тупроқсан.
Сендан униб чиққан дарахтман асли.

Қара, урлаяпман кун сайин кўкка,
Гуллаб бораяпди бардошларим жим.
Энди айланади алвон кўприкка,
Кузги япроқларин тўккан соғинчим.

Самариддин Саййидзод

@Sayyidzod

Ота уй

Аввал опаларим кетди,
Сўнгра дарахтлар...
Ёр-ёр кетди,
улар билан Баҳор кетди...

Онам борда қалдирғочлар йўқлаб турди,
Отам борда, бошим тожлар йўқлаб турди.
Бир йўл тушди, борса келмас томонларга,
Отам уйин тутиб турган девор кетди...

Тўрт томонга етди,  юртга керакларим,
Тулпор эди,  тутун бўлди юракларим.
Боғчасига нарвон бўлган теракларим,
Ўтин бўлди, бегонага бир ёр кетди...

Ҳаёт кутиб олди баъзан гуллар билан,
Ва бошимга оқлар экди дўллар билан.
Шунча йиллар кетди, қайси йўллар билан,
Тун кетдими, ва ё пешин, наҳор кетди...

Етти юртга ошён қурган,  эй қушларим,
Бугун сизга ота уйдан товушладим.
Болаликда бутун бўлган ковушларим,
Ертилдими Отам қайси бозор кетди.

Самариддин Саййидзод
02.05.2024.

@Sayyidzod

"Endi oy chiqmaydi osmoningizda ..."

Sevimli she'rlar...???

? ? ? ? ? ? ?

✍ Samariddin Sayyidzod she'ri

? Nigora Tog'ayeva o'qidi.

?Operator: Jamshid Sultonov
Nigora Tog‘ayevaga rahmat!!!
Ajoyib ijro uchun!!!

@Sayyidzod

Отам олис жойга кетди,
Ойдек онам ойга кетди.
Маним кўнглим найга кетди,
Осмонларга кетмадим ман.

Кўклам қариб кузга етди,
Куз ахтариб музга етди.
Шўр пешонам тузга етди,
Буюк сўзга етмадим ман.

Гард уюлиб тоғ бўлмади,
Дард гуллади, боғ бўлмади.
Бир бахтиёр чоғ бўлмади,
Шодлик майин ютмадим ман.

Ишқ куртаги япроқ бўлди,
Япроқ тани тупроқ бўлди.
Тупроқда ҳам гуноҳ бўлди,
Кўзларимга суртмадим ман.

Руҳим тандин кетган либос,
Бу ишқ жондин олгай қасос.
Маним  умрим ишқдир холос,
Ишқ сингари кўп қадимман,
Ишқсиз куним ўтмадим ман.

Маним умрим ишқдир холос.

Самариддин Саййидзод
2009
@Sayyidzod

O‘n besh yil oldin bo‘lgandami!...
Nima qilarding?
Sening qo‘llaringni mahkam tutgan va hech qachon qo‘yib yubormagan bo‘lardim...
Bilasanmi qalbga yaqin har ne seni eslatadi...
Hattoki qo‘shiqlar...
Bugun yana seni esladim...

@Sayyidzod

Bayramingiz muborak bo‘lsin aziz Ayollar!!!

✍Zulfiya Mo‘minova

?Samariddin Sayyidzod

??????

@Sayyidzod
???kanalga obuna bo‘ling!

#xayrlikun #iqtibos

Жон саройини излаётган экансан ⸺ жонсан;
бир луқма нон излаётган экансан ⸺ нонсан;
бир томчи сув излаётган экансан ⸺ cувсан;
зулмнинг ортида экансан ⸺ золимсан;
ишқни излаётган экансан ⸺ ошиқсан...

Бу ҳикматни билсанг, демак ишни билдинг. Кўнглинг нима билан банд бўлса, сен ана ўшасан...

© Мавлоно Румий

@BeshinchiTomon
@Sayyidzod