#ғофир_20

1. وَاللهُ يَقْضِي بِالْحَقِّ  وَالَّذِينَ يَدْعُونَ مِن دُونِهِ لَا يَقْضُونَ بِشَيْءٍ  إِنَّ اللهَ هُوَ السَّمِيعُ الْبَصِيرُ.

Аллоҳ субҳанаҳу ва таоло бандалари ўртасида – улар нимага лойиқ бўлсалар ўша нарсага – адолат билан ҳукм қилади. Аллоҳдан ўзга ибодат қилинаётган сохта илоҳлар эса ҳеч нарсани ҳукм қилолмайдилар. Зотан, улар ҳукм қилишга ожиздирлар. Шубҳасиз, Аллоҳ бандаларининг сўзларини эшитувчи ва иш-феълларини кўриб турувчидир. У яқинда уларни қилган ишларига муносиб тақдирлайди.
(Ғофир сураси 20-оят)

⊱• ━━━━━━━ 📖 ━━━━━━━ •⊰

"Тафсиру муяссар" саҳифаси.

@tafsiru_muyassar

#ғофир_19

1. يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ.

Аллоҳ субҳанаҳу ва таоло кўзлардан содир бўладиган ўғринча қарашларни ҳам, инсон кўнглида яширин бўлган яхшию ёмон фикрларни ҳам билади.
(Ғофир сураси 19-оят)

⊱• ━━━━━━━ 📖 ━━━━━━━ •⊰

"Тафсиру муяссар" саҳифаси.

@tafsiru_muyassar

#фотир_30

1. لِيُوَفِّيَهُمْ أُجُورَهُمْ وَيَزِيدَهُم مِّن فَضْلِهِ  إِنَّهُ غَفُورٌ شَكُورٌ.

Зеро Аллоҳ таоло уларнинг амаллари мукофотини ҳеч камайтирмай, тўла-тўкис қилиб беради ва Ўз фазлу марҳамати билан уларга ажру-савобларни бир неча баробар кўпайтиради. Аллоҳ уларнинг ёмонликларини кечирувчи, яхши амалларини тақдирловчи Зотдир, У уларнинг яхшиликларини мўл-кўл ажру савоблар билан мукофотлайди.
(Фотир сураси 30-оят)

⊱• ━━━━━━━ ? ━━━━━━━ •⊰

"Тафсиру муяссар" саҳифаси.

@tafsiru_muyassar

#фотир_29

1. إِنَّ الَّذِينَ يَتْلُونَ كِتَابَ اللهِ وَأَقَامُوا الصَّلَاةَ وَأَنفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَّن تَبُورَ.

Қуръон ўқийдиган ва унга амал қиладиган, намозларини ўз вақтида тўкис адо этадиган, Биз ризқ қилиб берган мол-дунёлардан фарз ва ихтиёрий нафақаларни махфий ва ошкора суратда берадиган кишилар – ана ўшалар ҳеч қачон касод ва барбод бўлмайдиган тижоратни, яъни, Роббиларининг розилиги ва мўл-кўл ажру савобига эришишни орзу қиладилар.
(Фотир сураси 29-оят)

⊱• ━━━━━━━ ? ━━━━━━━ •⊰

"Тафсиру муяссар" саҳифаси.

@tafsiru_muyassar

#фотир_28

1. وَمِنَ النَّاسِ وَالدَّوَابِّ وَالْأَنْعَامِ مُخْتَلِفٌ أَلْوَانُهُ كَذَٰلِكَ  إِنَّمَا يَخْشَى اللهَ مِنْ عِبَادِهِ الْعُلَمَاءُ  إِنَّ اللهَ عَزِيزٌ غَفُورٌ.

Биз одамлар, жониворлар, туя, мол, қўй ва эчкиларни ҳам ҳар турли рангларда яратдик. Уларда ҳам худди мевалар ва тоғларнинг ранги ҳар хил бўлгани каби қизил, оқ, қора ва бошқа рангдагилари бор. Аллоҳ субҳанаҳу ва таолони, Унинг сифатларини, Унинг шариатини, У ҳар нарсага қодир эканини билувчи уламоларгина Аллоҳдан қўрқадилар, Унга итоат қилиб, маъсиятидан четланиб, Унинг азобидан сақланадилар. Махлуқотлар бир нарсадан яратилганига қарамасдан турли-туман рангларда бўлиши ҳам Аллоҳнинг қудратига далилдир. Уламолар бу махлуқотларда бўлган панд-насиҳат ва ибрат намуналари ҳақида тафаккур қиладилар. Шубҳасиз, Аллоҳ енгилмайдиган қудратлидир, тоат қилувчиларга савоб берадиган, уларнинг гуноҳларини кечирадиган Ғафурдир.
(Фотир сураси 28-оят)

⊱• ━━━━━━━ ? ━━━━━━━ •⊰

"Тафсиру муяссар" саҳифаси.

@tafsiru_muyassar

Шуаро сураси тугади.

#шуаро_227

1. إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللهَ كَثِيرًا وَانتَصَرُوا مِن بَعْدِ مَا ظُلِمُوا  وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ.

Аллоҳ таоло бу шоирлар ичидан иймонга ҳидоятланган, яхши амаллар қилган, Аллоҳни кўп зикр қилган, Аллоҳнинг тавҳиди-бирлиги, Унга ҳамду санолар айтиш ва пайғамбари Муҳаммад соллаллоҳу алайҳи ва салламни ҳимоя қилиш мавзусида шеър айтган, ҳикмат, панд-насиҳат ва гўзал одоблар ҳақида сўзлаган, Исломни ҳимоя қилган, Исломни ва унинг пайғамбарини ҳажв қилганларни ҳажв қилиб, кофир шоирларга раддиялар берган баъзи шоирларни истисно қилди. Ширк келтириш ва маъсият қилиш билан ўзларига зулм қилган, ўзгаларнинг ҳақ-ҳуқуқларини поймол қилиб, ёки уларга тажовуз қилиб, ёки ботил бўҳтонлар қилиб бировларга зулм қилган кимсалар ёмонлик ва ҳалокатнинг қайси ўрнига қайтишларини яқинда билиб оладилар. Шубҳасиз, у ер (дўзах) энг ёмон қайтадиган ўриндир. Аллоҳдан саломатлик ва офият сўраймиз.
(Шуаро сураси 227-оят)

⊱• ━━━━━━━ ? ━━━━━━━ •⊰

"Тафсиру муяссар" саҳифаси.

@tafsiru_muyassar

#шуаро_226

1. وَأَنَّهُمْ يَقُولُونَ مَا لَا يَفْعَلُونَ.

Улар ўзлари қилмайдиган ишларни айтишади. Ботил аҳлини мақтаб, кўкларга кўтаришади, ҳақ аҳлини ерга уришади.
(Шуаро сураси 226-оят)

⊱• ━━━━━━━ ? ━━━━━━━ •⊰

"Тафсиру муяссар" саҳифаси.

@tafsiru_muyassar

#шуаро_180

1. وَمَا أَسْأَلُكُمْ عَلَيْهِ مِنْ أَجْرٍ  إِنْ أَجْرِيَ إِلَّا عَلَىٰ رَبِّ الْعَالَمِينَ.

Мен сизларни Аллоҳга иймон келтиришга чақиришим эвазига сизлардан бирон мукофот сўрамайман. Менинг мукофотим оламлар Роббининг зиммасидадир”.
(Шуаро сураси 180-оят)

⊱• ━━━━━━━ ? ━━━━━━━ •⊰

"Тафсиру муяссар" саҳифаси.

@tafsiru_muyassar