فوق كل هذا ليميساج بزاف يعني كل واحد نريح نجاوب على تمرين نحاول و نشرح و نفهم كل واحد ساعة من 250 ميساج كل واحد تشرحلو و تفهمو 250 ساعة
باقي أمور ننشر في قناة

ملاحظة

خاوتي لعزاز انا منيش استاذ ما عندي حتى علاقة بسلك تعليم مجرد شاب مساعد لطلاب البكلوريا فقط يعني كاين مواد نكون فور فيهم و مواد شوية شوية
لم يجيني واحد يطلب مني حل تمارين ولا يا اخي و يا اختي كاين تمارين منقدرش نجاوبك نمدلك إجابة غالطة اي عفسة ننشر في قناة حاجة لي نقدر نجاوب نجاوب عليها حاجة لي منقدرش الله غالب

🟢ملخص شامل لشعر بلهجة جزائرية بدارجة.
برطاجي لناس كامل  في كل مجموعة و مع كل ❤️ صديق
متنساوش دعوة بشفاء فقط لي و ل أمي ❤️

1) في سنة ثانية ليسي قرينا في اللغة عصر العباسي لي كان فيه زوج حوايح
اللهو واللمجون (شرب الخمر_غناء _الرقص) و الجيهة لخرا الزهد و هو رجوع الى الله تعالى
2) في الباك واش عندنا ؟
جانا عصر جديد و هذا العصر اسمو عصر الضعف و الإنحطاط
من اسمو تفهم بلي حاجة ضعفت و هبطت
و هذا العصر بدا في 656 ه‍ في البلاد العربية و الاسلامية 
و سبب رئيسي لهذا الضعف هو سبب سياسي
دولة العباسية زدملها جنكيز خان و هذا حابس في راسو يعرف الحرب و دمار و القدام بالجيش تاعو المغول حرقو قتلو دارو بزاف عفايس
المهم البلاد العربية و الاسلامية نتشر فيها من جانب الاجتماعي  الفقر و دمار و الفساد و اللا أخلاق 
و من  جانب الفكري (شعر و نثر)
ماتت الحيات العلمية و الادبية  مرضت 
و شعراء من قوة تأثرو مقدروش يجيبو الجديد مالا ولاو يعاودو في المواضيع القديمة و العقول جمدت 
صافي الشعر و النثر ولا للور و ولا صامط و ماشي في المستوى المطلوب
____
نتعمقو في جانب الشعر كثر
في العصر الضعف و النحطاط هذا
خرجولنا اغراض شعرية ماشي غريبة و ماشي جديدة و الي هي
المديح النبوي و الزهد
واللي كانو كاينين من قبل في العصر العباسي و صدر الاسلام
كيما قتلكم مكاش جديد
كاين غير القديم و يتعاود .
و بانو شعراء في العصر هذا لي حبوش يتلقو الشعر باسك الله غالب مشالهم في الدم
كيما البوصري _ و ابن نباتتة
نبداو .

🔥بالمديح النبوي نعرفوه هو غرض شعري اللذي يتمثل في وصف الرسول صلى الله عليه و سلم (صلو عليه) في صفاتو الخلقية (بضم الخاء ) اي صفات الاخلاق و وصف صفات الخلقية ب فتح الخاء (اي صفات جسدية و وجهه و نوره
و تبيين فضله على الأمم . هذا تعريف
لي كتب بزاف في الشعر هذا (البوصري )
#مميزات هذا الشاعر لي قادر يطيحو في تقويم نقدي ✔️
تميز البوصري برصانة شعره و الجزالة الفاضه (جزالة اللفاض نعني بيه الفاض كانت صعيبة نطق  شوية و معناها قوي ) و حسن استعما البديع (صور بيانية _محسنات بديعية_ الخ)
و كان معروف بقصيدة البردة (احفض اسمها قادر يطيح تقويم نقدي
كملنا مميزات شاعر
نروحو لاسباب انتشار و بروز هذا الغرض المديح النبوي
🚀1) زوال شعر التكسب : شعر تكسب هذا كان في عصر العباسي و اللي هو شعراء يمدحو الملك تاعهم و في العصر الضعف راح
باسك الشعراء لي حكمو دول العربية اعاجم ميفهموش عربية الوغ ميفهموش الشعر . مالا راح شعر تكسب ✔️
2 انتشار الفساد و اللاأخلاق و اللهو و المجون في مجتمع .
3 رغبة الشعراء في نص و الارشاد
هنا كملنا الغرض مدح
نروحو الغرض الزهد
نعرفوه
😔الزهد هو غرض شعري يتمثل في ترك ملذات الدنيا و اتباع طريق الله تعالى و وجوب توبة اليه قبل فوات الاوان .
من اكثر من كتب في هذا الغرض
ابن نباتة :
تميز ابن نباتة : كثير الشكوى من فقره و شيبه كان فقير  و تاب قال نربحها في الآخرة
المهم💎 : اسباب انتشار الغرض هذا
انشار اللا اخلاق و الفساد في المجتمع
رغبة الشعراء في نصح و الارشاد . ____ كمل*نا الغرضين لي بانو في هذا العصر
دوك هذا العصر عندو مميزات اتصف بيها 👺
كيما نقولك بما تتصف الشمس تقولي حارة
و تشرق و تغيب
هذا العصر اتصف ب
😍1 العجز عن الابتكار و تجديد ميما حكيتنا
2 التنميق اللفضي : هو يهدر باش يهدر بلا فايدة القصيدة تلقاها معمرة صور بيانية و محسنات بديعية و الخيال بصح السلوب✅ ضعيف و يغطو الموضوع بلي قديم 
3حافضو على بناء القصيدة القديمة
(قصيدة العمودية : ذات شطرين _    _
و حدة اروي و القافية و توضيف
استفاح بتصريع
هو انك تلقى اخر حرف في
صدر القصيدة و اخر حرف عجز القصيدة
في البيت الاول فقط
مثال
_حج(ر )        ___* القم(ر )
قلنا في البيت الاول فقط
❤️5اعتمدو على اسلوب التناص
التناص هو التضمين : ولي هو يدو هدرة من شعراء وخدخرين و يديروها في القصيدة تاعهم
و الاقتباس هو يدو كلمات و جمل من القرآن و السنة 
6 وحدة البيت : استقلالية الابيات هي كوون تخلط بين الابيات ما يصراش خطأ ولا تنحبي بيت كامل ميخنلش المعنى  ____هاذو مميزات الشعر : ✅**
روحو لاسباب الضعف و الانحطاط
1) قلنا سقوط الدولة العباسية و حرقو الكتب و المكتبات و انطفاء منابر للشعر (بغداد_الكوفة (
2 الحكام لي حكمو الدول العربية مشجعوش الشعر باسك ميفهموهش اصلا
3 اغلب الشعراء خلاو الشعر و راحو يحوسو على حرف باش يخدمو و يجيبو باش ياكلو . (الحدادة_الصباغة _)
4 العقول جمدت تشوكات حبست مقدرتش تكمل تبدع 
هنا كملنا جانب الشعري

✅  🆓 للمزيد من #ملخصات📝 #شروحات_لدروس📚 + #تحفيز 💪 و غيرها و #كل_شئ يخص #بكالوريا🤓 🔖
#جميع_الشعب
🟢 لا تترددوا في متابعة 🫴قناة تلغرام 😌 ✅️ و إن شاء الله تستفادوا كامل ❤
رابط ( قناة تلغرام #الرسمية) بكالوريا جميع الشعب     
✅️👇👇✅️
😌👉  https://t.me/bac_dztop

🔹اخر فرصة لتدارك الفصل الاول في مادة الرياضيات 📣
.
🔹الانطلاقة من يوم الاحد 24 نوفمبر الى الخميس 28 نوفمبر -5 حصص مكثفة للتحضير للاختباراات و الباك

🔹الدورة تشمل محاور الفصل الاول لكل شعبة
الدوال العددية و الاسية للعلميين -المتتاليات-للاداب و التسيير
محتوى :
دوال اسية و عددية للعلميين و الباقي متتاليات

🔹سعر الدورة كاملة  990 دج ( 99 الف )
🔹الاماكن جد محدودة  للتسجيل @tafawq_insc