Ассаламу ӏалайкум.
👤2827-гla Хаттар: Деле деха лууш, оьшуш цхьа хӏума хилча, шена луучу хенахь дӏа а хӏоьттина суннат-ламаз дан йиш юй?

ВаӀалайкум ассалам варахьматуллахӀи ва баракатухӀ!
✔Жоп: Муьлхха а хенахь деха АллахӀе. Ткъа бахьана доцуш деш долу ламаз муьлхха а хенахь дан мегаш ду, ши меттиг боцург:

➖малх хьалаболуш цхьа 15-20 минот яллалц;
➖иштта малх чубузуш 15-20 минот яллалц;

Иштта Ӏуьйра-ламаз дича малх хьалабаллац, малхбуза-ламаз дича маьркӀажа хан хиллалц бахьана а доцуш суннат-ламаз дийр дац, цхьана бахьанина деш делахь мегар ду, масала: ламаз эцча деш делахь я истихарат-ламаз делахь. Ткъа деккъа доӀа дан аьлла ламаз деш елахь, цу шина ханчохь дийр дац.

#доlа

https://t.me/Yijariyn_hattarsh

Ассаламу ӏалайкум.
👤2826-гla Хаттар: Дуьйцуш хезнера суна, хӏусамда молуш велахь, цо и шена дотта аьлча, зудчо дотта дезаш ду бохуш, масала: цигаьрка елахь, цо уьш эца аьлча, эцчхьана йолу и зуда, цунах зудчунна къа хуьлуш дац, цо аьлларг дичхьана яьлла.

ВаӀалайкум ассалам варахьматуллахӀи ва баракатухӀ!
✔Жоп: Элчано (саллаллахIу IалайхIи ва саллам) аьлла: «Ӏесаллина тӀехь муьтӀахь хир вац, баккъалла а, муьтӀахь хилар дикачу хӏуманна тӀехь ду».
[Бухарий: 7257]

➖Кхечу хьадисехь а аьлла Элчано (саллаллахIу IалайхIи ва саллам): «Цара шуьга омра дахь АллахӀана Ӏеса хила аьлла, цара бохург ма де».
[Ибн МажахӀ: 2330]

➖Кхин а аьлла Элчано (саллаллахIу IалайхIи ва саллам): «АллахӀа кхоьллиначунна муьтӀахь хилар дац, кхуллуш волу АллахӀана Ӏеса а хуьлуш».
[Сахьихь: ЖамиӀ: 7520]

➖Кхечу хьадисехь а боху Элчано (саллаллахIу IалайхIи ва саллам): «Ӏеса хила аьлла омра дахь, цунна муьтӀахь хир вац».
[Муслим: 1839]

ХӀусамдас бахахь а, хьамма бахахь а хьарам хӀума дийр дац, цу тӀехь муьтӀахь хир яц!

https://t.me/Yijariyn_hattarsh

Ассаламу Ӏалайкум.
👤2809-гla Хаттар: Цхьаьнца захало дан лууш хилча, иза пайде делахь тхо цхьаьнатоха Ахь, аьлла, доӏа дан мегар дуй?

ВаӀалайкум ассалам варахьматуллахӀи ва баракатухӀ!
✔Жоп: Иштта дича нийса хир ду, пайде делахь рицкъанаш цхьаьнатоха Ахь аьлла.

https://t.me/Yijariyn_hattarsh

Ассаламу Ӏалайкум.
👤2808-гla Хаттар: Доьзалхочун корта дуьххьара нанас баша мегий-те?

ВаӀалайкум ассалам варахьматуллахӀи ва баракатухӀ!
✔Жоп: Мегаш ду.

https://t.me/Yijariyn_hattarsh

Вайн бот : @Yijariyn_bot 🕶

Зударийна тоба (аманат).

Ассаламу lалайкум.
👤2263-гla Хаттар: Зуда йитин хилча там-мах хьаьнца бан беза?

ВаӀалайкум ассалам варахьматуллахӀи ва баракатухӀ!
✔Жоп: Дегара пурба хила деза, да реза велахь тӀаккха бо там-мах.

https://t.me/Yijariyn_hattarsh

Ассаламу ӏалайкум
👤2192-гla Хаттар: Хӏусамехь яахӏума яа охьахевшича, ерриг несо охьайиллина, нус хӏума юуш йолуш юх-юха цхьацца оьшург олуш хьалагӏиттор муха ду? Шаверг хиина ӏаш волуш, нус ирахь латтар муха ду вайн динехь?

ВаӀалайкум ассалам варахьматуллахӀи ва баракатухӀ!
✔Жоп: Нус иштта ца хилча хуьлуш ду кертахь девнаш, зудчунна хаьа деза ша маре йоьдучу хенахь ша лело дезарг. Нехан хӀусаме дӀа а йоьдий, цигахь къеста ца до. Масала: дукхачу хьолехь нус жима хуьлуш ю, тӀаккха хӀума яа охьахевшича несе олу-кх, иза нус ю, несо а ма олу шел жимачуьнга, шен йиша хуьлийла и, я кхиверг, иштта ду и. Оццул малдала мегар дац, вайн наноша лелийнарг дагадаийта, цара лайнарг а, цара лелийнарг а. Ткъа вайна атта мел хуьлу а атта деза. Несо лело везаш ву шен хӀусамда а, цуьнца кертахь Ӏаш болу цуьнан гергара нах а, нус ма ю и, жима а ма ю и. Ткъа и иштта лелаш юй хууш хӀусамда цуьнца дика хила а веза, цуьнан догъоьцуш а, цуьнан гергарчу нахаца гӀиллакхе хиларца а, несо хьан гергара нах лела ма-барра. Несаца гӀиллакхе хила веза, нус лара а еза, шен йиша, шен йоӀа ма-ларрара, иза а ю цхьана дас-нанас кхиийна, къа а хеташ, кхоа а еш, совъяьлла луш яц маре, Дала кхоьллина низам ду, стага зуда шен керта схьаялош, нус лара еза, хьан вешин я хьан кӏентан хӀусамнана ю и, тахана ахь схьаялийча нус хуьлу, кхана хьан кертарниг ма ю кхечу нехан керта яха езаш, цунах а ма хуьлу нус. Цундела несаца харцо лело мегар дац, кхана шена хьаьвззина чудогӀур ду. Ткъа несе чай дотта алар я кхалла хӀума ло алар, шен бедар йитта алар -, иза нус хьийзор дац. Нус а, марзахой а вовше гӀиллакхе хила беза. Дукхачу хьолехь барт латтор несах доьзна хуьлуш ду, цуьнан собарх доьзна хуьлуш ду. Цундела собаре хила, даима ца лаьтта нус жима, дерриг хӀума цуьнга де бохуш, жимма собаре хила. Ахь царна хӀума охьайиллар, хьуна мела бу, хьуна хало хуьлуш елахь хьо собаре хилахь, таккха а хьуна мела бу.

https://t.me/Yijariyn_hattarsh