Maktabgacha va maktab ta’lim vazirligining “Jadidlar izidan” tanlovi g’oliblarini taqdirlash tadbiriga taklif qilindik.

Bu mazmuni keng, maqsadi yuksak loyihaning 14 nafar g’oliblari Germaniyaga safar qiladilar va milliy taraqqiyotimizga hissa qo’shish uchun Vatanga mag’rur qaytadilar.
Tariximizning qora kunlaridagidek, taraqqiyotchilarimizga qo’nxo’r bosqinchilarning zarari tegmasligi uchun tanlovda 14 emas, 6,5 million maktab o’quvchilarini g’olib bo’lishiga erishishimiz kerak.@alisherQodir

Rossiyalik hamkasblarimiz rus tilini o’rgatish emas, bilmaganlarni Rossiyadan, bolalarini maktabdan haydash yo’lini tanladilar.

Bu qonun postsovet mamlakatlarida rus tiliga bo’lgan ehtiyojni ham, hurmatni ham keskin kamaytirishi mumkin.

O’zbekiston davlat idoralarida ishlaydigan minglab, maktablarimizda o’qiydigan yuz minglab davlat tilini umuman bilmaydigan vatandoshlarimiz va ularning bolalari bor.

Elektoratimiz savollariga javob berish uchun bu tajribaning ijobiy va salbiy jihatlari diqqat bilan o’rganib chiqiladi.

@alisherQodir

4 ta yangi harflarni qo’llash bo’yicha tahlilimni to’xtataman.

2019 yilda Davlat rahbarining O’zbek tili bayramidagi ma’ruzasidan keyin boshlangan O’zbek alifbosini isloh qilish komissiyasi tomonidan taklif qilgan 4 ta harfdagi o’zgarishlarni 1 yildan ko’proq vaqtda ijtimoiy tarmoqlardagi sahifalarimda muntazam qo’lladim.

Men uchun qulay bo’ldi, ikkita, uchta belgini jamlab bitta harf chiqarishdan ko’ra, bitta harakat bilan bitta harf chiqarish menga sezilarli qulaylik berdi. Lekin bir qism o’quvchilar uchun o’qish qulay bo’lmadi shekilli, e’tirozlar tinmadi. Bu masalada 11 marotaba ijobiy va 35 marotaba salbiy qarash o’qidim.

Nima bo’lganda ham alifbo islohotlarini yakunlashimiz kerak. “O’zbekiston” so’zini birinchi harfidanoq bo’linishi yo’l qo’yib bo’lmaydigan anglashilmovchilik. Kim bu harfni o’ylab topgan bo’lsa ham davlatimiz nomiga nisbatan hurmatsizlik qilgan. Qolaversa, ş, ç, ö, ğ Cholpon va Qodiriylar qo’llagan harflar edi.
Bugundan boshlab amaldagi harflarga qaytaman, 4 ta harf bo’yicha esa rasmiy qarorni kutamiz. Saylovchilar fikrini hisobga olishimiz kerak.

@alisherQodir

Yaqin ikki yilda barcha kommunal xizmatlar bir paket sifatida, bitta subyekt tomonidan taqdim etiladi va qarzdorlik ham umumlashtiriladi. O’z-o’zidan sifatsiz xizmat uchun chorani keskinlashtirish ham ko'zda tutiladi.

Hammamiz yorug', issiq va toza yashashni istaymiz. Bu istagimizni ta'minlash uchun minglab vatandoshlarimiz tunu-kun ishlaydilar. Ularni haqini to'lamaslik hammaga zarar.

Chiqindilarni to’plash, saqlash va qayta ishlash jamiyat salomatligi uchun hayotiy masala. Noto’g’ri saqlanayotgan chiqindi poligoni kimyoviy quroldek xavfli va bizda 200 ta shunday poligon bor. Chiqindi masalasi eng oxrigi, xavfli nuqtasiga yetib keldi.

Tartib bo'lmagan tizimga investorlar milliardlab mablag’ini bermoqchi emas, investitsiyalarsiz esa tizimni o’zgartirib bo’lmaydi.

Chiqindi va elektr to’lovlari bir tizimga ulanmoqda, navbat gaz va suv to’lovlariga. Maqsad vatandoshga sifatli kommunal xizmati ko’rsatishning samarali tizimini yaratish.

Qonunni birinchi o’qishda ma’qulladik.

@alisherQodir

Yoshlar ishlari agentligining O’quv markazlari forumida ishtirok etdik.

O’quv markazlari katta kuchga aylanayotganiga guvoh bo’ldim.

Bitiruvchisining muvaffaqiyat monitoringi asosida reyting joriy qilish oliygohlarimiz uchun juda og’ir ish, o’quv markazlari bunday reytingni joriy qilib o’zaro raqobatlashyapti.

Har ikki markazning bittasi maqsad sifatida oliygohga aylanishni qo’ymoqda. Har ikkita markazdan bittasi maktab va bog’cha ochyapti. Bu juda yaxshi!

Fikrimcha, ta’lim islohotlarida intilayotgan muvaffaqiyatimiz o’quv markazlari bilan bog’liq bo’ladi.

Eng kamida bu maydonda haqiqiy raqobat, aniq maqsad bor va ularni haqiqiy manfaat harakatga keltirmoqda.

@alisherQodir

Davlat rahbarining mamlakatimizda kambağallikni tugatiş uçun qilayotgan taşabbuslarini qöllab-quvvatlaymiz.

Muhtojlarni qöllab-quvvatlaş – minglab yillik qadriyatlarimizga uyğun bölgan savobli iş.

Taklifimiz, davlatning kömagi maqsadli, manzilli va bir martali bölişi kerak, aksinça, sovet boqimandaligi qaytadi va yaqin tariximizda bölganidek taraqqiyotimiz kuşandasiga aylanadi.

Odamlarga tuşuntirişimiz kerak, mamlakatimizda kambağallikni tugatiş maqsadida, sarflanayotgan trillionlab byudjet mablağlaridan maqsad –xalqimizni raqobat bölmasa ösiş bölmaydigan iqtisod, izlaniş-intiliş bolmasa natija bölmaydigan jamiyatga tayyorlaşdir.

Kim imkoniyatdan töğri foydalanib, kiçik bölsa ham daromadiga manba yarata olsa, uzoqqa boradi. Kömak doimiy böladi, davlat otadek boquvçi bölişi kerak, deb öylaydiganlar yaqin kelajakda, boylarning saxovatiga umid qilib yaşaydigan barqaror muhtojga aylanadilar.

Taraqqiyot qadriyatlarga tayanişi kerak!

@alisherQodir

Telegram

Shavkat Mirziyoyev_press-service

Президент Шавкат Мирзиёев: Камбағалликни қисқартириш умуммиллий ҳаракатга айланади Prezident.uz|Facebook|Instagram|YouTube|X